Jeremi 29:26 - Bible azumeina

²⁶ Ma didina mi tining ma ngat buzuna balum Jehojada ma ngat buzuna, ni kayambala ang tin irang kur gong nga kud’ora hi Ma didinid’a yam sama lara ma mi kaï guruta mi yi tam ala mam mi ma djok vun Alona na, ang gum aleina asemu, ang tchugum erdje ma kaweina kelem mi d’a.

Jeremi 29:26 Kruisverwysings

2 Amuleina 11:15

Jehojada mi dala: A tchat kur gong nga kud’ora hi Ma didinid’a d’i. Kayam ndata, mi he vuna mi azigar suma nglo suma a he vuna mi azigarîna ala: Agi ndattcha woi abu adigagi kur ndjar magid’a. Le sa mi ge tam ad’ud’u ni, agi tchumu!

2 Amuleina 11:18

Ata yi máma suma kur ambasina pet a tchuk kur gong nga kud’ora halo ma a yum ala Bäl-lîd’a, a pleyêt teyo, a to yima teteng ma ngal ahle suma ngat buzuna ki filei mazi ma teteng ma nga tchola kuana woi kakaf. A tchi Matan ma ngat buzuna hi Bäl-lâ kä woi avok yima ngal ahle suma ngat buzuna mi. Bugola, Jehojada mi tin suma nglona á ngom gong nga kud’ora hi Ma didinid’a.

2 Amuleina 9:11

Jehu mi ndabua, mi hulong gen ndrom azigar suma nglona hamulîna. Azi djobom ala: Nana ge? Ma lili máma mi mba geveng nana ge? Jehu mi hulong dazi ala: Mi mba ni hawa ko. Agi wagi ma djok vun máma ki zla mam mba ded’a tetet.

2 Sunda Hamuleinid’a 16:10

Asa hurum zal yam ma djok vun máma, mi gum dangeina, kayam hurum mi zal yam zla d’a ma djok vuna mi dumzid’a. Kur biza ndata, Asa mi nde djop vun suma dingâ aduk suma mi.

2 Sunda Hamuleinid’a 18:26

Agi i dazi ala: Amulâ mi he vuna ala: Agi gagi sama wana dangeina, agi hum tena ngol luo mi na, agi hum mbina ngol luo mi, gak an hulongî avo ki halasa tua.

Jeremi 29:27

Ki tchetchemba, ni kayam me ba, ang ar Jeremi ma Anatot ma mi yi tam ala mam mi ma djok vun magina na, bei ngopa ge?

Jeremi 38:28

Jeremi mi ar kaka kur gulumuna hi suma a ngom yinina gak bur ma a hle Jerusalem-ma.

Jeremi 38:6

Ata yi máma sum ndazina a ve Jeremi, a gum kur golong nga adjeud’a hi Malkiya amulâ goroma d’a nga kur gulumuna hi suma ngom yinid’a, a sirim kä ki ziyona. Mbina mi nga kur golong ndata d’i, wani dorbopma nga kuru. Jeremi mi rot kä aduk dorbopma.

Wana ni mbaktumba hi Oze-d’a 9:7

Bur ma Ma didina mba mi mba á ngobogina nga mi djïya. Gagazi, bur ma hlatchugula nga mi djïya. Agi Israel-lâ, agi mba wagiziya. Agi nga dagi ala: Ma djok vun Alona mi ni lilid’a, sama Muzu’â nga mi zud’uma ni sama yam nga d’uo na. Tcho magi d’a bei dap ndumba ki murud’um magid’a a kal ngola heî.

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Matiye 21:23

Ata yi máma, Jesus mi kal kur gong nga kud’ora Alonid’a, nde mi hat suma. Nglo suma ngat buzuna azi ki suma nglona hi Juif-fîna a mba, a djobom ala: Ni kad’eng nga lara ba, ang le kahle ndazina hina ge? Sama mi hang ad’eng ndata ni nge ba, ang nga le kahle ndazina hina ge?

Marik 3:21

Kid’a simiyêm a hum zla ndatid’a, azi buzuk a iza á vum mbeyo, kayam azi dala: Yam mbut wa da’.

Jean 10:20

Suma ablaud’a adigazi a dala: Mi nga ki muzuk ma tchona kurumu, mi gurut ni gurud’a. Ni kayam me ba, agi humugizi ge?

Jean 10:33

Juif-fâ a hulong dum ala: Ni yam sun nda djivid’a ba, ami min durung kahinad’a d’i, wani kayamba ang nga las Alonid’a. Ang tang ma ala ni sana na, ang mbut tang ala angî Alona.

Jean 8:53

Ang kal abumi Abraham ma mitna ki ngola zu? Suma djok vun Alona a bo woi mi. Ang mbut tang ala angî nge ge?

Sunda hi suma a sunuzinid’a 16:24

Kid’a mi hum gat mazid’a humba, mi tchuguzi kur gong nga dangei d’a azuta, mi tchuguzi aleina asezi mi.

Sunda hi suma a sunuzinid’a 26:11

An lazi ndaka yan ablaud’a kur gongîyo suma toka hi Juif-fîna pet. An lazi kad’enga á tin vunazi yam he gagazi mazid’a. Hurun zal atazi ngola. An djobozi vunazi gak kur azì ma ngol ma dingâ mi.

Sunda hi suma a sunuzinid’a 26:24

Kid’a Paul nga mi väd’u zla mambid’a, Festus mi de ki delem akulo ala: Paul, angî lilid’a, we mang nga heîd’a ti mbud’ung wa lilid’a.

Sunda hi suma a sunuzinid’a 26:25

Wani Paul mi dum ala: Festus ma djivi ma kal teglesâ, an nga lilid’a d’i, wani an dagi ni zla d’a djivi d’a gagazid’a.

Sunda hi suma a sunuzinid’a 4:1

Kid’a Pierre azi ki Jean a nga de zlad’a mi suma tua d’a, nglo suma ngat buzuna ki ma ngolâ hi suma ngom gong nga kud’ora hAlonid’ina zlapa ki Sadusiyêna a mba ataziya.

Sunda hi suma a sunuzinid’a 5:18

Azi yo suma a sunuzina, a tchuguzi dangeina.

Sunda hi suma a sunuzinid’a 5:24

Ata yima azi hum zla ndatina, ma ngolâ hi suma a ngom gong nga kud’ora hAlonid’ina ki nglo suma ngat buzuna a nde tcha tata yam b’raud’a hi suma a sunuzinid’a. A nga djop tazi ala: Zla ndata mba d’i le ni nana ge?

2 Korente-na 11:33

Wani suma a sirin kä ir gulumuna ki gagalagad’a. Ni hina ba, an sut ki tan abomu.

Vama ndum mbeina 2:10

Ang le mandar abo ndak ka ang mba fata d’i. Gola! Diable nga mi mba, mba mi kugugiya, mba mi tchuk suma dingâ ablaud’a adigagi dangeina; agi mba fagi ndaka burâ dogo. Ar ang kak sama d’engzengâ gak matna; an mba ni hang avaval la bei b’laka ba d’a.