Jeremi 3:12 - Bible azumeina

¹² Ang i de woi yam zla ndata ki deleng akulo abo ma norâ ala: Ma didina mi dala: Agi Israel suma tchagi tatana, agi hulongôgïya. An mba ni d’us iran atagi d’i, kayam an ni sama od’a, an mba ni vagi kurun baba d’i. An Ma didina ni de na.

Jeremi 3:12 Kruisverwysings

Ad’u Tinda 4:7

Ang le le djivid’a ni, ang mba te kad’u; le ang le djivid’a d’uo ni, tchod’a ti nga grifa kä avun agrek mangâ; ti min á te kangû, wani mbeî ang te kad’u.

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.

2 Amuleina 17:23

Kayam ndata, Ma didina mi digizi woi dei avoromu, mi izi magomba yam andaga d’a Asiri-d’a gak ini d’igi Ma didina mi de woi avun azungeî mam suma djok vuna pet na.

2 Amuleina 17:6

Kur biza d’a zlengâ d’a Ose nga mi tamulid’a, amul ma Asiri-na mi hlazì ma ngol ma Samari-na, mi yo Israel suma kurâ mi izi magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

2 Amuleina 18:1

Kur biza d’a hindi d’a Ose Ela goroma amul ma Israel-lâ nga mi tamulid’a, Ezekiyas Ahas goroma mi kak amula yam suma Juda-na.

2 Sunda Hamuleinid’a 29:10

Ki tchetchemba, an nga ki djib’era kurun krovo á djin vunan ki Ma didina Alona hi Israel-lîna, kayambala kur ayî mam ma bibiliuna ar hurum b’leng ngei keya d’a.

2 Sunda Hamuleinid’a 30:9

Le agi hulongôgï gen Ma didina ni, b’oziyogina ki grogi suma a yozi magombina a mba wazi hohowoziya, a mba hulongî kur ambas sa wanda. Kayam Ma didina Alo magina ni ma sumad’a, ni ma we hohou sumina. Le agi hulongôgi gevemu ni, mam mba mi hagi azigam mbi.

Sawal la giled’a 103:17

Wani od’a hi Ma didinid’a ti nga ni yam suma a nga ringîm mandarama hina gak didin; d’ingêr mamba ti nga yam grozina ki grozi ngolona,

Sawal la giled’a 103:8

Ma didina ni ma mi we hohowa sumina, ni ma sumad’a, ni ma hurum nga mi zal atogo d’uo na, ni ma nga oîd’a ki o mam mba didindina mi.

Sawal la giled’a 103:9

Ni ma nga mi ngop teteu d’uo na, ni ma nga mi ve sa kurum ki iram fafat tuo na mi.

Sawal la giled’a 145:8

Ma didina, angî ma sumad’a, angî ma we hohowa sumina; hurung nga mi zal atogo d’i, wani angî ma o manga nga d’i dap puo na mi.

Sawal la giled’a 79:5

Ma didina, ang hurung mba zal kami hina gagak mindja ge? Ang hurung mba zal kami ni d’igi akud’a ti ngal yina na zu?

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Zla d’a d’ogolâ 28:13

Sama mi ngei yam tcho mamba kä na, nga mi fe djivid’a d’i, wani sama mi de tcho mamba woi mi arat tei mi na, a mba wum hohowomu.

Isai 31:6

Agi Israel-lâ, agi hulongôgï gen ma agi aram mbei ki iragi fafatna.

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Jeremi 11:6

Ma didina mi dan kua ala: Ang i de zla ndata ki deleng akulo kur azì ma nglo ma Juda-na ki ir palum mba Jerusalem-mba pet ala: Agi humugi zlad’a hi vun ma djin ma wanid’a, agi tid’igi kat mi.

Jeremi 12:15

Bugol la an yozi woid’a, an mba ni wazi hohowoziya. Nge nge pî adigazi an mba ni hulongôm yam andaga mam mba a humzi djonid’a, nge nge pî kur ambas mamba mi.

Jeremi 23:8

Wani mba mi gun tam ala: An gun tan ki Ma didin ma bei matna ma mi hulong mi yoï andjafâ hi Israel-lâ woi kur ambas sa abo ma norîd’a kur ambas sa lara ge pet ta mam ndjoyôzi woi kuad’a tala a kak kur ambas mazid’a na.

Jeremi 3:1

Ma didina mi dala: Agi danu! Na ni atcha d’a ndjuvut mi digit tei d’a ti ve mandjuf ma dingîd’a, ndjuvut ma avo’â mi hulong vat tei zu? Ambas sa wanda mba d’i mbut ni ndjendjed’a ki irat fafat tuo zu? Wani agi mbud’ugi tagi gaulangâ ki suma ablaud’a. Agi min ala an hulong an vagi d’ei zu?

Jeremi 3:14

Ma didina mi dala: Agi gro suma tchagi tatana, agi hulongôgïya, kayam an ni ma ngol magina. An mba ni yogiya, ni hle tu kur azì ma ngolâ, ni yo mbà ad’u andjaf ma tuna á i ki sed’egi Siyon.

Jeremi 3:18

Kur bur máma suma Juda-na ki Israel-lâ a mba zlap tu. Azi djak a mba tcholï yam ambas sa abo ma norîd’a á i yam ambas sa an hat mabuyozi ngolo djonid’a.

Jeremi 3:22

Agi suma bei hum vuna, agi hulongôgïya, an mba ni sud’ugi woi kur tcha tata magid’a. Israel-lâ a hulong dum ala: Ami nga imiza gevengû, kayam angî Ma didina Alo mamina.

Jeremi 3:5

Agi nga dagi tagi ala: Mam mba mi zal hurum kei hina baba zu? Mam mba mi vei kurum hina baba mi zu? Wana ni zla d’a agi nga data. Wan pî agi nga lagi tchod’a, agi nga igi avogovok á lagi min magid’a.

Jeremi 3:7

An de tan ala: Bugol la a lahle ndazinid’a, a mba hulongî gevenu. Wani azi hulongî nga geven ndi. B’oziyozi suma Juda suma bei d’engzengâ a we mi.

Jeremi 30:11

Ma didina mi de kua ala: An nga ki sed’egi á sud’ugiya, an mba ni dap andjaf ma lara ma an ndjoyôgi woi adigama woi pet, wani agiya, an mba ni dabagi woi d’i. An mba ni aragi hawa bei ngopa d’i, wani an mba ni ngobogi ni ki lovod’od’u.

Jeremi 31:20

Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Jeremi 31:21

Ma didina mi dala: Ndak gor wei d’a Israel-la, ndak pe vama tak lovota, ndak pagu ma tak lovota, Ndak djib’er yam lovot maka, yam lovot ta lara d’a ndak tit kua adjeud’a. Ndak hulongîya, ndak hulongî kur azì mak ma nglona.

Jeremi 31:8

Gola! An nga ni hulongî ki sed’ezi abo ma norâ, an mba ni togozi avun dabid’a handagad’id’a. Suma duka ki suma dileîd’a, arop suma wirâ ki suma huruzi nga tazi á vutina, ki zla tazi pet a mba tok tok ka ngola ka hî.

Jeremi 33:26

ata yi máma an mba ni gandjafâ hi Jakob-ma ki ma hazong mana David-na woyo, an mba ni hle sa ad’u andjavam aduk suma a mba te yam andjafâ hi Abraham-ma yam andjafâ hi Isa’â yam ma hi Jakob-ma d’uo mi. Kayam an mba ni hulongî ki mazi suma a yozi magombina avo, an mba ni wazi hohowozi mi.

Jeremi 4:1

Ma didina mi de kua ala: Agi Israel-lâ, le agi min hulongôgi gevenu, le agi hulongôgiya, le agi yogi tcho magi d’a ndjendjed’a woi avoronu ni, agi mba tchagi ta abo hî agi mba tchagi ta abo hî d’uo d’a.

Hor ma tchina 3:22

Djivi d’a tetenga hi Ma didinid’a nga d’i dap pi, we hohou mamba ti dap nga d’uo tua mi.

Ezekiyel 11:17

Ni kayam ndata ba, ang i dazi ala: Salad’a Ma didina mi dala: An mba ni togogï aduk suma, an mba ni yogï kur ambas sa an ndjoyôgi woi kuad’a, an mba ni hagi andagad’a hi Israel-lîd’a.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Ezekiyel 39:25

Gola! An Salad’a Ma didina ni dala: Ki tchetchemba, an mba ni hulong suma hi Jakob suma a yozi magombina avo, an mba ni we hohowa Israel-lâ pet, an mba ni ngom simiyên Ma bei tchod’a ba na djivid’a mi.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Sunda hi suma hi Levi-nid’a 26:40

Ma didina mi de kua ala: Bugol ahle ndazina, azi mba de woi yam tcho mazid’a ki d’a habuyozi ngolod’a ki tchila mazi d’a azi tchilat avoronda ki so vun mazi ma azi son vunana,

Zakari 1:4

Ar agi lagi d’igi abuyogi ngolo suma adjeuna na d’i. Suma djok vuna a dazi ala: Ma didin ma ad’engêm kal petna mi dala: Agi hulongôgï woi kur sun magi d’a tchod’a, kur tit magi d’a ata yat tuo d’a. Wani azi hum nga d’i, a djib’er nga yam zla d’a an Ma didina ni data d’uo mi.

Gat ta a hat á mbàd’id’a 30:2

Ata yi máma le agi ki grogina gagi yagi kä avok Ma didina Alo magina ki hur ma tuna ki tagi pet d’igi vun ma he ma an hagizi ini na na ni,