Jeremi 32:15 - Bible azumeina

¹⁵ Kayam Ma didin ma ad’engêm kal petna, Alona hi Israel-lîna, mi dala: Burâ nga mi mba, a mba gus azina, asinena ki guguzlud’a kua kur ambas sa wanda.

Jeremi 32:15 Kruisverwysings

Isai 44:26

An nga ni ndak vun zla d’a azungeî mana a data, an nga ni ndak vun zlad’a hi man suma an sunuzi avo’â a data, an nga ni de yam Jerusalem ala: Suma a mba kak kurud’u, an nga ni de yam azì ma nglo ma Juda-na ala: A mba hulong minim akulo, an mba ni hulong min yi mam ma b’lak keina akulo mi.

Jeremi 30:18

Ma didina mi dala: Gola! An nga ni hulongî agi suma hi Jakob-ma woi kur magomba, an nga ni we hohowa yi magi ma kaka. Azì ma ngolâ a mba minim ata blangâm ma b’lak keina, azì ma amula a mba minim ata blangâm ma adjeuna mi.

Jeremi 31:12

Azi mba mba yam yima nding ma Siyon-na ki sawal la furîd’a, tazi mba d’i lazi djivid’a yam ahle suma a mba fazi abo Ma didinina, nala, gemena, süm guguzlu d’a awilid’a, mbulâ, tumiyôna, b’ogeina kamuzleina mi. Azi mba mbut ni d’igi asine ma a nga rabam mbinina na. Va mba mi mbud’uzi mandar bugol luo d’a.

Jeremi 31:24

Ata yi máma suma abagei kelâ ki suma kur azì ma nglo ma Juda-na a mba kak kur ambasa zlapa tu ki suma zuma ki suma a nga tit ki d’uwarîna mi.

Jeremi 31:5

Ndak mba d’i pe guguzlu maka yam ahuniyô suma Samari-na. Suma ped’a a mba pad’u, a mba dud’ut vud’ut mi.

Jeremi 32:14

Ma didin ma lahlena petna, Alona hi Israel-lîna, mi dala: Ang ve mbaktum mba a le ki gusa d’a an tumut tampongîd’a ki d’a vunat bei dukid’a djak, ang tchuguzi kä kur dei ma lubuna kayambala a ngomozi tatâ d’a.

Jeremi 32:25

Wani Salad’a Ma didina, ang dan ala: Ang gus asinena ki bege d’a hapa, ang yo suma glangâsâ... Gola! A nga hazì ma ngol ma wana abo suma Babilon-na!

Jeremi 32:37

Gola! An mba ni togozï kur ambas sa lara ge pet ta an digizi woi kur kayî mana ki hur man ma zal ma gugulu’îd’a, an mba ni hulong mbazi ka hî kur yima wana, an mba ni kagazi kur bei va mi lazi ba.

Ezekiyel 28:26

Azi mba kak kurut ki halasa, a mba min gongîyona, a mba pe guguzlud’a. Fata an mba ni ka sariyad’a yam suma pet suma a nguyuzi kä suma a golozi isâ, a mba kak kua ki halasa. Ata yi máma azi mba wala an ni Ma didina Alo mazina.

Zakari 3:10

Kur bur máma agi nge nge pî mba mi yi ndrama ad’u guguzlu mamba d’oze ad’u tulum mama á kak ki halasa.