Jeremi 31:18 - Bible azumeina

¹⁸ An hum tchina hi suma Efraim-ma. Gagazi, a nga tchi ala: Ma didina, ang gad’ami ki gat ta ad’enga d’igi a gat amuhl ma azong ma bei hatina na. Wani ang vami atang tala ami hulongômi geveng gagazi d’a, kayam angî Ma didina Alo mamina.

Jeremi 31:18 Kruisverwysings

Wana ni mbaktumba hi Job-pa 5:17

Gola! Sama Alona ngoboma mi le furîd’a! Kayam ndata, ang gol ngopa hi Ma ad’engêm kal petnid’a is si.

Sawal la giled’a 118:18

Ma didina mi ngobonu, wani mi han nga abo matna d’i.

Sawal la giled’a 119:67

Avok ka an bei ge yan kä tua d’a, an vit teyo; ki tchetchemba, an nga ni ngom zla manga.

Sawal la giled’a 119:75

Ma didina, an wala sariya mang nga kad’a ni d’ingêr; ni kur gagazid’a ba, ang hulongôn yan kä.

Sawal la giled’a 31:15

Wani Ma didina, an nga ni deng tan natangû, an nga ni dala: Angî Alo mana!

Sawal la giled’a 32:9

Ar ang kak d’igi akuluma d’oze korona suma djib’er mazid’a nga d’uo na na d’i. Djamad’a ni va d’a vazi ki d’a; le hina d’uo ni, azi nga ve kä d’i.

Sawal la giled’a 80:19

Hina wani, ami mba walami woi ki sed’eng nguo d’a; ang hami arid’a, ami mba yangî ang simiyêng tu go.

Sawal la giled’a 80:3

Avok Efraim, avok Benjamin ki Manase, ang tchol akulo kad’eng manga, ang mbeï sud’umiya.

Sawal la giled’a 80:7

Ang mbud’umi ni suma hal huneîd’a ir ndromina, mami suma djangûna a nga lazami mi.

Sawal la giled’a 85:4

Kur hur mang ma zala pî, ang hurung b’lengâ; kur ayî mang ma bibiliuna pî, ang hurung vat tei mi.

Sawal la giled’a 94:12

Ma didina, sama ang nga ngobom ma ang nga had’am gat mangîna, mi le furîd’a.

Zla d’a d’ogolâ 26:3

Blafâ ni yam akuluma, djamad’a ni yam korona, azlingâta ná to suma lilid’a mi.

Zla d’a d’ogolâ 29:1

Sama suma a ngobom yazi ablaud’a nga mi hum vun nduo na, mba mi b’lak kei atogo zak. Kuma ma a mbud’um ki djivid’ina mi nga d’uo d’a.

Zla d’a d’ogolâ 3:11

Gorona, ang gol gat ta Ma didina nga mi gad’anga is si, ang gol ngop pa nga mi ngobonga ni vama tcho d’uo mi.

Isai 1:5

Ata yima agi tcholi ad’enga ngingring i avogovo’â, agi min ala mi togi nata yima lara d’ei ge? Yagi pet ni mbuleina, hurugi pet ni tugud’eid’a mi.

Isai 51:20

Gro’â a nga seîd’a kä ir palum mba lara ge pet, a nga hle tazi hina b’enek kuo d’igi alafâ mi ve ki abeid’a na, abo ayîna hi Ma didinina, abo ngopa hAlo ma’îd’a.

Isai 53:7

A kid’eyêm iramu, wani mi ge yam kä, mi mal nga vunam mbi. Mi hle tamî d’igi gor timi ma a im ata yima ngatina na, d’igi timi ma nga tchola mudjuk avok suma tchawama na, bei mi mal vunam ba.

Isai 63:16

Kayam angî Abumiya. Abraham mi wami nga d’i, Israel ko mi wami nga d’ala ami ni na d’a d’uo mi. Ni ang Ma didina tu ba, nAbumiya, ni ang ma yang kad’u tinda dedei ala Mami ma sutä na.

Isai 9:13

Kayam ndata, Ma didina mba mi ka yamba kandjaud’a kabo amilaûna ki tchereuna woi aduk Israel-lâ kur bur ma tuna mi.

Jeremi 17:14

Jeremi mi dala: Ma didina, le ang tchilinu ni, an mba ni tchila. Le ang sud’unu ni, an mba ni sud’a, kayam angî ma an suburuma.

Jeremi 2:30

An to grogina ni hawa na, a hum nga gata d’i. Mbigeu magi d’a fiyaka ti kizak magi suma djok vuna woi d’igi azlona mi kizak ahlena woi na.

Jeremi 3:25

Ami nga burâ kä ki zulo mamina, zulo mamina mi vamiya, kayam ami kabuyomi ki gugurei tami dei gak ini ami nga lami tchod’a avorongû, ami humumi nga dela hi ang Ma didina Alo maminid’a d’i.

Jeremi 31:6

Bur ma dingâ nga mba. Kur bur máma suma ndjol suma akulo yam ahuniyô suma Efraim-mina a mba yi akulo ala: Agi tchologi akulo, i djagei akulo Siyon gen Ma didina Alo meina.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Hor ma tchina 5:21

Ma didina, ang hulongômï gevengû, ami pî mba hulongômï geveng mi. Ang hulongômi kur subur mamid’a d’igi d’a adjeud’a na.

Ezekiyel 20:43

Ata yi máma agi mba djib’eregi yam tit magid’a ki sun nda lara ge d’a agi mbud’ugi tagi ndjendjed’a ki sed’eta, agi mba hlagi iragi akulo abo sun nda tcho d’a lara ge d’a agi lata d’i.

Daniel 9:13

D’igi a b’irit zlat kur gata hi Moise-sa na, ndak ndata ti mba wa kami pet. Hina pet pî, ami hulongômi nga yami kä avorong ang Ma didina Alo mamina d’i. Ami arami nga tcho mamid’a woi d’i, ami kami nga ir gagazi manga woi d’uo mi.

Wana ni mbaktumba hi Oze-d’a 10:11

Suma Efraim-ma a ni d’igi amuhl hla wei d’a a had’at djivi d’i d’a min to awunid’a na. Wani an mba ni gat dju’â ata delet ta djivid’a, an mba ni zlubut ahlena huyogot mi. Suma Juda-na a mba zuma, suma hi Jakob-ma a mba tan hersena mi.

Wana ni mbaktumba hi Oze-d’a 4:16

Kayam Israel-lâ ni suma yam mba ad’enga d’igi amuhl hla wei d’a a tchugut nga ziyona kat yang tu d’uo d’a na, ki tchetchemba, Ma didina mba mi polozi ni d’igi sana mi pol gro tumiyôna hur ful ma bibinina na.

Wana ni mbaktumba hi Oze-d’a 5:15

Ma didina mi dala: An mba ni iya, an mba ni hulong ata yan ma kaka gak azi we tcho mazid’a, gak azi mba mba á wan iranu. Fata azi nde kur ndakid’a, a mba halan ki hur ma hata.

Jonas 3:10

Alona mi we sun mazi d’a azi lata, a mbut huruzi yam tcho mazid’a, mi ar ndak ka mam ngat kurum á lazizid’a woyo, mi lat nga d’i.

Sofoni 3:2

Azi hum nga yid’a hi Ma didinid’a d’i, a nga min ngop pa mi ngobozid’a d’i, a nga tin huruzi kam mbi, a nga hut gevem mam Alo mazina d’uo mi.

Malatchi 3:16

Wani suma a ring mandara Ma didinina, a de tazi zlad’a; Ma didina mi kak hina tchugot, mi huma. A b’ir mbaktum mba djib’era avorom yam suma a ringîm mandaram a suburum simiyêm mi na.

Ndumba 2:18

Ades ma dur ayî ma zlap kades ma dur ayîna hi Efraim-mina, mi ve kang mama abo ma fladegena hi zlub’ud’ina. Ma ngol ma avok andjafâ hi Efraim-mina ni Elisama Amihut goroma.

Wana ni Zla d’a Djivi d’a Luc mi b’irita 1:17

Mam tamba mba mi i avogovok avor Alona ki Muzu’â kad’enga hi ma djok vun Alona Elie-d’a á zlap abuyod’a ki grod’a tu, á mba ki suma bei ge yazi kä ad’u ned’a hi suma d’ingêrîd’a, mba mi min suma yam Salad’a mi.

Wana ni Zla d’a Djivi d’a Luc mi b’irita 15:20

Mi tchola, mi i gen abumu. Kid’a mam sä woi hina dei tua d’a, abum mi wumu, mi wum hohowomu, mi ring d’ugulomu, mi vum atam ki furîd’a.

Sunda hi suma a sunuzinid’a 3:26

Kid’a Alona mi tchol azong mama akulo aduk suma matnid’a, mi sunumï atagi adjeu tala nge nge pî adigagi mi ar tcho mamba woi Alona mba mi b’e vunam kamu d’a.

Filip-ma 2:13

Kayam Alona ni Ma nga mi le sunda kurugi á hagi ad’enga á le min mamba, á ndak vun nga hur mama mi na.

Hebre-na 12:5

Agi maragi yam zla d’a giget ta Alona gigid’egi d’igi groma na d’a zu? Mbaktumba ti dala: Gorona, ang gol gat ta Ma didina nga mi gad’anga d’igi vama hawana na d’i, ata yima nga mi ngobongâ, ar tang tchuk lus suo mi.

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.