Jeremi 33:22 - Bible azumeina

²² D’igi sana mi ndak á ndum ahle suma akulona d’oze mi ndak á nga les ma avun alum ma ngolîna d’uo na, an mba ni zul andjafâ hazong mana David-na ki suma hi Levi suma a lan sundina ni hina dedege mi.

Jeremi 33:22 Kruisverwysings

Ad’u Tinda 13:16

An mba ni zulung andjavang d’igi andaga d’a gugud’upa na; le sana mi ndak á ndum andaga d’a gugud’upa ni, mi mba mi ndumung andjavang mi.

Ad’u Tinda 15:5

Mi nde ki sed’em abua, mi dum ala: Ang gol irang akulo; ang le ndak á ndum tchitchiud’a ni, ang ndumud’u. Andjavang mba mi zulî hina dedege mi.

Ad’u Tinda 22:17

an mba ni b’e vunan kangû, an mba ni zulung andjavang avok d’igi tchitchiud’a na, d’igi les ma avun alum ma ngolîna na mi. Andjavang mba mi kus yam mam suma djangûna.

Ad’u Tinda 28:14

Andjavang mba mi zul d’igi andaga d’a gugud’upa na, mba mi b’rau woi kakä abo ma fladegena, abo ma yorogona, abo ma norâ kabo ma sutna. Ni kayam ang kandjavang ba, an mba ni b’e vunan yam suma yam andagad’ina pet.

Sawal la giled’a 22:30

Suma bege suma yam andagad’a a te na a mba a kud’uromu, suma a mba a bona pet suma a ndak nga a ngom ari mazid’a d’uo na a mba kud’urom mi.

Sawal la giled’a 89:29

An mba ni tagam o manda burâ ki burâ; vun ma djin ma an djinim ki sed’ema mba mi ka’î hina ngingring.

Isai 48:19

Grogi suma kurugina a mba zulî d’igi lesâ na, grogi ngolona a mba zulî d’igi les ma avun alum ma ngolîna na mi. An mba ni hazazi simiyêzi woi d’i, d’oze an mba ni tchazi simiyêzi woi avoron nduo mi.

Isai 66:21

Ma didina mi dala: An mba ni man suma adigazi ni tinizi suma ngat buzuna ki suma hi Levi-na.

Jeremi 30:19

Suma abuna a mba hum sawal la mersid’a ki del la furîd’a adigagiya. Agi andjafâ hi Jakob-ma, agi mba feyêgi d’i, kayam an mba ni zulugi ablaud’a; sa mba mi gologi is suo d’a, kayam an mba ni hagi ngola.

Jeremi 31:37

Ma didina mi de kua ala: Ladjï sana mi ndak á nga fiyak ka akulod’a d’oze mi fek ad’u ged’a handagad’id’a ni, an pî ni mba mi tchuk andjafâ hi Israel-lîna woi yam tcho d’a azi lata na mi.

Jeremi 33:18

A mba ba bei fe suma hi Levi suma ngat buzu suma a vrak a tchol avoron a he he d’a hawa d’a ngala á ngal dubang ma his djivid’ina ki he d’a hawad’a kahle suma ngat buzuna burâ ki burâ d’uo mi.

Jeremi 33:23

Ma didina mi de mi Jeremi ala:

Ezekiyel 37:10

Kayam ndata, an djok vuna mi Muzu’â yam vun ma hed’a hi Ma didinina. Fod’a ti kal kur mad’a sum ndazina, azi zlit akulo, a tchol akulo kaseziya, azi ni b’rang nga ablaud’a.

Ezekiyel 44:15

Ma didina mi de kua ala: Suma hi Levi suma ngat buzu suma ad’u andjafâ hi Sadok suma a ngom sun manda ata yima Israel-lâ a d’es sei dei ki sed’ena, azi a mba hud’ï geven go á lan sunda, a mba tchol avoron á han mbulâ ki buzuna mi. An Salad’a Ma didina ni de na.

Zakari 10:8

An mba ni yazi ki feta, an mba ni togoziya, kayam an nga ni tchuguzi akulo, azi mba zul d’igi azi zul adjeu na.

Zakari 12:8

Kur bur máma Ma didina mba mi ngom suma Jerusalem-ma. Ma amangeî ma adigazina mba mi mbut ni d’igi David na, ma ad’u andjafâ hi David-nina mba mi mbut ni d’igi Alona na, d’igi malaikana hi Ma didinina na avorozi mi.

Zakari 2:4

mi dum ala: Ang ring de mazong ma mi nga ki ziyona abom máma ala: Jerusalem mba d’i ka’î azì ma ngol ma bei gulumuna kam ba na, kayam d’uwarâ ki suma a mba kak kuruma a mba zul ablaud’a.

Hebre-na 11:12

Kayam ndata, ata sama tu ma mi mbut d’igi sama matna na na, andjavam zul grona ablaud’a d’igi tchitchiu d’a akulod’a na, d’igi les ma avun alum ma ngol ma sana mi ndak á ndumum mbuo na na mi.