Jeremi 32:7 - Bible azumeina

⁷ Gola! Hanamel abung ma dingâ Salum goroma nga mi djï geveng á dang ala: Ang gus asine man ma sä Anatot-na, kayam ang nga ki lovota á mbud’um á hlumu.

Jeremi 32:7 Kruisverwysings

1 Amuleina 14:5

Wani Ma didina mi dum ala: Atchad’a hi Jerobowam-mba nga d’i mba, mba d’i mbut tat atcha d’a dinga, mba d’i djobong yam gorot ma nga tugud’eid’ina. Ang hulongôt humba hina hina.

Jeremi 1:1

Wana ni zlad’a hi Jeremi Hilkiya goromid’a. Mam mi ma ding tu aduk suma ngat buzu suma a nga kaka avo Anatot yam ambas sa Benjamin-ndina.

Jeremi 11:21

Ni kayam ndata ba, Ma didin ma ad’engêm kal petna mi nga ki va á de mi suma Anatot ndazina. Ni suma a hal á tchana, a dan ala: Ang ar bei djok vuna ki simiyê Ma didina. Le d’uo ni, ang mba mit akulo hur abomiya!

Jeremi 32:6

Jeremi mi dala: Ma didina mi dan zlad’a ala:

Jeremi 32:8

Kayam ndata, Hanamel abun ma dingâ goroma mi mba geven kur atrang nga dangeina d’igi Ma didina mi de na. Mi dan ala: An nga ni tchenengû, ang gus asine man ma sä Anatot ma sä yam andagad’a hi suma Benjamin-nid’ina, kayam ang nga ki lovota á mbud’um á hlumu. Ang guzumu. Ata yi máma an wala ni zlad’a hi Ma didinid’a.

Sunda hi suma hi Levi-nid’a 25:23

Ma didina mi de kua ala: Agi ndak á guzugi andagad’a woi ki irat fafat ti, kayam andagad’a ni manda. Agi avo hatan ni d’igi angoyogeina ki suma kak ki sed’en ndjöna na.

Sunda hi suma hi Levi-nid’a 25:24

Kur ambas sa agi mba tagi kata pet, agi tinigi gata á mbut andagad’a.

Sunda hi suma hi Levi-nid’a 25:25

Le wiyengâ mbut houd’a mi gus abo siliu mamba woi nde ni, wiyem ma nga go ki sed’em ma nga ki lovota á mbud’utna, mi hulong mbut vama wiyema mi guzum mbeina.

Sunda hi suma hi Levi-nid’a 25:34

Asine ma huyok azì mazi ma nglonina, sa ndak á guzum mbei d’i, kayam azi arî suliyoma ki irazi fafat.

Sunda hi suma hi Levi-nid’a 25:49

Abum wiyema d’oze abum goroma d’oze wiyem ma nga go ki sed’ema, mi ndak á mbud’umu. Le mam tam nga ki va ni, mi ndak á mbut yam tamu.

Ndumba 35:2

Ang i de mi Israel-lâ a he azì ma nglona aduk djo ma azi tuma mi suma hi Levi-na kayambala a kak kua d’a. Ang dazi ala: Agi hazi yina bugol azì ma nglo máma mi.