Jeremi 34:16 - Bible azumeina

¹⁶ Wani agi hulong bud’ugi vun magi ma djinda kä woyo, agi lazan simiyênu, agi nge nge pî mi hulong yo magumei suma andjofâ ki suma arop suma agi tchuguzi akulona, agi hulong nga oromozi kad’enga á mbut magumei magi suma andjofâ ki magumei suma aropma kua.

Jeremi 34:16 Kruisverwysings

Buzuk ka Abud’a 20:7

Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.

Jeremi 34:11

Wani bugola, a hulong a but vun mazi ma djinda kä woyo, a hulongî ki magumei suma andjofâ ki suma arop suma azi tchuguzi akulona, a nga oromozi kad’enga, a mbud’uzi magumeina kua.

Ezekiyel 13:22

Agi b’lagagi hur suma d’ingêr suma an tan b’lagazi nga huruzi d’uo na ki zla magi d’a kad’a, agi nga hagi ad’enga mi suma asa’atna á d’elezi tala a hulongî woi ata tit mazi d’a tchod’a á kak karid’a d’a.

Ezekiyel 18:24

Wani le sama d’ingêrâ mi ar sun mam mba d’ingêra woi mi le sun nda ndjendje d’a sama asa’atna nga mi lata ni, mam mba mi kak karid’a zu? Sun mam mba d’ingêra pet a mba ndumumzi kam mbi. Wani yam sun nda ata yat tuo d’a ki tcho d’a mam he tam kat á led’id’a, mba mi mit tei kad’u.

Ezekiyel 20:39

Agi Israel-lâ, Salad’a Ma didina mi dala: Agi igiya, ar nge nge pî mi i tuwal filei mama! Wani bugola, agi mba humunu, agi mba mbud’un simiyên ma bei tchod’a ndjendjed’a ki he d’a hawa d’a agi nga hat mi filei maginid’a d’uo d’a.

Ezekiyel 3:20

Wani le sama d’ingêrâ mi ar sun mam mba d’ingêra woyo, nga mi le sun nda ata yat tuo d’a ni, an mba tinim vama dap asema avoromu, mi mba mid’a. Kayam ang gum nga humam mbuo, mba mi mit kur tcho mamba, an mba ni djib’er yam sun mam mba d’ingêr ra mi lata d’uo d’a, wani an mba ni djobom mad’am natang angû.

Ezekiyel 39:7

An mba ni tak simiyên Ma tin tan irat vat yam man suma Israel-lîna, an mba ni ar suma a ngulun simiyên Ma bei tchod’a ba na d’uo d’a. Hina wani, andjaf suma a mba wala an ni Ma didin ma tin tan irat vat yam man suma Israel-lîna.

Sunda hi suma hi Levi-nid’a 19:12

Agi gunugi tagi ir gurzula ki simiyên ndala agi lazan simiyên an Alo mangîna d’uo d’a, kayam an ni Ma didina.

Malatchi 1:12

Wani ni agi ba, nga lazan simiyênu. Agi nga dagi ala: Yima ngal ahle suma ngat buzunina hi Ma didinina mi ndjendjed’a, ahle suma te suma yam yima ngat buzunina, agi golozi is mi.

Malatchi 1:7

Ni kayamba agi nga mbagi kahle suma te suma ndjendjed’a yam yi man ma ngal ahle suma ngat buzunid’a. Agi nga dagi ala: Ami mbud’ung ndjendjed’a ni ki me ge? Ni kayamba agi golon yi man ma ngal ahle suma ngat buzuna isa.

1 Samuel 15:11

An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.