Jeremi 31:10 - Bible azumeina

¹⁰ Agi andjaf suma, agi humugi zlad’a hi Ma didinid’a, agi i dagi zla ndata woi mi suma a nga kaka yam tila ata yima dedeinina, agi dazi ala: Ma didin ma mi ndjoî Israel-lâ woina, nga mi togozïya, nga mi ngomozi d’igi ma pola mi ngom tumiyô mama na.

Jeremi 31:10 Kruisverwysings

Ad’u Tinda 10:5

Nata azi ba, andjafâ mi b’rau woi avun mbina teteng, nge nge pî kandaga mamba ki vun mama, ad’u andjavam kadezem mi.

Sawal la giled’a 147:2

Ma didina nga mi hulong min Jerusalem akulo, nga mi tok Israel suma a i mbeïd’ina avo,

Sawal la giled’a 23:1

Ni sawal la David mi hlata. Ma didina ni ma polona; va mba kid’agan ndi.

Sawal la giled’a 72:10

Amulei suma Tarsis-sâ ki suma yam tilina, a mba mbam ki he d’a hawad’a, amulei suma Saba-na kamulei suma Seba-na a mba hum he d’a hawad’a mi.

Zla d’a d’ogolâ 27:23

Ang tin irang yam d’uwar mang ma gureina djiviya, ang ngom d’uwar mang ma nglona djivid’a mi,

Isai 24:14

Suma ad’uzi d’a ara a nga de zlad’a ki delezi akulo, a nga er ad’uzi akulo ki furîd’a, a nga er ad’uzi akulo abo ma fladegena á he ngola mi Ma didina,

Isai 27:12

Kur bur máma Ma didina mba mi dut awu mama, mba mi tinï ad’ud’a avun alum ma Efrat-na dei gak mba avun toliyon nda Ezipte-d’a, mba mi dud’ugi agi Israel-lâ tutu pet.

Isai 40:1

Alo magina mi dala: Agi b’lengêgi hur sum mana! Agi b’lengêgi hur sum mana!

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Isai 41:1

Ma didina mi dala: Agi suma nga kaka yam tilina, agi kagagi mudjuk, agi humundiya. Ar suma a hulong fad’eng mazid’a, ar a i avok á de zlad’a, ar ei togei tu á ka sariyad’a.

Isai 42:10

Agi suma nga tid’igi kur alum ma ngolîna, agi suma nga oîd’a kuruma, agi suma nga kaka yam tilina, ar agi hlagi sawal la awilid’a mi Ma didina, agi hagizi ngola, agi gilegizi avun dabid’a handagad’id’a pet mi.

Isai 42:4

Mba mi mbut amangeîd’a d’i, tam mba d’i tchuk lus suo gak mba mi tin sariyad’a yam andagad’a. Suma a nga kaka yam tilina a mba humum gat mamba mi.

Isai 48:20

Agi buzugugi woi avo Babilon, agi ringîgi woi aduk suma Kalde-na. Agi dagi woi ki delegi akulo ki aîd’a, agi tchagi wal zla ndata woyo, agi dagizi zlat teyo, dagizi zlat tei avun dabid’a handagad’id’a, agi dagi ala: Ma didina mi wurak wa yam azungeî mam suma hi Jakob-ma.

Isai 54:7

An arak kei ndjö, wani yam we hohou man nda ngola an mba ni vak atanu.

Isai 60:9

Kayam suma a nga kaka yam tilina a tin huruzi ni kanu, batod’a hi suma Tarsis-sîd’a ti tchuk tat avok á yoï gro’â ata yima deina ki bege mazi d’a hapa ki lor mazid’a, yam simiyên an Ma didina Alo mak ma tin tan irat vat yam Israel-lâ ma ni hak ngolina.

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Jeremi 23:4

An mba ni tin suma pol suma dingâ kazi á poloziya. Tumiyô mana a mba le mandar roze a mba zlak kuo mi, tu mba mi ba woi adigazi d’uo mi. An Ma didina ni de na.

Jeremi 25:22

An hum mamulei suma Tir-râ pet, mamulei suma Sidon-na pet kamulei suma a nga kaka yam tila sä abo alum ma ngolâ abo hî na mi.

Jeremi 3:15

An mba ni hagi suma pol suma an hurun minizina. Azi mba pologi ki ned’a ki wad’ud’a mi.

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Jeremi 50:19

An mba ni hulongî Israel-lâ kur kangâ mazina. Azi mba te hatna akulo yam ahina d’a Karmel-la ki d’a Basan-nda, a mba hop ki hatna akulo yam ahina d’a Efraim-mba ki d’a Galät-ta mi.

Ezekiyel 11:16

Ni kayam ndata ba, ang i dazi ala: Salad’a Ma didina mi dala: Le an ni izi woi dei aduk andjaf suma, le an ndjoyôzi woi yam ambasa teteng pî, an mba ni mbut yi mazi ma kaka kur ambas sa azi i kuad’a.

Ezekiyel 20:34

An mba ni buzugugï woi aduk andjaf suma, an mba ni togogi kur ambas sa agi ndjoyôgi woi kuad’a kabon ma ad’engâ ki bigan nda zid’a akulo kan zid’a ki hur man ma zal ma gugulu’â mi.

Ezekiyel 34:12

An mba ni tin iran yam tumiyô mana d’igi ma pola nga mi gol tumiyô mama ata yima mi nga adigazi ata yima a b’rau woi yaya’â na. An mba ni yozï woi ata yima azi b’rau woi kua teteng kur bur ma babarâ mi pat mi mbut yina nduvundina.

Ezekiyel 37:24

Azong mana David mba mi kak amul mazina, azi pet a mba kak ki ma pola tu mi. Azi mba tit ad’u gat manda, azi mba ge yazi kä ad’u vun man ma hed’a, azi mba le sunda kazi mi.

Ezekiyel 5:10

Ni kayam ndata ba, abuyod’a a mba mut grozina adigagiya, grod’a a mba mut abuyozi adigagi mi. An mba ni ka sariyad’a yam suma a mba ar adigagina, an mba ni ndjoyôzi woi ata andagad’a abot ma fid’ina.

Ezekiyel 5:2

Le bur ma a ngui azina kä na mi ndak wa ni, ang hle wal la ding tu, ang ngalat tei kur azì ma ngolâ kaku boloma, ang hle wal la mbàd’a, ang kat aduk kei ki mbigeu mang nga fiyaka, ang ngui azì ma ngolâ woi d’uhl. Ang hle wal la dabid’a, ang yagat akulo aduk simetna. An mba ni digit ad’ut ki mbigeu man nda fiyaka.

Daniel 11:18

Bugola, mba mi mbut iram yam suma kur tilina, mba mi yo andagad’a ablaud’a, gak grangâ hi suma dingîna mba mi d’elem avun sun mam mba zulo ndata; sun mam mba zulo ndata mba d’i hulong kamu.

Sunda hi suma hi Levi-nid’a 26:33

An mba ni ndjoyôgi woi vivreng kayî ma durâ; ambas magid’a mba d’i mbut nambas sa abageid’a, azì magi ma nglona mba mi arî djona mi.

Mise 2:12

Ma didina mi dala: Agi andjafâ hi Jakob-ma, an mba ni togogï ki zla tagi pet, an mba ni togogi agi Israel-lâ ad’ugi d’a ara. An mba ni togogi d’igi a tok tumiyôna kur kangâ mazina na, d’igi a tok d’uwarâ ata yam ma te hatna na. Agi mba togogi ni tok ka ablau d’a vuna kat gandjaud’a.

Mise 4:6

Ma didina mi dala: Kur bur máma an mba ni veï suma dileîd’a atanu, an mba ni togï suma a yozi magombina, ki suma an lazi tchod’a adjeuna mi.

Mise 5:4

Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Sofoni 3:19

Kur atchogoi ndata, an mba ni tchol ni ngop suma a nga lagi ndakina, an mba ni sut suma dileîd’a, an mba ni togï suma a digizi woina mi, an mba ni mbud’uzi ni vama giled’a, an mba ni mbud’uzi vama simiyêm mi yi yam andaga d’a lara ge d’a azi nga kur zulona kuad’a.

Zakari 10:8

An mba ni yazi ki feta, an mba ni togoziya, kayam an nga ni tchuguzi akulo, azi mba zul d’igi azi zul adjeu na.

Zakari 2:6

Ma didina mi dala: Agi buzugugi woyo, agi buzugugi woi yam ambas sa abo ma norîd’a, kayam an ndjoyôgiya wa woi yam andagad’a abot ma fid’ina.

Zakari 9:16

Kur bur máma Salad’a Alo mazina mba mi sud’uzi d’igi ma pola mi sut d’uwar mama na, azi mba wile yam ambas mamba d’igi ahina d’a guzut kal tegles sa ata kadamulid’a na.

Wana ni Zla d’a Djivi d’a Luc mi b’irita 12:32

Jesus mi had’azi kua ala: Agi ades ma gorâ, ar agi lagi mandar ri, kayam ni djivid’a ir Abugi á hagi leu mamba.

Jean 10:27

Tumiyô mana a nga humun delenu. An waziya, azi nga tit ad’un mi.

Jean 11:52

ni kayam andjaf máma hol li, wani á tok Alona grom suma a b’rau woi yaya’â tu.

Gat ta a hat á mbàd’id’a 30:4

Le a igi navun dabid’a handagad’id’a pî, Ma didina Alo magina mba mi halagi kua, mba mi togogi ata yima tuna.

Gat ta a hat á mbàd’id’a 32:26

An djib’er kurun ala an mba ni dabazi woi pet, an mba ni mbud’uzi suma sa mba mi djib’er kazi yam andagad’a d’uo na.