Jeremi 3:7 - Bible azumeina

⁷ An de tan ala: Bugol la a lahle ndazinid’a, a mba hulongî gevenu. Wani azi hulongî nga geven ndi. B’oziyozi suma Juda suma bei d’engzengâ a we mi.

Jeremi 3:7 Kruisverwysings

2 Sunda Hamuleinid’a 17:4

Wani mi halî Alona habum ngolona, mi tit ni yam vun mam ma hed’a, mi le nga sun nda Israel suma abo ma norâ a lata d’i.

Jeremi 12:1

Jeremi mi dala: Ma didina, angî Ma d’ingêr ma kal teglesâ. An ndak nga á le sariyad’a ki sed’eng ngi. Wani an min djobong yam sariya mang nga kad’a ala: Ni kayam me ba, suma asa’atna a nga fe djivid’a ge? Ni kayam me ba, suma mbut ira a nga kaka ki halasa ge?

Jeremi 33:24

Ang nga hum zla d’a sum ndazina a nga data ko zu? A nga dala: Ma didina mi ar wa Israel ki Juda andjaf ma mbà ma mam manama woyo. Ni kayam ndata ba, a gol sum mana is, a golozi ni d’igi andjafâ d’uo na iraziya.

Jeremi 5:11

Ma didina mi de kua ala: Israel-lâ ki suma Juda-na a mbud’un iran ngola.

Ezekiyel 16:46

Wiyek ka ngol la nga kaka yam bigak ka gulad’id’a ni Samari ki grot suma aropma. Wiyek ka gor ra nga kaka yam bigak ka ndjufid’a ni Sodom ki grot suma aropma mi.

Ezekiyel 16:47

Ndak tit nga ni kur lovot mazid’a kur sun mazi d’a ndjendjed’a hina go d’i. Kayam tcho mazid’a ni vama akid’eina iragu! Wani ndak le tchod’a ngola kalazi azi d’ö!

Wana ni mbaktumba hi Oze-d’a 11:7

Sum mana a so tazi á wal tazi woi ki sed’enu, a nga yazi ala a mbut irazi yam an ma sä akulo ma kal teglesâ pî, sama adigazi ma hle tam hina b’ene’â nga d’i.

Wana ni mbaktumba hi Oze-d’a 14:1

Agi Israel-lâ, agi hulongôgï gen Ma didina Alo magina, kayam agi pugugi kä yam tcho magid’a.

Amos 4:8

Azì ma nglona mbà d’oze hindi a i kur azì ma dingâ á tche mbina, wani nga mi vazi lau d’i. Hina pet pî, agi hulongôgï nga geven ndi. An Ma didina ni de na.

Malatchi 2:11

Suma Juda-na a mbut suma mbut ira, a mbut ambas sa Israel-la kazì ma Jerusalem-ma ndjendjed’a, kayam a mbut vama a tinim iram vam mi Ma didinina ndjendjed’a, nala, gong nga hurum vata, kayam a vik arop suma a nga kud’or alona handjaf suma dingîna.