Jeremi 32:34 - Bible azumeina

³⁴ A nga tin filei mazi ma ndjendjed’a kur gong nga a kud’uron kuad’a á mbud’ut ndjendjed’a.

Jeremi 32:34 Kruisverwysings

2 Amuleina 21:1

Kid’a Manase mi kak amulid’a, bizamî dogo yam mbà. Mi tamula avo Jerusalem bizad’a dok vahl yam vahl. Asum a yat ala Hefsiba.

2 Amuleina 23:6

Mi pat agu ma murguli ma a pum malo d’a a yat ala Asera-d’a na woi kur gong nga kud’ora hi Ma didinid’a á i ngalam mbei bugol Jerusalem avun toliyon nda Kedron-nda, mi i b’lagam mbei a mired’em bud’um kä kaseziya, a yom a yagam sä woi yam asud’a hi suma houd’ina.

2 Sunda Hamuleinid’a 33:15

Mi yo alona handjaf suma dingîna ki filei ma a tched’ema woi kur gong nga kud’ora hi Ma didinid’a, mi to yima ngal ahle suma ngat buzu suma mam minim yam ahina d’a gonga hi Ma didinid’a nga kua avo Jerusalem-ma woyo, mi tchugum sä woi bugol azì ma ngolâ.

2 Sunda Hamuleinid’a 36:14

Suma nglo suma avok suma ngat buzuna kablaud’a a nga le sun nda tcho d’a ata yat tuo d’a kam kua kam kua, a nga tit yam sun nda ndjendje d’a lara ge pet ta andjaf suma dingâ a nga lata, a mbut gong nga kud’ora hi Ma didina d’a mi tinit irat vat avo Jerusalem-mba ndjendjed’a mi.

Jeremi 19:4

Azi aran ndeyo, a mbut yima wana yina halo ma dingîna, a he dubang ma his djivid’ina malo ma ding ma azi tazid’a d’oze abuyozi ngolo d’oze amulei suma Juda-na pî a wum nga d’uo na, a oî yima wana ki buzuna hi suma zla nga kazi d’uo na.

Jeremi 23:11

Ma didina mi dala: Suma djok vuna ki suma ngat buzuna tazid’a a ni suma b’laka. An fe sun mazi d’a asa’at ta azi lat kur gong mandid’a.

Jeremi 30:14

Suma a le kagi adjeuna pet a mba mar kagiya, a mba djib’er kagi d’i, kayam an togi ni d’igi agi ni man suma djangûna hina, an ngobogi ni ngop pa tchod’a yam tcho magi d’a zul heîd’a, yam tcho magi d’a ngola mi.

Jeremi 34:15

Wani agi hulongôgï ini á le sun nda djivid’a avoronu. Agi tchagi wala ala: Nge nge pî mi ge ndrama akulo, agi djinigi vunagi avoron kur gong nga a nga kud’uron kuad’a.

Jeremi 44:4

An sunugï azungeî man suma djok vuna pet burâ ki burâ á dagi ala: Ar agi lagi ahle suma ndjendje suma an noyôzina d’i.

Jeremi 7:10

Bugola, agi mbagi avoron kur gong nga agi tchenen kuad’a, agi nga dagi ala: Ami prud’umi woi da’! Wani ná lahle suma ndjendje suma lara ge pet!

Jeremi 7:30

Ma didina mi dala: Suma Juda-na a le sun nda tchod’a avoronu, a tin filei mazi ma ndjendjed’a kur gong nga a tchenen kuad’a á mbud’ut ndjendjed’a.

Jeremi 7:31

A min yima tuwal fileina ata yima Tofet-na kur hor ra Ben-Hinom-mba á ngal grozi suma andjafâ ki grozi suma aropma kua. Ni vama an he nga vuna kam mbuo na, ni djib’er ra tcholï nata an nduo d’a mi.