Jeremi 34:13 - Bible azumeina

¹³ An Ma didina Alona hi Israel-lîna ni djin vunan kabuyogi ngolo kur bur ma an buzuguzï woi kur ambas sa Ezipte-d’a kur yima a lazi magomba kuana, an dazi ala:

Jeremi 34:13 Kruisverwysings

Buzuk ka Abud’a 13:14

Fata grogina a mba djobogi avin ala: Ad’u zla ndata nana ge d’a, agi mba dazi ala: Ni Ma didina kad’eng mamba ba, mi buzugumï woi kur Ezipte kur yima a lami magomba kuana.

Buzuk ka Abud’a 13:3

Moise mi de mi Israel-lâ ala: Agi djib’eregi yam bur ma agi buzugugï woi kur Ezipte kur yima a lagi magomba kuana. Kayam ni Ma didina kad’eng mamba ba, mi buzugugï woi kua. Ar sa mi tavungô ma a lum kangufina kur bur ma ge hum máma d’i.

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Buzuk ka Abud’a 24:3

Moise mi mba, mi de zla d’a Ma didina mi dumzid’a ki vun ma he ma mi humzina pet mi Israel-lâ. Israel-lâ ki zla tazi pet a hulongôm zla d’a ded’a ki vun ma tuna ala: Ami mba lami ahlena pet suma Ma didina mi dami kazina.

Jeremi 11:4

Ni vun ma djin ma an djinim kabuyogi ngolo ata yima an buzuguzï woi kur ambas sa Ezipte-d’a d’igi für ma kaweina na na, an dazi ala: Agi humugi vama an hagi vuna kama, agi tid’igi yam vama an hagi vuna kama mi. Hina wani, agi mba mbud’ugi sum mana, an mba ni arî Alo magina mi.

Jeremi 11:7

Gagazi, an le glangâsâ mabuyogi ngolo, tinï ad’ud’a ni kur bur ma an ni buzuguzï woi kur ambas sa Ezipte-d’a dei gak ini. An nga ni mba á lazi glangâsâ ala: Agi humundi vunanu.

Jeremi 31:32

Vun ma djin máma nga ni d’igi vun ma djin ma an djinim kabuyozi ngolo kur bur ma an vazi abozi ni buzuguzï woi kur ambas sa Ezipte-nid’ina na d’i. Vun ma djin máma, an ni salazina pî, azi bud’um mbeyo. An Ma didina ni de na.

Jeremi 34:12

Ata yi máma Ma didina mi de zlad’a mi Jeremi kua ala:

Jeremi 7:22

Kayam an de nga zla kabuyogi ngolo d’oze ni hazi nga vuna yam he d’a hawa d’a ngala kahle suma ngat buzuna ata yima an buzuguzï woi kur ambas sa Ezipte-d’ina d’i.

Gat ta a hat á mbàd’id’a 13:10

Ang dur sama tcho máma kahinad’a, ang tchum mbeyo, kayam mi halî lovota á walang ngei dei ki Ma didina Alo mang ma mi ndangî woi kur ambas sa Ezipte-d’a kur yima a lagi magomba kuana.

Gat ta a hat á mbàd’id’a 15:15

Agi djib’eregi ala adjeu agi ei ni magomba kur ambas sa Ezipte d’a Ma didina Alo magina mi tchugugï woi akulo kura. Ni kayam ndata ba, an hagi ini vun ma he ma wana wana.

Gat ta a hat á mbàd’id’a 16:12

Ata yi máma agi djib’eregi ala adjeu agi ei ni magomba Ezipte, agi ngomogi gat ndata, agi tid’igi kat mi.

Gat ta a hat á mbàd’id’a 24:18

Agi djib’eregi ala adjeu agi ei ni magomba kur ambas sa Ezipte-d’a, Ma didina Alo magina mi tchugugï woi akulo. Ni kayam ndata ba, an hagi vun ma he ma wana wana, agi tid’igi kamu.

Gat ta a hat á mbàd’id’a 29:1

Wana ni vun ma djin ma Ma didina mi he vuna mi Moise ala mi djinim ki Israel-lâ yam ambas sa Mowap-pa na. Vun ma djin máma mi nga abo tam tu ki ma mi djinim ki sed’ezi adjeu yam ahina d’a Horep-pina d’i.

Gat ta a hat á mbàd’id’a 5:27

Ang tang hut go, ang humï ahlena pet suma Ma didina Alo meina mba mi dangzina, ang mba hulongômi ahlena pet suma Ma didina Alo meina mba mi dangzina ded’a. Ami mba humuziya, ami mba lami sunda kazi mi.

Gat ta a hat á mbàd’id’a 5:6

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Gat ta a hat á mbàd’id’a 6:12

fata agi tagizi agi hobogi ki sed’ezid’a, agi gologi tagi djiviya! Ar agi maragi yam Ma didin ma pad’agi woi kur ambas sa Ezipte-d’a kur yima a lagi magomba kuana d’i.

Gat ta a hat á mbàd’id’a 7:8

Wani Ma didina mi le kagiya, mi ndak vun gun tad’a mi gun tam mabuyogi ngolod’a. Kayam ndata, mi pad’agi woi kad’eng mamba, mi tchugugi akulo woi kur yima a lagi magomba kuana abo Faron amul ma Ezipte-na.

Gat ta a hat á mbàd’id’a 8:14

agi gologi tagi djiviya, ar agi maragi yam Ma didina Alo magi ma buzugugï woi kur ambas sa Ezipte-d’a kur yima a lagi magomba kuana d’i.

Josue 24:17

Kayam Ma didina nAlo mamina; ni mam ba, mi buzugumï woi kur Ezipte kabuyomi ngolo kur yima a lami magomba kuana; ni mam ba, mi lahle suma atchapma kä iramiya; ni mam ba, mi ngomomi kur lovot ta ami hlad’ï aduk suma wanid’a.

Suma ka sariyad’a 6:8

Ma didina mi sunuzi ma djogom vunama. Sa máma mi dazi ala: Ma didina Alona hi Israel-lîna mi dala: An ni buzugugï woi avo Ezipte kur azì ma a lagi magomba kuana.