Jeremi 3:10 - Bible azumeina

¹⁰ Hina pet pî, b’oziyozi suma Juda suma bei d’engzengâ a hulongî nga geven ki hur ma tuna d’i. An Ma didina ni de na.

Jeremi 3:10 Kruisverwysings

2 Sunda Hamuleinid’a 34:33

Josiyas mi b’lak sun nda ndjendje d’a kur ambasa hi Israel-lîd’a woi pet, mi tin Israel-lâ pet á kud’or Ma didina Alo mazina. Ata yima mam nga ki irama, Israel-lâ a wal nga woi ki Ma didina Alona habuyozi ngolona d’i.

Sawal la giled’a 18:44

Ang prud’un ndei abo suma a tchol huneîd’a ki sed’ena, ang tinin yam andjaf suma; andjaf suma an wazi nga d’uo na a lan sunda.

Sawal la giled’a 66:3

Agi dagi mAlona ala: Sun manga ni sun nda ndandala. Yam ad’eng manga, mang suma djangûna a hulong yazi kä avorongû.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Isai 31:6

Agi Israel-lâ, agi hulongôgï gen ma agi aram mbei ki iragi fafatna.

Jeremi 11:10

A hulong wa yam tchod’a habuyozi ngolo d’a avok ka a min humun zla manda d’uo d’a, a zlap wa kalo ma dingâ á kud’uromu. Israel-lâ ki suma Juda-na a but wa vun man ma djin ma an djinim kabuyozi ngolona woyo.

Jeremi 12:2

Ang pazi ni angû. Sideyezi nga mi sir kä, a nga wula, a nga vud’a, a nga yang simiyêng ki vunazi burâ ki burâ, wani huruzi woi dei ki sed’engû.

Jeremi 9:1

Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.

Wana ni mbaktumba hi Oze-d’a 7:14

Ata yima azi nga yana, a nga yan ki hur ma tuna d’i, wani azi nga tchi kur azang mazina, azi nga ze tazi d’igi suma bei wanina na á fe gemena, á fe guguzlud’a mi. wani azi nga son vunanu.

Amos 4:9

An kak awu magina himbirâ, an som mbei, an tchum mogod’a, an b’lagagi asinegi ma guguzlud’a ki tulumei magina kagu olif magina woi ki djera. Hina pet pî, agi hulongôgï nga geven ndi. An Ma didina ni de na.

Malatchi 2:11

Suma Juda-na a mbut suma mbut ira, a mbut ambas sa Israel-la kazì ma Jerusalem-ma ndjendjed’a, kayam a mbut vama a tinim iram vam mi Ma didinina ndjendjed’a, nala, gong nga hurum vata, kayam a vik arop suma a nga kud’or alona handjaf suma dingîna.