Jeremi 33:3 - Bible azumeina

³ Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.

Jeremi 33:3 Kruisverwysings

Sawal la giled’a 145:18

Ma didina, mi nga go ki suma a nga yuma, mi nga go ki suma a nga yum ki hur ma tunina.

Sawal la giled’a 25:14

Ma didina nga mi tak zla d’a mudurid’a woi mi suma a nga lum mandarama, nga mi tagazi vun mam ma djinda mi.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Isai 45:3

An mba ni hang ndjondjoî d’a nga ngeid’id’a ki ndjondjoî d’a nga ngei d’a gumunda tala ang wala ni an Ma didina Alona hi Israel-lâ ma mi yang ki simiyêngâ d’a.

Isai 48:6

Agi humugiya! Agi djib’eregi yam ahle ndazina. Agi ndak á dagi woi kazi d’uo zu? Ki tchetchemba, an nga ni dagi woi yam ahle suma awili suma a nga ngeid’a suma agi wazi nga d’uo na.

Isai 65:24

An mba ni humuzi avok bei azi tchenenu, an mba ni humuzi ata yima azi de nga zlad’a d’uo tua na.

Jeremi 23:35

Agi nge nge pî mba mi de mi ndrama d’oze mi wiyema ala: Ma didina mi hulong humba na na ge? Ma didina mi de na na ge?

Jeremi 29:12

Ata yi máma, le agi yanu, le agi tchenenu ni, an mba ni humugiya.

Jeremi 32:17

Salad’a Ma didina, ang ma lakulod’a kandagad’a ki sib’ik mang nga kal teglesa ki bigang nga zid’a kang akulo zid’a, vama mi hlang abod’ina nga d’i.

Jeremi 32:27

An ni Ma didina Alo ma yam suma petna. Vama hlan abod’ina mi nga zu?

Daniel 2:18

mi tchenezi á tchen Alo ma sä akulona yam suma mamba tala mi wazi hohowozi mi tagazi adï d’a gumun ndata, kayam a tchazi woi zlapa ki suma ne suma ding suma kur Babilon-na d’uo d’a.

Daniel 2:22

Mam mi ma nga mi tak ahle suma mudurina kahle suma a nga ngeid’ina woina. Ni ma wahle suma a nga kur nduvundina, ni ma nga kaka kur b’od’ina mi.

Daniel 2:23

Ang Alona habuyon ngolona, an nga ni hang ngola, an nga ni gileng yam ned’a kad’enga suma ang handjina, kayam ang tagan ad’u vama ami djobong kama, ang ndami ad’u zla d’a gumunda hamulîd’a woi mi.

Joel 2:32

Ata yi máma sama lara pî ma mba mi yi Ma didina á ndjunuma, mba mi fe suta, kayam a mba fe yima ngeid’a yam ahina d’a Siyon-nda avo Jerusalem yam suma a mba sutna d’igi Ma didina mi de na. Ni suma mam mba mi yazi á sutina.

Amos 3:7

Gagazi, Salad’a Ma didina nga mi le va gumun bei mi tagam mbei mazungeî mam suma djok vuna d’i.

Mise 7:15

Ang tagami sun nda atchapa d’igi kur bur ma ang buzugumï woi avo Ezipte-na na.

Matiye 13:35

Ahle ndazina a le hina á ndak vun zla d’a ma djok vun Alona mi dat ala: An mba ni mal vunan ndei á de zlad’a ki d’ogolâ, an mba ni de vama nga ngeid’a kä adjeu dei kad’u tinda handagad’ina woyo d’a.

Sunda hi suma a sunuzinid’a 2:21

Wani sama lara pî ma mba mi yi Ma didina á ndjunuma, mba mi fe suta.

1 Korente-na 1:2

Ami nga b’irimi mbaktum mba wanda mi agi Toka hAlona d’a sä Korente-d’a, suma Alona mi yagi mi mbud’ugi sum mama, mi tinigi iragi vagi zlapa tu ki Jesus Christ-sâ, mi suma pet suma ata yima lara ge pet suma a nga yi simiyê Saleina Jesus Christ-sâ mi. Mam ma ala ni Salazina, ni Saleina mi na.

Efes-sâ 3:20

Ni mam ma nga kad’enga á lahlena pet suma kal suma ei nga tcheneizina d’oze suma ei nga djib’erei kazina, yam ad’eng mam mba nga d’i le sunda kurid’a.

Gat ta a hat á mbàd’id’a 4:29

Nata yi máma ba, agi mba halagi Alo magina. Le agi halagizi ki hurugi tu ki djib’er magid’a ped’u ni, agi mba fumu.

Gat ta a hat á mbàd’id’a 4:7

Nandjaf ma ngol ma lara ma nga kalona go ki sed’em d’igi Ma didina mi nga ki sed’ei ata yima lara ma ei nga yuma na ge?

Vama ndum mbeina 2:17

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba ni hazi man ma nga ngeid’ina. An mba ni he nge nge pî adigazi ahina d’a hap pa a b’ir nga simi ma awilina kuad’a. Ni d’a sama ding ndak á wat tuo d’a, ni sama vatna hola.