Jeremi 3:3 - Bible azumeina

³ Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Jeremi 3:3 Kruisverwysings

Ad’u Tinda 19:34

Wani tcha ndjivinda, d’a ngola ti de d’a gora ala: Ndak gola! An bur kama andjege ki Iba; ei hum süm ma ayîna ini andjege kua, ndak i bur ki sed’em mi, kayam ei djogom andjavamu.

Nehemi 9:17

Azi noî á ge yazi kä avorongû, a mar rei yam ahle suma djivi suma ang nga lazi kazina, a le yam mba ad’enga, kur so vun mazina a man sana avorozi tu á hulong kur magom mazid’a. Wani ang Alo ma nga vat hurung ngei atogo za’â, ma sumad’a ma we hohowa sumina, ma hurung nga zal atogo zak kuo na, ma djivi ma kal teglesâ, ang arazi nga woi d’i.

Zla d’a d’ogolâ 21:29

Sama asa’atna mi d’uzî iram ba ba, wani sama d’ingêrâ mi tcholî kur lovot mamba ngingring.

Isai 5:6

An mba ni arat ti b’lak keyo, sa mba mi tchawat abot tei d’i, sa mba mi lat barat tuo mi. Kekerezeuna kaweid’a a mba deî adigad’u. An mba ni he vuna mi d’ugula ar ti salona kat ti.

Jeremi 14:1

Wana ni zla d’a Ma didina mi dat mi Jeremi yam baktarad’id’a. Mi dum ala:

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

Jeremi 14:3

Suma nglona a nga sun azungeî mazina á gul mbina. Azi i kur golongeîna, a nga fe mbina d’i, a nga hulong kagolongeî mazina huruzi hawa, a mbut zulona, a mang ngeyo, a tchok yazi kä abo zulona.

Jeremi 14:4

Andagad’a ti wak ngongok, kayam alona nga mi se yam ambasa d’i. Suma zuma a mbut zulona, a tchok yazi kä abo zulona.

Jeremi 36:2

Ang hle mbaktum mba d’ut ta hawad’a, ang b’ir zla d’a pet ta an dangzi adjeu yam Israel-lâ yam suma Juda-na yam andjafâ pet tinï ad’ud’a kur bur ma an dang zlad’a kur atchogoid’a hi Josiyas-sa dei gak inid’a.

Jeremi 5:24

A nga de kuruzi hina ala: Ar ei lei mandara Alo mei ma nga mi sei alo ma avo’â ki ma danana ata yama ma nga mi ngomei bur ma mi ngam á dutina d’i.

Jeremi 5:25

Ni yam tchila magid’a ba, ahlena a mbut avorogi tchod’a wana; ni yam tcho magid’a ba, agi kid’agagi woi ata ahle suma djivi ndazina mi.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Jeremi 8:12

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a puk kä na, a mba ka azlard’eid’a ata yima an mba ni mba á ngobozina.

Jeremi 9:12

Sama ne ma mi wäd’u ahle ndazina ni nge ge? Sama Ma didina mi dum zlad’ina, ar mi de woi mi vad’ud’a kayam me ambasa ti b’lak keyo, kayam me ti ngal lei d’igi hur ful ma sa nga mi kal kua d’uo na na!

Ezekiyel 3:7

Wani Israel-lâ a min humung ngi, kayam azi min humun nduo mi, kayam Israel-lâ pet ni suma yam mba ad’enga, ni suma huruzi b’ala kiki na.

Sunda hi suma hi Levi-nid’a 26:19

Kur ad’eng magi d’a agi nga suburugi ki tagid’a, an mba ni hulongôgi yagi kä, an mba ni b’al alona akulo kagi kiki; andaga magid’a mba d’i sira ad’enga kiki mi.

Amos 4:7

An d’elegi alo ma sed’a gak tilâ hindi tua ba, til ma duta ndaga. An se alona yam azì ma ngol ma dingâ, ni ar azì ma ngol ma dingâ hawa. An salona yam asine ma dingâ, ni ar bei salona yam asine ma dingâ mi so woyo.

Amos 4:8

Azì ma nglona mbà d’oze hindi a i kur azì ma dingâ á tche mbina, wani nga mi vazi lau d’i. Hina pet pî, agi hulongôgï nga geven ndi. An Ma didina ni de na.

Sofoni 2:1

Agi andjaf ma bei zulona ba na, agi togogiya, agi togogi tagi

Sofoni 3:5

Ma didina nga mi le sun nda d’ingêra kurumu, nga mi le vama tcho d’i, yorogo d’a lara ge pî nga mi nde ka sariya mamba woi pid’agi, nga mi hel li. Hina pet pî, suma mbut ira zulona nga mi lazi d’i.

Wana ni mbaktumba hi Aze-d’a 1:11

Ni hina ba, an mba ki baktarad’a yam ambasa, yam ahuniyôna, yam asine ma awuna, yam ma guguzlud’a, yam ma olifâ, yam ahle suma a nga vut yam andagad’ina, yam suma, yam d’uwarâ, yam sun nda lara ge pet ta suma a nga lat kabozid’a mi.

Gat ta a hat á mbàd’id’a 28:23

Akulod’a mba d’i mbut ad’enga kagi ni d’igi kawei ma hleuna na, andagad’a mba d’i mbut ad’enga asegi kä ni d’igi kaweina na mi.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?