Jeremi 32:20 - Bible azumeina

²⁰ Ang nde kahle suma yoyouna kahle suma atchapma woi yam andaga d’a Ezipte-d’a gak ini. Aduk Israel-lâ, aduk suma dingâ mi, ang he simiyêng ngola gak ini.

Jeremi 32:20 Kruisverwysings

2 Samuel 7:23

Andjaf ma ding ma yam andagad’a ma d’igi Israel-lâ na na nga d’i. Ni mam ba, ang i pad’am mbei abo Ezipte suma a nga djobom vunam kalo mazina tetengâ, ang mbud’um andjaf mangâ. Ang suburum simiyêmu, ang lahle suma atchapma kahle suma mandarâ kam kur ambas manga mi.

1 Sunda Hamuleinid’a 17:21

Andjaf ma ding ma yam andagad’a ma d’igi Israel-lâ na na nga d’i. Ni mam ba, ang i pad’am mbei abo Ezipte suma a nga djobom vunama, ang mbud’um andjaf mangâ á suburung simiyêngû, ang lahle suma atchapma kahle suma mandarâ kam kur ambas manga á dik andjaf suma dingâ woi avorom mi.

Nehemi 9:10

Ang tak ahle suma yoyou suma ndandalâ woi ata Faron, ata azungeî mama, ata suma yam ambas mambina pet mi, kayam ang we murud’um mba ngol la azi lat mabuyomi ngolod’a, ang tak subur manga woi atazi d’igi ini na mi.

Nehemi 9:11

Ang wal alum ma ngolâ woi avoroziya, azi djagam kasezi sod’a tchitching, wani suma a nga digizi blogozina, ang sirizi kä aduk galileina d’igi ahinad’a sir kä aduk mbina na.

Sawal la giled’a 135:9

Mi sunï ahle suma simata kahle suma yoyouna yam andaga d’a Ezipte-d’a á dur Faron kazungeî mama pet.

Buzuk ka Abud’a 10:2

Ni kayambala ang mba de zla ndata woi mi grongâ ki grong ngolona ala ni nana ba, an ngop Ezipte-na kahle suma simat suma an lazi adigazina ge? Ni hina ba, agi mba wagi ala an ni Ma didina.

Buzuk ka Abud’a 3:20

Ni kayam ndata ba, an mba ni to suma kur ambas sa Ezipte-d’ina kahle suma ndandalâ teteng kurud’u. Bugola, mam mba mi aragi agi igiya.

Buzuk ka Abud’a 7:3

Wani an mba ni b’al hur Faron, an mba ni zul ahle man suma simata ki suma ndandalâ kur ambas mamba.

Buzuk ka Abud’a 9:16

Wani an arang nga kaka ini ni yambala ang wad’eng manda ar suma a yan simiyên ndei yam andagad’a ped’u d’a.

Isai 63:12

Mam ma mi tit yam bik ka ndjufa hi Moise-sa ki sib’ik mambina mi nga ni lara ge? Ni mam ma wal mbina woi aduk mbà avorozi tala simiyêm mi yi gak didinu d’a.

Isai 63:14

A nga sulugot kä kur hora d’igi amuzleina a sulugot kä ata yima hatna na, Muzu’â hi Ma didinina nga tinizi ata yima tuk tad’a. Hina mi, Ma didina, ang tin sum mangâ kayam simiyêng mi fe subura kaziya.

Jeremi 13:11

D’igi sana mi djin d’i’â furum na, an djin wa Israel-lâ ki suma Juda-na furun ndala azi ka’î sum mana, a yan simiyênu, a gilenu, a han ngola mi d’a. Wani azi humun nga d’i. An Ma didina ni de na!

Daniel 6:28

Bugol ahle ndazina, Daniel mi i avogovok kur atchogoi d’a Dariyus nga mi tamulid’a. Bugola, mi i avogovok kur atchogoi d’a Sirus amul ma Perse-na nga mi tamulid’a mi.

Daniel 9:15

Ki tchetchemba, Salad’a Alo mamina, angî ma buzugï sum mangâ woi kur ambas sa Ezipte-d’a kabong ma sib’ika á yi simiyêng d’igi nga mi yi ini na na. Ami lami tchod’a, zla d’a nga kami mi.

Sunda hi suma a sunuzinid’a 7:36

Ni Moise ba, mi buzuk Israel-lâ woi yam ambas sa Ezipte-d’a, mi lahle suma ndandalâ kahle suma simata kur andaga d’a Ezipte-d’a, kur alum ma ngol ma Tchereuna, kur fulâ bizad’a dok fid’i mi.

Gat ta a hat á mbàd’id’a 11:3

Agi wagi ahle suma simata ki sun nda mi ndagat vunat avo Ezipte ki Faron kambas mambid’a.

Gat ta a hat á mbàd’id’a 4:34

Alo ma ding ma mba, mi prut andjaf ma ding ma nga aduk andjaf ma dingâ á mbud’um sum mama kahle suma kuka, kahle suma simata, kahle suma yoyouna, kayî ma durâ, kabom ma ad’engâ ki bigam mba zid’a kam akulo zid’a, kahle suma ndandal suma mbut suma mandarâ hina pet d’igi Ma didina Alo magina mi le ki sed’egi avo Ezipte hina na nga zu?

Gat ta a hat á mbàd’id’a 6:22

Ma didina mi lahle suma simata, ahle suma atchapma kahle suma nglo suma b’lak yina ki Ezipte-na ki Faron ki sum mama pet kä iramiya.

Gat ta a hat á mbàd’id’a 7:19

kahle suma nglo suma kuk suma agi wazi ki iragina, kahle suma simata, kahle suma atchapma, kabom ma ad’engâ ki bigam mba zid’a kam akulo zi ata yima mi buzugugï woina. Ma didina Alo magina mba mi le ki suma pet suma a nga avorogi suma agi lazi mandarazi wana ni na mi.