Jeremi 32:24 - Bible azumeina

²⁴ Gola! A nga mbu andagad’a ad’u azì ma ngol ma wana á hlumu. A mba hazì ma ngol máma abo suma Babilon suma a nga durum ayînina. A nga hal á hlum kayî ma durâ ki baktarad’a ki tugud’ei d’a tcho d’a tchi matna mi. Zla d’a ang data ti ndak wa, ang nga golot ki irang mi.

Jeremi 32:24 Kruisverwysings

2 Samuel 20:15

Jowap azi mba a ngui Seba avo Abel-Bet-Mäka, azi mbu andagad’a akulo ad’u gulumuna gak ti ndjak ki gulumuna. Jowap ki sum mama pet a nga djugot ad’u gulumuna á drizim kä.

Isai 37:33

Isai mi de kua ala: Alona mi dala: Wana ni vama an Ma didina nga ni dum yam amul ma Asiri-na: Mam mba mi kal ka hî kur azì ma ngol ma wana d’i, azigar mam tu pî mba mi yet yeûd’a kurum mbi, sa tu pî mba mi mba ki mbareid’a avorom mbi, sa tu pî mba mi mbu andagad’a akulo ad’um á dur ki sed’em mbuo mi.

Jeremi 16:4

Azi mba bo ni bo d’a hohoud’a. Sa mba mi tchi kazi d’i, sa mba mi tozozi d’uo mi. Azi mba mbut ni d’igi siligitna na kä yam andagad’a, a mba tchazi avun ayîna, baktarad’a mba d’i tchaziya, mad’azi mba mi mbut ni tena haluwei suma akulona kamburei suma yam andagad’ina mi.

Jeremi 20:5

An mba ni he ndjondjoî d’a kur azì mámid’a pet kahle suma azi fazina pet kahle mazi suma guzuzi kal teglesâ zlapa ki ndjondjoîd’a hamuleinid’a pet abo mazi suma djangûna. A mba hurumuziya, a mba yozi a i ki sed’ezi Babilon.

Jeremi 24:10

An mba ni sun ayî ma durâ ki baktarad’a ki tugud’ei d’a tcho d’a tchi matna adigazi gak a dabazi woi yam andaga d’a an hat mabuyozi ngolo zlapa ki azid’a mi. An Ma didina ni de na.

Jeremi 29:17

Ma didin ma ad’engêm kal petna mi dala: Gola! An nga ni sun ayî ma durâ ki baktarad’a ki tugud’ei d’a tcho d’a tchi matna kaziya, an mba ni mbud’uzi d’igi tulum ma tchim ma tcho ma sana mi ndak á tum mbuo na na.

Jeremi 29:18

An mba ni digizi kayî ma durâ ki baktarad’a ki tugud’ei d’a tcho d’a tchi matna, an mba ni mbud’uzi vama mandarâ ir suma a nga kur leu d’a yam andagad’ina pet, an mba ni mbud’uzi vama ge vuna, vama atchapma, vama sanda ki vama ngula aduk andjaf suma pet suma an mba ni ndjoyôzi woi kuana.

Jeremi 32:25

Wani Salad’a Ma didina, ang dan ala: Ang gus asinena ki bege d’a hapa, ang yo suma glangâsâ... Gola! A nga hazì ma ngol ma wana abo suma Babilon-na!

Jeremi 32:28

Kayam ndata, an Ma didina ni dala: Gola! An nga ni hazì ma ngol ma wana abo suma Babilon-na, abo Nebukanezar amul ma Babilon-na. Mam mba mi hlumu.

Jeremi 32:3

Ata yima Sedekiyas amul ma Juda-na mi gum dangeinina, mi dum ala: Ni kayam me ba, ang djok vuna ala: Ma didina mi dala: Gola! An nga ni hazì ma ngol ma wana abo amul ma Babilon-na, mba mi hlumu.

Jeremi 32:36

Ki tchetchemba, an Ma didina Alona hi Israel-lîna nga ni de zlad’a yam azì ma ngol ma agi nga dagi kam ala: A mba hum abo amul ma Babilon-na, a mba kus kam kayî ma durâ ki baktarad’a ki tugud’ei d’a tcho d’a tchi matna na ala:

Jeremi 32:5

Amul ma Babilon-na mba mi i ki Sedekiyas Babilon, mba mi kak sä kua gak bur ma an mba ni duma. Le agi durugi ayîna ki suma Babilon-na pî, agi mba kuzuzi d’uo ge?

Jeremi 33:4

Ni hina ba, an Ma didina Alona hi Israel-lîna ni de yam gongîyo suma kur azì ma ngol ma wanina, yam azì ma amula hamulei suma Juda-na ma a nga tom kä woi kandaga d’a a mbut ad’umba kayî ma durîna.

Jeremi 34:17

Ni kayam ndata ba, Ma didina mi de kua ala: Agi humun nga vunan á tchi wala ala ar nge nge pî mi ge wiyema d’oze mi ge ndrama akulo d’a d’i. Gola! An Ma didina an nga ni tchi wala kagi á tchugugi ayî ma durâ ki tugud’ei d’a tcho d’a tchi matna ki baktarad’a akulo kagiya. An mba ni mbud’ugi vama atchapma ir suma a nga kur leu d’a yam andagad’ina pet.

Jeremi 52:4

Kur biza d’a zlengâ d’a Sedekiyas nga mi tamulid’a, kur bur ma dogona hi til ma dogonina, Nebukanezar amul ma Babilon-na mi mba ki azigar mama pet á dur Jerusalem. A vanguvora avorot d’ar, a nguyut tei d’uhl.

Jeremi 52:6

Kur til ma fid’ina kur bur ma zlengîna hi til mámina, baktara d’a ngola ti nde yam suma kur azì ma ngolîna. Suma kur ambasina a nga fe vama te d’i.

Jeremi 6:6

Kayam Ma didin ma ad’engêm kal petna mi dala: Agi kagi aguna kä woyo, agi mbugi andagad’a akulo ad’u Jerusalem. Nazì ma ngol ma ndak á ngopina, kurut ni djop vuna vam tu.

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Ezekiyel 21:22

An pî mba ni tchi abon mi, mba ni ndak vun ayî mana. Ni an Ma didina ba, ni de na.

Ezekiyel 21:27

Vama tagam lovota yam Jerusalem-ma mi nga ved’a abom ma ndjufâ. Mba mi he vuna mi suma tchi suma á tchi wulula, á min vama to gulumuna kä woina, á ndjar vama to gulumuna avun agre’â, á mbu andagad’a akulo ad’u azina, á ka azigar suma ayîna woi dudup mi.

Ezekiyel 26:8

Mba mi tchi magi suma abagei kelâ ki mbigeu d’a fiyaka, mba mi ka azigarâ woi kagi dudup, mba mi mbu andagad’a ad’u azì magi ma ngolâ akulo, mba mi durugi ki mbarei d’a ngola.

Ezekiyel 4:2

Bugola, ang nguyum kä kayîna, ang lak azigarâ adesâ adesâ nguyum mbei d’uhl, ang mbu andagad’a ad’um akulo, ang ve kangâ, ang tin vama to gulumuna, ang nguyum mbei d’uhl mi.

Habakuk 1:10

A nga las amuleina, a nga san ad’u suma nglona; gulumun ma ad’eng ma d’elezina nga d’i. Azi nga mbu andagad’a ad’um akulo, a nga tup kam á dik azì máma.

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Gat ta a hat á mbàd’id’a 4:26

an nga ni dagi zlad’a, akulod’a kandagad’a ni glangâs mana ini kagi ala agi mba bogi woi atogo zak kur ambas sa agi nga i kalagi kur sä abo alum ma Jurdê-na woi hid’a, agi mba tagi tatâ d’i, kayam agi mba dabagi woi pet.