Jeremi 30:16 - Bible azumeina

¹⁶ Kayam ndata, suma a nga tagi d’igi suma a te hliuna na na, a mba tazi mi; magi suma djangûna pepet, a mba izi magomba; suma a nga b’ad’agi ahligiyegina, a mba b’ad’azi mazina mi; suma a nga hurumugi ahligiyegina, a mba hurumuzi ahligiyezi na mi.

Jeremi 30:16 Kruisverwysings

Sawal la giled’a 129:5

Ar suma a noî Siyon-na pet a mbut zulona, a hulong kazigaziya,

Buzuk ka Abud’a 23:22

Wani le agi humum vunamu, le agi lagi ahlena pet suma an dagi kazina ni, an arî ma djangûna hi suma djangû maginina, an mba ni noî suma a noyôgina mi.

Zla d’a d’ogolâ 22:23

Kayam Ma didina nga mi ndjun kaziya, mba mi b’lak suma a b’lagazina woi mi.

Isai 14:2

Andjaf suma dingâ a mba yozi izi kur ambas mazid’a yam andagad’a hi Ma didinid’a. A mba tazi djona d’igi magumei suma andjofâ ki suma aropma na, a mba yo suma a yozi magomba adjeuna magomba, a mba te yam suma a te kazi adjeu kad’engina mi.

Isai 33:1

Ni zla d’a hohoud’a yam ang ma b’lak suma dingâ bei sa mi b’lagang ang ba na, yam ang ma nga mbut ir suma dingâ bei sa mi mbud’ung ang irang ba na. Fata abong dap á b’lak suma dingîd’a, a mba b’lagang ang mi. Fata ang ar bei mbut ir sumid’a, a mba mbud’ung ang irang mi.

Isai 54:15

Le a min á durugu ni, zla ndata ti tcholï nata an ndi. Wani sama lara ma mba mi ndak durîna, mba mi puk kä avorogu.

Isai 54:17

Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.

Jeremi 10:25

Ar ang zal hurung yam andjaf suma dingâ, yam andjaf suma a nga yang á ndjunuzi d’uo na, kayam azi b’lak suma hi Jakob-ma woi kakazeî, a dabazi ahligiyezi woi kakaf, a b’lagazi yazi ma kaka woi mi.

Jeremi 12:14

Ma didina mi dala: An nga ni de zlad’a yam andjaf suma asa’at suma a ngui sum mana suma a do sum mana yam andaga d’a an hat mi man suma Israel-lîd’ina. An mba ni yozi woi yam andaga mazid’a, an mba ni yo suma Juda-na woi adigazi mi.

Jeremi 2:3

Ma didina mi dala: Agi Israel-lâ, agi mi sum mana, agi ni d’igi awu ma ne avo’â na. Suma pet suma a dogina, a halî zlad’a ki anu, ndaka mba d’i mba kazi atogo hina zak mi.

Jeremi 25:12

Ma didina mi de kua ala: Wani fata biza d’a dok kid’iziyad’a ndaka, an mba ni mba ni ngop amul ma Babilon-na ki sum mama yam tcho mazid’a, an mba ni b’lak ambas mazi d’a Babilon-nda woyo, an mba ni mbud’ut djona gak didin.

Jeremi 30:15

Ni kayam me ba, agi tchigi yam dak magid’a, yam mbil magi ma nga mi tchil luo na ge? Ni kayam tcho magi d’a zul heîd’a ki tcho magi d’a ngola ba, an ar ahle ndazina a lagi ni na.

Jeremi 50:28

Suma ring suma a sud’ï woi yam ambas sa Babilon-ndina, a nga de woi yam atchugul la sad’a hi Ma didina Alo meinid’a kur Siyon, natchugul la sa d’a yam gong mam mba kud’orid’a.

Jeremi 8:16

Ei nga hum siwela hakulumei mamid’a ei abo ma Dan-na. Suma yam andaga ndatina pet a nga zlak abo breîd’a hakulumei mam suma ad’engâ, kayam azi mba wa, a nga b’lak ambasa kahle suma kurutna kazì ma ngolâ ki suma a nga kaka kuruma mi.

Hor ma tchina 1:21

A hum zam ta manda, wani sama b’lengên huruna nga d’i. Man suma djangûna pet a hum zla hohou manda, a le furîd’a yam vama ang luma. Ar ang hulongî ki bur ma ang dum zlam adjeuna, ar azi mbut d’igi an na mi.

Hor ma tchina 1:22

Ar asa’at mazid’a ti nde woi avorong pet, ar ang lazi d’igi ang lan an yam tcho manda pet na. Gola! An nga ni zam tan ngola, an nga ni fe ndaka kurun krovo.

Ezekiyel 29:6

Ezipte-na pet a mba wala an ni Ma didina. Israel-lâ a deng tazi ni kangû, wani angî d’igi tchereu ma amangeîna na.

Ezekiyel 35:5

Kayam ndak nga d’i i ki d’ugur maka avogovogo, kayam ndak tchi Israel-lâ ki mbigeu d’a fiyaka kur bur ma azi nga kur ndaka ata yima tcho mazid’a ti oî tchetchepma,

Joel 3:8

An mba ni guzugi grogi suma andjofâ ki grogi suma aropma woi abo suma Juda-na. Azi mba hulong guzuzi woi abo suma Sabe suma sä deina mi. Wana ni zla d’a Ma didina mi data.

Mise 4:11

Ki tchetchemba, andjaf suma ablaud’a a tok wa kagi á durâ, a nga dala: Ar azì mazi ma ngolâ mi b’lak keyo, ei golei b’laka hi Jerusalem-mba.

Mise 7:10

Ang mami ma djangû ma dami ala: Ma didina Alo magina mi nga ni lara ge na, ang mba we, ang mba mbut zulona. Ami mba somi irami kang ata yima a mba mired’eng kä d’igi suma a miret lubuna kä ir palumba na na.

Nahum 1:8

Wani mba mi b’lak azí ma ngol máma woi kabil ma nga mi sulul lei huhubupma, mba mi dik mam suma djangûna gak mi tchuguzi kur nduvunda.

Habakuk 2:16

Wani ang tang zulona mba mi lang kal subura. Ang tang tchë, ar gandilad’a. Ma didina mba mi gad’ang kayî mama, subur manga mba d’i mbut zulona.

Sofoni 2:8

Ma didina mi dala: An hum ngula hi suma Mowap-ma ki lasa hi suma Amon-nid’a ata yima azi nga mbut sum mana zulonina a hle yazi akulo a kal kur leu mazid’a mi na.

Zakari 1:14

Malaika ma nga mi dan zlad’ina mi dan ala: Ang er ad’ung akulo, ang tchi wala ala: Ma didin ma ad’engêm kal petna mi dala: An nga ki hur ma hat ma ngolâ yam Jerusalem ki Siyon.

Zakari 1:15

Wani hurun mi zal ngola yam andjaf suma a nga subur tazina, kayam an hurun mi zalî hina nde ganang yam Israel-lâ, wani azi lazi tchod’a ngola.

Zakari 12:2

Gola! An nga ni mbut Jerusalem ni kop ma süm ma gurut suma yam suma a nguyutna pet. A mba le ki Juda ni hina ata yima a ngui Jerusalem kä na mi.

Zakari 14:2

Ma didina mba mi tok andjaf suma á dur Jerusalem. A mba hlazì ma ngolâ, a mba hurum azina, a mba b’lak aropma, abo azì ma ngolâ suma kuruma a mba yozi magomba. Wani suma a arâ a mba dap pei kur azì ma ngolâ d’i.

Zakari 2:12

Ambas sa Juda-d’a mba d’i mbut ni vana hi Ma didinina yam ambas sa mam tinit irat vata. Jerusalem mba d’i mbut nazì ma ngol ma mam manama.

Zakari 2:8

Ma didin ma ad’engêm kal pet ma ganï sundina, mi de zla d’a ndaka yam andjaf suma a hurumugina ala: Sama lara ma dogina mi don ni iran nda aduka.

Gat ta a hat á mbàd’id’a 30:7

Vun ma ge ma an b’irigizi wana pet, Ma didina mba mi hulongôm yam magi suma djangûna, yam suma a mba noyôgina, yam suma a mba djobogi vunagina mi.

Vama ndum mbeina 13:10

Wani sama a ngam yam dangeinina, mba mi i kur dangeina; sama a ngam á tchid’a ki mbigeu d’a fiyakina, a mba tchum ki mi. Wana ni ve tad’a hi suma hAlona suma a he gagazid’ina.

1 Samuel 17:53

Israel-lâ a ar bei dik Filistê-na, a hulongî kur kangâ hi Filistê-na, a hurum ahle mazina.