Jeremi 33:15 - Bible azumeina

¹⁵ Kur bur máma, ata yi máma, an mba ni ndeï ki sama d’ingêrâ ad’u andjafâ hi David-na. Mi mba mi tak d’ingêra ki gagazid’a mi suma kur ambas sa wandina.

Jeremi 33:15 Kruisverwysings

Sawal la giled’a 45:4

Ma ad’eng ma dur ayîna, ang djin mbigeu mang nga fiyaka furungû. Ti ta’î subur manga ki haheî manga mi.

Sawal la giled’a 45:7

Alona, zlam mang nga amula ni d’a gak didinda. Ang nga te leu manga ni ki d’ingêra.

Isai 4:2

Kur bur máma agu ma hud’ura hi Ma didinina mba mi deî mba mi mbut vama hud’a, vama subura mi. Ahle suma a vut yam andagad’ina, a mba wile ki djifâ yam Israel suma a arâ.

Isai 42:21

Kayam djivi mamba, Ma didina mi min mbut gat mamba ngola djifâ kala.

Isai 53:2

Mi wul avoromî d’igi agu ma mi deî awilina na, d’igi agu ma mi deî yam andaga d’a sod’ina na mi. Mi nga ki djif foze mi wile tala ei golomu d’a d’i, iram mbi nga djivid’a á togei irei kam á gola d’uo mi.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 17:25

ata yi máma amuleina ki suma nglo suma a nga kaka yam zlam mba amula hi David-ta suma a nga kur pus ma dur ayîna d’oze a nga nga yam akulumeinina ki mazi suma nglona ki suma Juda-na ki suma a nga kaka avo Jerusalem-ma pet, a mba kal avun agre’â hazì mámina. Suma a mba kak kur azì máma burâ ki burâ mi.

Jeremi 30:9

Wani a mba le sunda mi an Ma didina Alo mazina, a mba le sunda mi David ma an mba ni tinim amula tua na mi.

Jeremi 50:7

Suma a fazina a nga mud’uziya. Mazi suma djangûna a nga dala: Zla nga kami d’i, kayam ni azi ba, a le tchod’a avok Ma didin mala ni Sala d’ingêrâ na, a le tchod’a avok Ma didin mala ni Hur ma tinda habuyozi ngolona na mi.

Zakari 3:8

Ang ma ngol ma ngat buzuna Josue, ang ki ndrong suma nga kaka avorong wana, agi humugiya, agi sumala ni vama taka yam sut ta nga d’i mbad’a na. An nga ni mba kazong man ma a yum ala Agu ma hud’ura na.

Vama ndum mbeina 19:11

An we akulod’a ti mal leyo, akulum ma hapma mi nde woi kuru. Ma nga kama a yum ala Ma d’engzeng ma gagazina. Nga mi ka sariyad’a, nga mi dur ayî ma d’ingêrâ mi.