Jeremi 30:5 - Bible azumeina

⁵ Ma didina mi dala: Ei nga humi siwel la mandarâ; ni mandar ma tchona, nga ni halasa d’i.

Jeremi 30:5 Kruisverwysings

Isai 5:30

Kur bur máma a mba tchi kazi d’igi alum ma ngolâ vunam mi tchi wü na, a mba gol ambasa a mba we ni nduvunda ki hur ma wurana, b’od’a mba d’i mbut nduvunda abo babarâ mi.

Isai 59:11

Ami nga tchimi d’igi ambur ma a yum ala ursâ na, ami nga yoromi tami d’igi gugud’a na, ami tinimi hurumi ni yam sariya d’a d’ingêra, wani ami nga fat ti, ami nga halami suta, wani ti wal lei dei ki sed’emiya.

Jeremi 12:12

Suma b’lak yina a nga djï yam ahuniyô suma fuyogei suma va nga kazi d’uo na, kayam mbigeu d’a fiyaka hi Ma didinid’a nga d’i kizak suma kur ambasina, tinï ad’ud’a avun ambasa abo hî dei gak nde woi avun ambasa abo hî. Sama kak ki halasina nga tu d’i.

Jeremi 25:36

Agi humugi tchina hi suma polina ki wulula hi suma avok tumiyônina, kayam Ma didina mi b’lagazi ful mazi ma te hatna woi da’.

Jeremi 30:4

Wana ni zla d’a Ma didina mi dat yam Israel-lâ ki suma Juda-nid’a.

Jeremi 46:5

Ma didina mi de kua ala: Ni kayam me ba, an wazi a nga zlak ke? A dadak kazigaziya. Mazi suma gangrang suma durâ a tchuk susub’ok. A hazigaziya, a nga ring bei mbut irazi blogozi ba. Mandarâ mi vazi ata yina pet.

Jeremi 6:22

Ma didina mi dala: Gola! Suma yam ambas sa abo ma norîd’a a nga djïya. Nandjaf ma ngol ma tcholï avun dabid’a handagad’ina.

Jeremi 6:26

Ma didina mi dala: Ndak gor weid’a hi sum manid’a, ndak tchuk baru d’a dodora atagu, ndak bulul kä aduk butna, ndak tchi horâ d’igi atchad’a ti tchi hora gorot ma abot tuna na, ndak tchi tchi ma hat hurâ, kayam ma b’lak yina nga mi mba kak dumuzi.

Jeremi 8:16

Ei nga hum siwela hakulumei mamid’a ei abo ma Dan-na. Suma yam andaga ndatina pet a nga zlak abo breîd’a hakulumei mam suma ad’engâ, kayam azi mba wa, a nga b’lak ambasa kahle suma kurutna kazì ma ngolâ ki suma a nga kaka kuruma mi.

Jeremi 8:19

Gola! Del la tchina hi sum manid’a, ti tcholï yam andaga d’a deid’a, ti dala: Ma didina mi nga kur Siyon d’uo d’ang zu? Amul matna mi nga kurut tuo mi zu? Ma didina mi dala: Ni kayam me ba, azi zalan hurun kangus ahle mazi suma tcheta kahle suma hawa ya’â hi suma dingîna ge?

Jeremi 9:19

Jeremi mi dala: A nga hum del la tchina kur Siyon ala: Ni b’laga me ti mba kei na ge? Ni zulo me mi vei na ge? Ei arei ambasa, kayam yi mei ma kaka a b’lagam wa woyo!

Amos 8:10

Vun til magina, an mba ni mbud’umî yor tad’a; sawal magid’a pet, an mba ni mbud’ut ni hor ma ged’a. Nge nge pî mba mi djin baru d’a dodora furumu, suma pet a mba wel yazi woi d’igi sana mi tchi yam gorom ma abom tuna na. Dabid’a hahle ndazinid’a ni bur ma b’lak hurâ.

Habakuk 1:10

A nga las amuleina, a nga san ad’u suma nglona; gulumun ma ad’eng ma d’elezina nga d’i. Azi nga mbu andagad’a ad’um akulo, a nga tup kam á dik azì máma.

Habakuk 1:6

Gola! An nga ni yï suma Babilon-na á te yam suma; ni suma asa’at suma lahlena bei djib’era ba na, ni suma a nga bine abozi yam ambasa á yo ambas sa nga ni mazid’a d’uo d’a.