Jeremi 32:22 - Bible azumeina

²² Ang haziya wa ambas sa ang gun tang kat mabuyozi ngolo á hazizid’a. Nambas sa ambira ki mbul ayuma a nga sor kä kuad’a mi.

Jeremi 32:22 Kruisverwysings

Ad’u Tinda 13:15

Kayam andaga d’a ang wat pet wanda, an mba ni hangzi ni mi ang kandjavang gak didin.

Ad’u Tinda 24:7

Ma didina Alo ma lakulod’a ma vanï woi kur azina habuna yam andaga d’a an vut kur ma mi dan ala: An gunung tanu, andaga d’a wanda, an mba ni hat mandjavangû na, mam mba mi sun malaika mama avorong sä hî; ang mba veï atchad’a mi gorona.

Ad’u Tinda 50:24

Josef mi de mi b’oziyoma ala: An nga ni mit ni mid’a; wani gagazi, Alona mba mi mba á ndjunugiya, mba mi yogi woi ka hî á hulongôgi kur ambas sa mam hle vunam kat ki gun tad’a mi Abraham, mi Isak ki Jakob-pa.

Nehemi 9:15

Ata yima meid’a tchazina, ang hazi avungô ma ei akulona; ata yima vunazi sona, ang hazi mbiyo ma buzugï aduk ahinad’ina. Ang dazi ala a i hlambas sa ang hle vunang kat á hazizid’a.

Buzuk ka Abud’a 13:5

Fata Ma didina mi kalagi kur ambasa hi suma Kanan-na, hi suma Het-na, hi suma Amor-râ, hi suma Hef-fâ ki d’a hi suma Jebus-sâ d’a ambira ki mbul ayuma a nga sor kä kua d’a mi gun tam kat mabuyogi ngolo á hagizid’a, agi lagi vun til máma mi Ma didina kur til máma.

Buzuk ka Abud’a 3:17

Alona mi dan kua ala: An mba ni buzugugï woi avo Ezipte ata yima agi nga fagi ndaka kuana á i ki sed’egi yam ambasa hi suma Kanan-na, hi suma Het-na, hi suma Amor-râ, hi suma Peris-sâ, hi suma Hef-fâ ki d’a hi suma Jebus-sâ d’a ambira ki mbul ayuma a nga sor kä kuad’a.

Buzuk ka Abud’a 3:8

An tchugï asen kä á pad’azi woi abo Ezipte-na á buzuguzi woi kur ambas sa wanda á izi kur ambas sa djivi d’a bubu d’a ambira ki mbul ayuma a nga sor kä kuad’a. Nambas sa suma Kanan-na, suma Het-na, suma Amor-râ, suma Peris-sâ, suma Hef-fâ ki suma Jebus-sâ a nga kaka kuad’a.

Jeremi 11:5

Hina wani, an mba ni ndak vun gun ta d’a an gun tan mabuyogi ngolo á hazi ambas sa ambira ki mbul ayuma a nga sor kä kuad’a d’igi agi nga wagizi ini na. An hulong dum ala: Amin, Ma didina!

Ezekiyel 20:15

Ni an ba ni hlabon akulo hur fulâ, ni gunuzi tan ala an mba ni izi yam ambas sa an hazizi d’a ambira ki mbul ayuma a nga sor kä kua d’a djif fa kal ambas sa ding nga peta d’i.

Ezekiyel 20:6

Kur bur máma an hlabon akulo ni gunuzi tan á buzuguzï woi yam ambas sa Ezipte-d’a, á i ki sed’ezi yam ambas sa an manat kazid’a. Nambas sa ambira ki mbul ayuma a nga sor kä kuad’a, nambas sa djif fa kal ambasa peta.

Ndumba 14:16

Ma didina ad’engêm ndak nga á kal sum ndazina kur ambas sa mi gunuzi tam kata d’i. Ni kayam ndata ba, mi dabazi woi abagei hur fulâ wana!

Ndumba 14:30

An gun tanu, agi mba kalagi kur ambas sa an hle vunan kat ala agi kalagi kuad’a d’i. Ni Kalep Jefune goroma ki Josue Nun goroma hol ba, a mba kal kua.

Gat ta a hat á mbàd’id’a 1:35

Agi suma tcho suma kur atchogoi d’a wandina sa tu pî mba mi kal kur azì ma djivi ma an gun tan á hum mabuyozi ngolona d’i.

Gat ta a hat á mbàd’id’a 1:8

Agi gologiya! An tinigi ambasa avorogi wana. Agi i hlagi ambas sa an Ma didina ni gun tan kat mabuyogi ngolod’a, nala, Abraham, Isak ki Jakob, á hazizi kandjavazi ma mba blogozina mi d’a.

Gat ta a hat á mbàd’id’a 6:10

Moise mi dazi kua ala: Fata Ma didina Alo magina mi kalagi kur ambas sa mam hle vunam kat mabuyogi ngolo, Abraham, Isak ki Jakob á hagizid’a, agi mba fagi azì ma nglo ma djivi ma agi minim nga ni agi d’uo na,

Gat ta a hat á mbàd’id’a 6:18

Agi lagi nahle suma d’ingêrâ kahle suma djivina ir Ma didina kayambala agi kagagi ki furîd’a á kalagi kur ambas sa djivi d’a Ma didina mi hle vunam kat mabuyogi ngolo á hagizid’a,

Gat ta a hat á mbàd’id’a 6:23

Mi buzugumï woi kolâ á mbami kur ambas sa mam hle vunam kat mabuyomi ngolo á hamizid’a.

Gat ta a hat á mbàd’id’a 7:13

Mba mi le kagiya, mba mi b’e vunam kagiya, mba mi zulugiya, mba mi zulugi grogina mi. Andaga magid’a mba d’i wul ahlena, nala, awuna, süm guguzlud’a ki mbul olifâ, mba mi zulugi amuzleina kaho’â yam ambas sa mi gun tam kat mabuyogi ngolo á hagizid’a.

Gat ta a hat á mbàd’id’a 8:1

Moise mi dazi kua ala: Agi ngomogi vun ma he ma an hagizi inina, agi tid’igi kam mi, tala agi kagagi karid’a, agi zulugiya, agi kalagi kur ambas sa agi nga hlat ta Ma didina mi gun tam kat á hat mabuyogi ngolo d’a.

Josue 1:6

Ang ve tang ad’enga, ang so tangû, kayam ni ang ba, mba i ki sum ndazina yam ambas sa an gun tan kat mabuyozi ngolo á hazizid’a.

Josue 21:43

Ni hina ba, Ma didina mi b’rau ambasa mi Israel-lâ pet d’igi mam gun tam mabuyozi ngolo á hazizi na. Azi hlad’u, a kak kad’u.