Jeremi 31:32 - Bible azumeina

³² Vun ma djin máma nga ni d’igi vun ma djin ma an djinim kabuyozi ngolo kur bur ma an vazi abozi ni buzuguzï woi kur ambas sa Ezipte-nid’ina na d’i. Vun ma djin máma, an ni salazina pî, azi bud’um mbeyo. An Ma didina ni de na.

Jeremi 31:32 Kruisverwysings

1 Amuleina 8:9

Wani vama ding mi nga kur zanduk máma d’i; nahina d’a bebed’e d’a tchet ta mbà d’a Moise mi tchugut kur ad’u ahina d’a Horep-pa ata yima Ma didina mi djin vunam ki Israel-lâ bugol la mi buzuguzï woi kur Ezipte-d’ina hol.

Sawal la giled’a 73:23

Hina pet pî, an nga zlapa ki ang teteu; ang van kabong ma ndjufâ.

Sawal la giled’a 78:37

Huruzi nga ade’esa ki sed’em mbuo, a nga d’engzeng yam vun mam ma djinda d’uo mi.

Buzuk ka Abud’a 19:5

Ki tchetchemba, le agi humun vunanu, agi ngomogi vun man ma djinda ni, aduk suma yam andagad’ina pet agi mba mbud’ugi ni sum mana, kayam andagad’a pet ni manda.

Buzuk ka Abud’a 32:8

A d’es wa woi atogo zak kur lovot ta an tagazizid’a, a yor wa gor amuhlâ, a grif wa kä avoromu, a hum wa ahle suma ngat buzuna, a dala: Gol alo mei ma pad’eï woi kur ambas sa Ezipte-d’ina ba wana!

Sawal la kal teglesa 8:5

Ni nge ndata ba, ti djï hur fulâ, ti deng tat ata mat ma ndat le kam heîna na ge? Ti dala: An zlid’ing akulo ad’u agu poma ata yima asung ngi vang wiring kuana, ata yima ti vud’ung kuana mi.

Isai 24:5

Andagad’a ti mbut ndjendjed’a abo suma a nga kaka katna, kayam azi tchila yam gata, a miret vun ma hed’a kä kaseziya, a but vun ma djin ma didin ma a djinim kAlonina woi mi.

Isai 41:13

Kayam an ni Ma didina Alo magi ma ni vagi abogi ma ndjufâ akulona, an nga ni dagiya: Agi lagi mandar ri! An nga ni mba á ndjunugiya.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Jeremi 11:3

Ang dazi ala: Ma didina Alona hi Israel-lîna mi dala: Sama mi hum nga zlad’a hi vun ma djin máma d’uo na, an mba ni gum vuna.

Jeremi 11:4

Ni vun ma djin ma an djinim kabuyogi ngolo ata yima an buzuguzï woi kur ambas sa Ezipte-d’a d’igi für ma kaweina na na, an dazi ala: Agi humugi vama an hagi vuna kama, agi tid’igi yam vama an hagi vuna kama mi. Hina wani, agi mba mbud’ugi sum mana, an mba ni arî Alo magina mi.

Jeremi 2:2

Ang i de mi suma Jerusalem-ma ala: Ma didina mi dala: Humun gan yam o mak ka ndak nga ki sed’et ki weyek ata yima ndak tit blogon kid’a an kaka, ata yima ndak tit blogon kur ful ma gangras ma bei sa mi zumum ba na.

Jeremi 22:9

Suma a mba hulongôzi ded’a ala: Ni kayamba a but vun ma djin ma Ma didina Alo mazina mi djinim ki sed’ezina woi d’a, ni kayamba a grif kä avok alo ma dingâ á kud’uromba.

Jeremi 3:14

Ma didina mi dala: Agi gro suma tchagi tatana, agi hulongôgïya, kayam an ni ma ngol magina. An mba ni yogiya, ni hle tu kur azì ma ngolâ, ni yo mbà ad’u andjaf ma tuna á i ki sed’egi Siyon.

Jeremi 31:1

Ma didina mi dala: Fata yina ndaka, an mba ni arî Alona handjafâ hi Israel-lîna pet, azi tazid’a a mba mbut ni sum mana mi.

Jeremi 34:13

An Ma didina Alona hi Israel-lîna ni djin vunan kabuyogi ngolo kur bur ma an buzuguzï woi kur ambas sa Ezipte-d’a kur yima a lazi magomba kuana, an dazi ala:

Jeremi 34:14

Bugol dabid’a hi biza d’a kid’iziyad’a, nge nge pî adigagi ar mi ge wiyem ma Hebre ma mi gus tam mbei aboma akulo. Mi lum sunda bizad’a karagaya. Bugola, mi gum akulo woi avo hatamu. Wani abuyogi ngolo a humun nga d’i, a tin nga humazi yam zla manda d’uo mi.

Ezekiyel 16:8

An kal gevegu, an gologu. Wana ni yi mak ma ndak á ved’ina. An barak baru man nda ngola kagu, an zlubuk gandila maka, an gunuk tanu, an djin vunan ki sed’egu, an Salad’a Ma didina ni dala: Ndak arî manda.

Ezekiyel 20:37

An mba ni ndumugi ki totogo manda, agi mba gagi yagi kä ad’u vun ma djin ma mi djinigi zlapa ki sed’ena.

Ezekiyel 23:4

Ta ngola a yat ala Ohola, ta gora a yat ala Oholiba. Azi ni mana, a vut gro andjofâ ki gro aropma. Ohola ni Samari, Oholiba ni Jerusalem mi.

Wana ni mbaktumba hi Oze-d’a 11:1

Ata yima Israel mi gogora tua na, an le kamu, an yi gorona woi kur Ezipte.

Wana ni mbaktumba hi Oze-d’a 2:2

Suma Juda-na ki Israel-lâ a mba zlap tu, a mba pat amulâ tu, a mba te yam ambasa. Bur máma ni bur ma ngolâ hi Jisreyel-lâ.

Wana ni mbaktumba hi Oze-d’a 3:1

Ma didina mi dan kua ala: Ang i veï atcha d’a banatna nga mi le kat heî d’a nga d’i le mizeunid’a, ang le kat d’igi an Ma didina nga ni le yam Israel-lâ na. Azi nga mbut irazi yam alo ma dingâ, a nga le d’od’oka yam woî guguzlu ma a hum mi fileinina, wan pî an nga ni le kaziya.

Sunda hi suma hi Levi-nid’a 26:15

le agi nga tchilagi tid’igi kam pet tuo, le agi gologi gata d’igi vama ndjendjed’a na, le agi bud’ugi vun man ma djinda woyo ni,

Marik 8:23

Jesus mi vabo ma duka, mi im woi kel bugol azina, mi tuvom ayôna iramu, mi tin abom iramu, mi djobom ala: Ang nga we va zu?

Jean 3:29

Sama vatchad’ina, mam mi sala tela, wani sala tela banam ma nga tchola ma nga mi humum delema, mi nga ki furîd’a ngola á humum delemu. Kayam ndata, furî manda ndak wa memet.

Sunda hi suma a sunuzinid’a 23:19

Ma ngol ma kalâ hi azigarîna mi vun abomu, mi i ki sed’em mbei gen nde, mi djobom ala: Ni zla me ang nga ki sed’et á dandji ge?

2 Korente-na 11:2

An nga ni le yungôra kagiya; ni yungôr ma tcholï ata Alonina, kayam agi ni d’igi gor wei d’a yed’et ta an kat mi mandjufîd’a na, nala Christ.

Gat ta a hat á mbàd’id’a 1:31

Agi tagi wagiya, abagei hur fulâ mi zigi d’igi sana mi zi goroma na, kur tit magi d’a fiyaka gak mi mbagi ata yima ka hina.

Gat ta a hat á mbàd’id’a 29:1

Wana ni vun ma djin ma Ma didina mi he vuna mi Moise ala mi djinim ki Israel-lâ yam ambas sa Mowap-pa na. Vun ma djin máma mi nga abo tam tu ki ma mi djinim ki sed’ezi adjeu yam ahina d’a Horep-pina d’i.

Gat ta a hat á mbàd’id’a 29:21

Ma didina mba mi tinim iram mbei vam aduk andjafâ hi Israel-lîna á fe ndaka d’igi vun ma ge ma kur vun ma djin ma a b’irim zlam kur gat ta wandina na mi.

Gat ta a hat á mbàd’id’a 29:24

Andjaf suma dingâ pet a mba dala: Ni kayam me ba, Ma didina mi le ki suma kur ambas ndatina na ge? Ni kayam me ba, hurum zal ngola kazi na ge?

Gat ta a hat á mbàd’id’a 31:16

Ma didina mi de mi Moise ala: Gola! Ang nga mid’a. Sum ndazina a mba mbut tazi gaulangâ kalona handjaf suma ding suma kur ambas sa azi nga kal kurut wanda, a mba aran ndeyo, a mba but vun ma djin ma an djinim ki sed’ezina woi mi.

Gat ta a hat á mbàd’id’a 31:20

Kayam an mba ni kal ki sum ndazina kur ambas sa an hle vunan kat mabuyozi ngolo á hazizid’a, nambas sa ambira ki mbul ayuma a nga sor kä kuad’a. Azi mba te, a mba hoba, a mba d’ora. Bugola, azi mba mbut irazi ata alo ma dingâ á kud’uromu, a mba lan tchod’a, a mba but vun ma djin ma an djinim ki sed’ezina woi mi.

Gat ta a hat á mbàd’id’a 5:2

Ma didina Alo meina mi djin vunam ki sed’ei yam ahina d’a Horep-pa.

Gat ta a hat á mbàd’id’a 5:3

Ni ki abuyogi ngolo ba, Ma didina mi djin vunam ki sed’ezi hol li, wani ni ki ei suma nga ki irei ini pet wana mi.

Hebre-na 8:9

Vun ma djin máma nga ni d’igi vun ma djin ma an djinim kabuyozi ngolo kur bur ma an vazi abozi ni buzuguzi woi kur ambas sa Ezipte-d’ina na d’i. Kayam azi tit nga teteu yam vun man ma djinda d’i. Kayam ndata, an Ma didina ni dala: An hazi azigan mi.