Jeremi 31:8 - Bible azumeina

⁸ Gola! An nga ni hulongî ki sed’ezi abo ma norâ, an mba ni togozi avun dabid’a handagad’id’a. Suma duka ki suma dileîd’a, arop suma wirâ ki suma huruzi nga tazi á vutina, ki zla tazi pet a mba tok tok ka ngola ka hî.

Jeremi 31:8 Kruisverwysings

Sawal la giled’a 107:3

mi togozi woi kur ambasa hi suma dingîd’a abo ma yorogona, abo ma fladegena, abo ma norâ kabo ma sutnina, a de na mi!

Sawal la giled’a 65:5

Sama ang manam á kak ki sed’engâ, mi le furîd’a, mba mi kak kur gulumun mangâ. Ami mba hobomi kahle suma djivi suma kur gong mangina, nala, kur gong mang nga a tinit irat vata.

Sawal la giled’a 98:3

Humam gum yam o mam mba didinda, yam d’engzeng mam mba yam azì ma Israel-lîd’a. Andagad’a vunat ma dabid’a pet, ti we suta hAlo meinid’a.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Isai 43:6

An mba ni de mi suma abo ma norâ ala: Agi handjiya! An mba ni de mi suma abo ma sutna ala: Agi d’elezi kä d’i! Agi mbeyegï ki gron suma andjof suma sä deina ki gron suma arop suma sä avun dabid’a handagad’ina mi.

Isai 45:22

Agi suma sä avun dabid’a handagad’ina, agi hulongôgï gevenu. Hina agi mba fagi suta, kayam an nAlona. Alo ma ding nga woi kengên ndi.

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Jeremi 16:15

Wani a mba gun tazi nala: An gun tan ki Ma didin ma bei matna ma buzugï Israel-lâ woi kur ambas sa abo ma norîd’a, kur ambas sa lara ge pet ta mam ndjoyôzi woi kuad’a! An mba ni mbazi yam andaga d’a an hat mabuyozi ngolod’a.

Jeremi 23:3

An mba ni togï tumiyô mana ad’uzi d’a ara kur ambas sa lara ge d’a an digizi woi kuad’a, an mba ni togozi kur kangâ mazina; a mba vut ablaud’a, a mba zul ndjondjoî mi.

Jeremi 23:8

Wani mba mi gun tam ala: An gun tan ki Ma didin ma bei matna ma mi hulong mi yoï andjafâ hi Israel-lâ woi kur ambas sa abo ma norîd’a kur ambas sa lara ge pet ta mam ndjoyôzi woi kuad’a tala a kak kur ambas mazid’a na.

Jeremi 29:14

Ma didina mi dala: An mba ni tak tan ndei iragiya, an mba ni buzugugï woi kur magomba, an mba ni togogi woi aduk andjaf suma pet ata yima lara ma an ndjoyôgi woi kuana, an mba ni hulongôgï ka hî ata yima an yogi ni igi magomba woi kuana. An Ma didina ni de na.

Jeremi 3:12

Ang i de woi yam zla ndata ki deleng akulo abo ma norâ ala: Ma didina mi dala: Agi Israel suma tchagi tatana, agi hulongôgïya. An mba ni d’us iran atagi d’i, kayam an ni sama od’a, an mba ni vagi kurun baba d’i. An Ma didina ni de na.

Jeremi 3:18

Kur bur máma suma Juda-na ki Israel-lâ a mba zlap tu. Azi djak a mba tcholï yam ambas sa abo ma norîd’a á i yam ambas sa an hat mabuyozi ngolo djonid’a.

Ezekiyel 20:34

An mba ni buzugugï woi aduk andjaf suma, an mba ni togogi kur ambas sa agi ndjoyôgi woi kuad’a kabon ma ad’engâ ki bigan nda zid’a akulo kan zid’a ki hur man ma zal ma gugulu’â mi.

Ezekiyel 20:41

Fata an buzugugï woi aduk andjaf suma mba ni togogï yam ambas sa an ndjoyôgi woi kuad’id’a, an mba ni vagi atan d’igi vama ngat buzu ma his ma afufuîna na, agi mba han ngola avok andjaf suma.

Ezekiyel 34:12

An mba ni tin iran yam tumiyô mana d’igi ma pola nga mi gol tumiyô mama ata yima mi nga adigazi ata yima a b’rau woi yaya’â na. An mba ni yozï woi ata yima azi b’rau woi kua teteng kur bur ma babarâ mi pat mi mbut yina nduvundina.

Ezekiyel 34:13

An mba ni buzuguzï woi aduk andjaf suma dingâ, an mba ni yozï woi kur ambasa teteng, an mba ni hulongôzï yam ambas mazid’a, an mba ni polozi yam ahuniyô suma Israel-lâ avun toliyonda ata yima suma a nga kaka kua kur ambasina pet mi.

Ezekiyel 34:16

An mba ni hal suma a vit teina, an mba ni hulongî suma a ba woina, an mba ni djin mbuleina hi suma a fe dakina, an mba ni had’enga mi suma tugud’eid’a. Wani suma d’orâ ki suma ad’engâ, an mba ni tchazi woyo, an mba ni polozi pol la d’ingêra.

Mise 4:6

Ma didina mi dala: Kur bur máma an mba ni veï suma dileîd’a atanu, an mba ni togï suma a yozi magombina, ki suma an lazi tchod’a adjeuna mi.

Sofoni 3:19

Kur atchogoi ndata, an mba ni tchol ni ngop suma a nga lagi ndakina, an mba ni sut suma dileîd’a, an mba ni togï suma a digizi woina mi, an mba ni mbud’uzi ni vama giled’a, an mba ni mbud’uzi vama simiyêm mi yi yam andaga d’a lara ge d’a azi nga kur zulona kuad’a.

Zakari 2:6

Ma didina mi dala: Agi buzugugi woyo, agi buzugugi woi yam ambas sa abo ma norîd’a, kayam an ndjoyôgiya wa woi yam andagad’a abot ma fid’ina.

Matiye 12:20

Mba mi kus tchereu ma lá kusina woi d’i; miyâ d’a nga d’i d’usa, mba mi tchat tei d’i. Mi mba mi le hina gak d’ingêra mba d’i te yam andagad’a.

Jean 21:15

Bugol la azi te dad’a, Jesus mi de mi Simon Pierre ala: Simon Jean goroma, ang le kan kal suma wana zu? Mi dum ala: Â, Salana, ang we an le kangû. Jesus mi dum ala: Ang he gro tumiyô mana tena.

1 Korente-na 8:10

Le sama amangeîna wang ang ma wahlenina ang nga te tena kur gonga hi fileinid’a ni, we mang ndata mba d’i zut ma amangeî máma á tahle suma a ngad’azi buzuna mi fileinina d’uo zu?

Gat ta a hat á mbàd’id’a 30:4

Le a igi navun dabid’a handagad’id’a pî, Ma didina Alo magina mba mi halagi kua, mba mi togogi ata yima tuna.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

Hebre-na 12:12

Kayam ndata, ar agi yogi abogi ma kauna akulo, agi siragi guguvagi ma amangeîna mi.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.