Jeremi 32:29 - Bible azumeina

²⁹ Suma Babilon suma a nga durum ayînina, a mba kal kuru, a mba dom akud’a, a ngalam mbei kazuwei suma yam gongîyona akulo suma a nga ngal dubang ma his djivid’ina mi Bäl kua a nga he he d’a hawa d’a süm guguzlud’a kua malo ma dingâ á zalan ki huruna woi mi.

Jeremi 32:29 Kruisverwysings

2 Amuleina 25:9

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

2 Sunda Hamuleinid’a 36:19

Suma Babilon-na a ngal gong nga kud’ora hAlonid’a woyo, a to gulumun ma Jerusalem-ma kä woyo, a ngal azì ma amula woyo, a b’lak ahle suma guzuzi kal tegles suma kur azinina woi pepet mi.

Nehemi 8:16

Ata yi máma suma a buzuk a i á ka abo aguna. Nge nge pî mi ve zlub’ud’a akulo yam dudur mamba avo hur aziyamu, avun gong nga kud’ora hAlonid’a, avun agrek ma i ki yima mbinina, avun agre’â hi Efraim-ma mi.

Isai 22:1

Wana ni zla d’a a dat yam hor ra vana nde tam mbei ir sana kuad’a: Ang azì ma ngol ma Jerusalem-ma, ni me ba, ang ki sum mangâ pet, agi djagagi akulo yam dudura ge?

Jeremi 11:17

Ni Ma didin ma ad’engêm kal pet ma pagina ba, nga mi yi ndaka kagi kayam tcho d’a agi Israel-lâ ki suma Juda-na a lagizid’a. Mi dala: A he dubang ma his djivid’ina mi Bäl á zalan hurunu.

Jeremi 17:27

Wani le agi humun nga d’uo, le agi tinigi nga bur ma sabatna iram vam mbuo, le agi yogi ahlena kagi á kalagi ki vun agrek ma Jerusalem-ma ni, ata yi máma an mba ni do akud’a atazi ma ngolâ, mba mi ngal azì ma nglo ma djif ma Jerusalem-ma woyo, ti mba d’i mit tei d’i.

Jeremi 19:13

Gongîyo suma Jerusalem-ma ki gongîyona hamulei suma Juda-nina a mba mbut ndjendjed’a d’igi Tofet na. Gongîyo suma suma a he dubang ma his djivid’ina kazi akulo mahle suma akulonina ki gongîyo suma suma a he he d’a hawa d’a süm guguzlud’a malo ma dingâ kuana pet, a mba mbut ndjendjed’a d’igi Tofet na mi.

Jeremi 21:10

Kayam an nga ni mbut iran á le sulu’â mi suma kur azì ma wanina, nga ni ngalam mbei kakud’a. An mba sud’um mbi. An Ma didina ni de na.

Jeremi 30:14

Suma a le kagi adjeuna pet a mba mar kagiya, a mba djib’er kagi d’i, kayam an togi ni d’igi agi ni man suma djangûna hina, an ngobogi ni ngop pa tchod’a yam tcho magi d’a zul heîd’a, yam tcho magi d’a ngola mi.

Jeremi 32:3

Ata yima Sedekiyas amul ma Juda-na mi gum dangeinina, mi dum ala: Ni kayam me ba, ang djok vuna ala: Ma didina mi dala: Gola! An nga ni hazì ma ngol ma wana abo amul ma Babilon-na, mba mi hlumu.

Jeremi 34:2

An Ma didina Alona hi Israel-lîna nga ni dangû, ang i de mi Sedekiyas amul ma Juda-na ala: Ma didina mi dala: Gola! An nga ni hazì ma ngol ma wana abo amul ma Babilon-na. Mba mi ngalam mbei kakud’a.

Jeremi 39:8

Azigar suma Babilon-na a ngal azì ma amula kazina hi sumina woi pet, a hô gulumun ma Jerusalem-ma kä woi mi.

Jeremi 44:25

Ma didin ma ad’engêm kal petna, Alona hi Israel-lîna, mi dala: Agi kamiyôgina, agi lagi sunda kabogi ndagagi vun vama mi ndavunagi ala: Ami min ndagami vun vun ma hle ma ami hlamizina, ami ngalami dubang ma his djivid’ina ki süm guguzlud’a mamul la akulod’a na. Agi tchologi yam vun magi ma hled’a memet, agi ndagagi vun vun magi ma hled’a mi!

Jeremi 52:12

Kur biza d’a dogo yam zlengâ d’a Nebukanezar amul ma Babilon-na nga mi tamulid’a, kur til ma vahlâ kur bur ma dogona hi til mámina, Nebuzaradan ma ngolâ hi suma a ngom yina ma kur sunda hamul ma Babilon-nina, mi mba mi kal avo Jerusalem.

Jeremi 52:13

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Jeremi 7:17

Ang we nga vama azi lum kur azì ma nglo ma Juda-na ki ir palumba avo Jerusalem-ma d’uo zu?

Jeremi 7:18

Kemba a nga yoï aguna, abuyod’a a nga vakud’a, aropma a nga tib’ek afuta á le woîna malo d’a akulod’a, a nga he he d’a hawa d’a süm guguzlud’a malo ma dingâ. A le na á zalan hurunu.

Hor ma tchina 4:11

Ma didina mi ndak wa vun ayî mama, mi vo wa ayî mama woi da’, mi do akud’a ata Siyon, ti ngalat kä woi kad’ut ta ged’a pet.

Ezekiyel 23:47

Suma ablau ndazina a mba duruzi kahinad’a, a mba kazi ki mbigeu d’a fiyaka, a mba tchazi grozi suma andjofâ ki grozi suma aropma, a mba ngalazi aziyazi woi kakud’a mi.

Matiye 22:7

Wani amulâ hurum zal ngola, mi sun azigar mama á tchi suma tchi mat ndazina woyo, a ngalazi aziyazi woi mi.

Sunda hi suma a sunuzinid’a 10:9

Tcha ndjivinda, kid’a azi nga kur lovota tua, a mbaza go huyok azì ma ngolîd’a, Pierre mi djak nga yam gonga akulo ki falei d’ad’ar á tchen Alona.

Hebre-na 3:16

Ni suma lara ba, a hum del Alona, a kak djangûna ki sed’em ge? Ni suma Moise mi buzuguzi woi kur Ezipte na d’uo zu?