Jeremi 29:14 - Bible azumeina

¹⁴ Ma didina mi dala: An mba ni tak tan ndei iragiya, an mba ni buzugugï woi kur magomba, an mba ni togogi woi aduk andjaf suma pet ata yima lara ma an ndjoyôgi woi kuana, an mba ni hulongôgï ka hî ata yima an yogi ni igi magomba woi kuana. An Ma didina ni de na.

Jeremi 29:14 Kruisverwysings

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

Sawal la giled’a 126:1

Ni sawal la suma a djak Jerusalem á lü vun tilîna a hlata. Kid’a Ma didina mi hulongî mam suma a yozi magombina avo Siyon-nda, ami djib’eremi ni d’igi adïd’a dami ni ndat na!

Sawal la giled’a 126:4

Ma didina, ar ang hulongî ki mami suma a yozi magombina d’igi mbiyo ma mi djang abo ma sutnina na.

Sawal la giled’a 32:6

Kayam ndata, ar suma d’engzengâ pet a tcheneng ata yima azi nga ki irazi tua na. Le ndak ka ngola kus kazi d’igi mbina mi kus hina pî, mba d’i fazi d’i.

Sawal la giled’a 46:1

Ni sawal la Kore groma a hlat a hat mi ma ngolâ hi suma hle sawalina.

Isai 14:1

Ma didina mba mi we hohowa andjafâ hi Jakob-ma, mba mi man suma hi Israel-lâ kua, mba mi hulong tinizi kur andaga mazid’a. Andjaf ma dingâ mba mi zlap ki sed’eziya, mba mi zlap ki suma hi Jakob-ma.

Isai 43:5

Agi lagi mandara va d’i, kayam an nga ki sed’egiya. An mba ni yogï andjavagi abo ma yorogona, an mba ni togogï abo ma fladegena mi.

Isai 43:6

An mba ni de mi suma abo ma norâ ala: Agi handjiya! An mba ni de mi suma abo ma sutna ala: Agi d’elezi kä d’i! Agi mbeyegï ki gron suma andjof suma sä deina ki gron suma arop suma sä avun dabid’a handagad’ina mi.

Isai 45:19

An de nga zlad’a kur yima ngeid’a d’oze kur yima nduvunda d’i, an de nga mandjafâ hi Jakob-ma ala a halan hawa yagu d’i. An Ma didina ni de ni zla d’a d’ingêra, ni de ni zla d’a irata mi.

Isai 55:6

Agi halagi Ma didina kid’a mi nga tua d’a; agi yum kid’a mi nga go ki sed’egi tua d’a.

Jeremi 12:15

Bugol la an yozi woid’a, an mba ni wazi hohowoziya. Nge nge pî adigazi an mba ni hulongôm yam andaga mam mba a humzi djonid’a, nge nge pî kur ambas mamba mi.

Jeremi 3:14

Ma didina mi dala: Agi gro suma tchagi tatana, agi hulongôgïya, kayam an ni ma ngol magina. An mba ni yogiya, ni hle tu kur azì ma ngolâ, ni yo mbà ad’u andjaf ma tuna á i ki sed’egi Siyon.

Jeremi 30:10

Ma didina mi dala: Agi suma hi Jakob-ma, azungeî mana, agi lagi mandar ri. Agi suma hi Israel-lîna, agi zlagagi d’i! Gola! An mba ni sud’ugï woi kur andaga d’a deid’a, an mba ni sut andjavagi woi kur ambas sa a yozi magomba kuad’a. Agi suma hi Jakob-ma, agi mba hulongôgïya, agi mba kagagi ki halasa ki tchugota bei va mi mbud’ugi mandar ba!

Jeremi 30:18

Ma didina mi dala: Gola! An nga ni hulongî agi suma hi Jakob-ma woi kur magomba, an nga ni we hohowa yi magi ma kaka. Azì ma ngolâ a mba minim ata blangâm ma b’lak keina, azì ma amula a mba minim ata blangâm ma adjeuna mi.

Jeremi 30:3

An Ma didina nga ni dangû, burâ nga mi mba, ni bur ma an mba ni hulongî man suma Israel-lâ ki man suma Juda-na woi kur magombina, an mba ni hulong ni mbazi ka hî yam ambas sa an hat mabuyozi ngolod’a, azi mba kak kat kua.

Jeremi 31:16

Wani Ma didina mi de kua ala: Ndak ba tchina, ndak set simina irak keyo. Kayam an nga ni wuragak yam sun maka. An Ma didina ni de na. Gro’â a mba tcholï avo hi mazi suma djangûna, a mba mba.

Jeremi 31:17

Ma didina mi de kua ala: Hur ma tinda mi nga yam andjavagu; gro’â a mba mba yam ambas mazid’a.

Jeremi 31:23

Ma didin ma ad’engêm kal petna, Alona hi Israel-lîna, mi dala: Fata an hulongôzï woi kur magombid’a, a mba de yam ambas sa Juda-d’a kazì mat ma nglona ala: Yima kak ma d’ingêrâ, ahina d’a a tinit irat vata, ar Ma didina mi b’e vunam kagu!

Jeremi 51:10

Ma didina mi ndeï ad’u d’ingêr meid’a woi abu da’. Mbeyegïya, ei i vei ad’ud’a woi yam sunda hi Ma didina Alo meinid’a kur Siyon.

Jeremi 8:3

Andjaf suma a mba ar aduk andjaf suma asa’at suma an mba ni ndjoyôzi woi ata yima lara ge petna, a mba dala azi bo pî ni hotei kal la azi kak ki irazi d’a. An Ma didin ma ad’engên kal petna ni de na.

Ezekiyel 37:21

Ang mba dazi ala: Salad’a Ma didina mi dagi ala: Agi golonu! An mba ni prut Israel-lâ pet suma a nga kaka aduk andjaf suma ata yima azi i kuana woyo, an mba ni togozï woi ata yima lara ge pet, an mba ni hulongôzï yam andaga mazid’a.

Ezekiyel 39:25

Gola! An Salad’a Ma didina ni dala: Ki tchetchemba, an mba ni hulong suma hi Jakob suma a yozi magombina avo, an mba ni we hohowa Israel-lâ pet, an mba ni ngom simiyên Ma bei tchod’a ba na djivid’a mi.

Amos 9:14

An mba ni hulongî man suma Israel-lâ woi kur magomba. A mba min azì ma nglo ma b’lak keina akulo, a mba kak kuru, a mba pe guguzlud’a, a mba tchat sümud’u, a mba zum asinena, a mba tum awu máma mi.

Mise 4:12

Wani azi we nga djib’era hi Ma didinid’a d’i, a we nga nga hur mama d’uo mi. A we nga d’ala mi togoziya wa d’igi sana mi tok mbugulud’a kä ambid’ak na d’a d’i.

Sofoni 3:20

An Ma didina nga ni dagi kua: Kur atchogoi ndata an mba ni hulongôgïya, natchogoi d’a an mba ni togogi kuad’a, kayam an mba ni mbud’ugi ni vama simiyêm yina ki vama giled’a aduk andjaf suma pet suma yam andagad’ina fata an hulongî magi suma a yozi magombina kä iragid’a.

Romê-na 10:20

Isai mi de zlad’a bei mandarâ ba ala: Alona mi dala: Suma a halan nduo na a fanu. An nde tan ndei ir suma a djobon nga zlan nduo na mi.

Gat ta a hat á mbàd’id’a 30:1

Moise mi de kua ala: Wani ahlena pet suma an tinigizi avorogi wana, nala, vun ma b’ed’a ki vun ma ged’a a mba ndaga, wani fata Ma didina mba mi ndjoyôgi woi yam ambasa handjaf suma dingâ vivrenga, agi mba djib’eregi yam ahle ndazina.

Gat ta a hat á mbàd’id’a 30:3

ata yi máma Ma didina mba mi wagi hohowogiya, mba mi yogï woi kur magomba, mba mi togogï kur ambas sa lara d’a mam mba mi ndjoyôgi woi kura.

Gat ta a hat á mbàd’id’a 30:5

Ma didina Alo magina mba mi mbagi yam ambasa habuyogi ngolod’a; agi mba hlad’u. Ma didina mba mi lagi djivid’a, mba mi zulugi kal abuyogi ngolo mi.

Gat ta a hat á mbàd’id’a 4:7

Nandjaf ma ngol ma lara ma nga kalona go ki sed’em d’igi Ma didina mi nga ki sed’ei ata yima lara ma ei nga yuma na ge?