Jeremi 31:30 - Bible azumeina

³⁰ Wani nge nge pî mba mi mit ni yam tcho mamba tata. Sama lara ma mba mi te guguzlu d’a bei ned’ina, siyam mba mi zleyâ.

Jeremi 31:30 Kruisverwysings

2 Amuleina 14:6

Wani mi tchi nga suma tchi matna grozina woi d’i, kayam zla d’a a b’irit kur Mbaktum mba Gata hi Moise-sa, kayam Ma didina mi he vuna ala: Ar agi tchagi abuyod’a woi yam tchod’a hi grod’id’a d’i, ar agi tchagi grod’a woi yam tchod’a habuyod’id’a d’uo mi. Ar agi tchagi nge nge pî yam tcho mam mba mi lata.

Wana ni mbaktumba hi Job-pa 21:20

Ni mam tamba ba, mi gol ndak mamba ki iramu, ni mam tamba ba, mi tche ayîna hi Ma ad’engêm kal petnina mi.

Isai 3:11

Wani ni zla d’a hohoud’a yam sama asa’atna! Mam mba mi fe ndaka, kayam a mba wuragam yam sun nda mam tam mi lat kabomba.

Ezekiyel 18:20

Ni sama nga mi le tchod’ina ba, mba mi mid’a. Gorâ nga mi zi tchod’a habumba d’i, abud’a nga mi zi tchod’a hi goromid’a d’uo mi. A mba wurak sama d’ingêrâ ni yam sun mam mba d’ingêra, wani a ngop sama asa’atna ni yam sun mam mba asa’ata mi.

Ezekiyel 18:4

Gola! Arid’a hi suma pet ni hur abonu. Arid’a habud’id’a ki d’a hi gorîd’a dja’î hur abonu. Ma nga mi le tchod’ina ni ma mba mi mitna.

Ezekiyel 3:24

Muzu’â hAlonina mi kal kurunu, mi tcholon akulo kasenu. Ma didina mi dan ala: Ang i avo hatangû, ang duk vuna kangû.

Ezekiyel 33:13

Le an de mi ma d’ingêrâ ala: Ang mba kak karid’a, wani le mi tin hurum yam d’ingêr mam mba mi lat adjeud’a ala: Ti ndaga, mi le tchod’a ni, an mba ni djib’er yam sun mam mba d’ingêr ra mi lat adjeud’a d’i. Mam mba mi mit yam tcho mam mba mi lata.

Ezekiyel 33:18

Wani le sama d’ingêrâ mi ar sun mam mba d’ingêra woi mi le tchod’a ni, mba mi mit yam tcho ndata.

Ezekiyel 33:8

Le an de mi sama asa’atna ala: Ang mba mit gagazi, le ang gum nga humam á mbut hurum yam tit mamba d’uo ni, mba mi mit kur sun mam mba ata yat tuo d’a, wani an mba ni djobom mad’am natang angû.

Galat-na 6:5

Kayam nge nge pî mba mi zi anek mamba tata.

Gat ta a hat á mbàd’id’a 24:16

Moise mi de kua ala: Ar agi tchagi abuyod’a yam tchod’a hi grod’id’a d’i, ar agi tchagi grod’a yam tchod’a habuyod’id’a d’uo mi, ar agi tchagi nge nge pî yam tcho mam mba mi lata.

Jacques 1:15

Ata yima d’od’ok ka tchod’a ti ve wirîna, ti vut ni tchod’a. Le tchod’a ti djeng wa ni, ti vut ni matna.