Jeremi 32:23 - Bible azumeina

²³ Azi mba, a hlad’u, wani a humung nga vunang ngi, a tit nga yam gat manga d’i, a le nga ahle suma ang hazi vuna kazi á led’ina d’uo mi. Ni kayam ndata ba, ang mba ki ndak ka wanda kazi wana.

Jeremi 32:23 Kruisverwysings

Esdras 9:7

Kur atchogoid’a habuyomi ngolod’a dei gak ini zlad’a vamiya. Ni kayam tcho mami ndata ba, ang hami woi kamulei mamina ki mami suma ngat buzuna abo amuleina hi suma dingîna, á tchamiya, á lami magomba, á hurumumi d’igi a nga lami irami houd’a gak ini na mi.

Nehemi 9:15

Ata yima meid’a tchazina, ang hazi avungô ma ei akulona; ata yima vunazi sona, ang hazi mbiyo ma buzugï aduk ahinad’ina. Ang dazi ala a i hlambas sa ang hle vunang kat á hazizid’a.

Sawal la giled’a 78:10

kayam azi ngom nga vun ma djin ma Alona mi djinim ki sed’ezina d’i, azi noî a tit yam gat mamba mi.

Jeremi 2:7

An mbagi kur ambas sa tub’ad’a tala agi tagi ahle suma djivi suma kurutna d’a, wani agi mbagiya, agi mbud’un ambas manda ambas sa ndjendjed’a, agi mbud’ugi ambas man nda an tat djonid’a vama ndjendje ma kalâ.

Jeremi 26:4

Ang dazi ala: Ma didina mi dala: Le agi humun nga á tid’igi yam gat man nda an nga ni tinigizi avorogi wanda d’uo,

Jeremi 44:10

A ge nga yazi kä d’uo gak ini, a le nga mandar ri, a tit nga yam gat manda ki vun ma he man ma an tinigizi avorogi kabuyogi ngolona d’i.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.

Hor ma tchina 1:18

Ma didina ni ma d’ingêrâ, kayam an ni som vunamu. Agi suma pet, agi humugiya, agi wagi pupuluk manda. Yugunei mana kazungeî mana, a izi wa magomba.

Hor ma tchina 1:8

Jerusalem tcho mata ti zul ngola. Ni kayam ndata ba, ti mbut vama ndjendjed’a. Suma a suburut adjeuna a golot is, kayam a we gandila mata. Ndat tata nga d’i zam tad’u, ti hulong bugol mi.

Ezekiyel 20:18

Ma didina mi dala: An de mi grozina abagei hur fulâ ala: Agi tid’igi yam vun ma hed’a habuyogina d’i, agi ngomogi gat mazid’a d’i, agi mbud’ugi tagi ndjendjed’a ki filei mazina d’uo mi.

Ezekiyel 20:21

Wani grozina a tchol huneîd’a ki sed’enu, a tit nga yam gat manda d’i, a ngom nga vun man ma hed’a d’oze a le nga sunda kam mbi. Nahle sumala mbeî sana le mi le sunda kaziya ba, mi kak karid’a na. A mbut bur man ma sabatna ndjendjed’a mi. An djib’er ala an mba ni zal hurun kazi gak ni dap vun ayî mana kazi hur fulâ.

Ezekiyel 20:8

Wani azi tchol huneîd’a ki sed’enu, a humun nga vunan ndi. Sa tu pî, mi ar nga ahle suma ndjendje suma mam le d’od’oka kazina woi d’i, a ar nga filei ma Ezipte-na woi d’uo mi. An djib’er ala an mba ni zal hurun kazi gak ni dap vun ayî mana kazi kur ambas sa Ezipte-d’a.

Wana ni Zla d’a Djivi d’a Luc mi b’irita 17:10

Agi mi, le agi lagi ahlena pet suma an hagi vuna kazina ni, agi dagi ala: Ami nazungeîna hawa, ami lami ni vama ndak kami á led’ina hol.

Jean 15:14

Le agi nga lagi ahle suma an hagi vuna kazina ni, agi ni buniyôn suma kokodjona.

Galat-na 3:10

Kayam suma a ge yazi kä ad’u gatina, Alona mi gazi vuna. Kayam mbaktumba hAlonid’a ti dala: Sama kid’ak á ngom ahlena pet suma gata dum kazi á led’ina, Alona mi gum vuna.

Jacques 2:10

Sama lara pî le mi ngom vun ma hed’a hi gatina pet, wani mi tchila yam ma tuna ni, zlad’a nga d’i vum kazi pet.

Josue 21:43

Ni hina ba, Ma didina mi b’rau ambasa mi Israel-lâ pet d’igi mam gun tam mabuyozi ngolo á hazizi na. Azi hlad’u, a kak kad’u.

Josue 23:16

Le agi bud’ugi vun ma djin ma Ma didina Alo magina mi djinim ki sed’egina woi á i grivigi kä avok alo ma dingâ á kud’uromu ni, Ma didina hurum mba mi zal kagi ngola, mba mi dabagi woi kur ambas sa djivi d’a mam hagizid’a woi atogo zak mi.