Jeremi 33:14 - Bible azumeina

¹⁴ Ma didina mi dala: Gola! Burâ nga mi mba, an mba ni ndak vun zla d’a djivi d’a an dat yat Israel-lâ ki suma Juda-nid’a.

Jeremi 33:14 Kruisverwysings

Ad’u Tinda 22:18

Ni kayam andjavang ba, an mba ni b’e vunan yam suma yam andagad’ina pet, kayam ang humun vunanu.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Jeremi 29:10

Gola! Ma didina mi dala: Fata biza d’a dok kid’iziya d’a ngat yam Babilon-nda ndaka, an mba ni mba á d’ugiya, an mba ni ndak vun zla d’a djivi d’a an hlagi vunan kata, an mba ni mbagi ka hî.

Jeremi 31:27

Ma didina mi dala: Gola! Burâ nga mi mba an mba ni zar suma ki d’uwarâ kur azì ma Israel-lâ kur azì ma Juda-na d’igi sana mi zar awuna kur asinena na.

Jeremi 32:42

Ma didina mi de kua ala: D’igi an mba ki ndak ka ngola yam sum ndazina hina, an mba ni mba ki djivi d’a an dat kazid’a hina dedege mi.

Jeremi 33:9

Azì ma ngol ma wana mba mi mbut ni vama tan lan djivid’a kama, vama giled’a, vama subura kan an aduk andjaf suma pet suma yam andagad’ina. Fata a hum zla d’a djivi d’a lara ge d’a an mba ni lazizid’a, a mba djib’er ngola, a mba le mandarâ yam djivi d’a lara ge d’a, yam i mazi d’a avogovoka mi.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Daniel 9:25

Ang we, ang wad’ud’a djivi mi. Tin ad’ud’a kur bur ma a ge sunda á dala: A mba hulong min Jerusalem akulo gak mbad’a hi ma ngol ma a yum ala Mesi-na na, a mba le ni bizad’a kid’iziya kid’iziya yat kid’iziya. Bugol kur biza d’a kid’iziya kid’iziya dok karagaya yam mbàd’a, a mba hulong min azì máma akulo ki ir gulumun ma tcho woina, wani ni kur yima ndaka.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Wana ni Zla d’a Djivi d’a Luc mi b’irita 10:24

Gagazi, an nga ni dagiya, suma djok vun Alona ablaud’a azi kamulei suma nglona a min á wahle suma agi wazina, wani azi wazi nga d’i, azi min á hum vama agi nga humuma, wani azi humum nga d’uo mi.

2 Korente-na 1:20

Mam mi  d’a yam vun ma hled’a hAlonina pet. Kayam ndata, kur Jesus Christ ei nga dei ala Amin yam subura hAlonid’a.

Hebre-na 11:40

Kayam Alona mi min nga vama djivi ma kalâ keya, bei ei ba ni, azi ndak á ndak memet ti.

1 Pierre 1:10

Ni yam sut ndata ba, suma djok vun Alona a feget fefek. Azi djok vuna woi avok yam he d’a hawa d’a Alona mba mi hagizid’a.

Vama ndum mbeina 19:10

Ata yi máma, an puk kä asem á kud’uromu, wani mi dan ala: Ang gol tang djiviya, an ni ndrang ma sunda d’igi b’oziyong suma a ve zla d’a gagazi d’a Jesus mi ndat teid’a na. Ang kud’orî Alona hol. Zla d’a gagazi d’a Jesus mi ndat teid’a, ti zut suma djok vun Alona á dat teyo.