Jeremi 28:4 - Bible azumeina

⁴ Ma didina mi de kua ala: An mba ni hulongî Jekoniya Jojakim goroma amul ma Juda-na ki suma pet suma a yozi ka hî avo Juda a i ki sed’ezi Babilon-na ka hî, kayam an nga ni kus dju’â hamul ma Babilon-nina woyo.

Jeremi 28:4 Kruisverwysings

Ad’u Tinda 27:40

Ang mba te vunangî ki mbigeu mang nga fiyaka, ang mba le ni sunda mi wiyengâ, wani ata yima ang mba iya abo hî yang ngei vangâ, ang mba kus djuk mama woi kelengû.

2 Amuleina 24:14

Mi yo suma avo Jerusalem-ma magomba, nala, suma nglo suma sunda pet ki suma gangrangâ pet ablawazi ni 10.000 zlapa ki suma d’alâ ki suma tchafa, mi arî suma hohou mazid’a kal lei ndena hol.

Isai 9:4

Kayam atuguru ma lara ma mazi suma djangûna a tchugum azezi á dur ayînina, ki baru d’a nglo d’a tib’ak ki buzunid’a pet, a mba tchuguzi aduk akud’a á ngalazi woyo.

Jeremi 13:19

Kayam azì ma nglo ma abo ma sutna a dugum wa vunam akulo, sama malam mbeina mi nga d’i, kayam suma Juda-na pet a yoziya, a yozi wa magomba ki zla tazi pet.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Jeremi 22:10

Agi suma Juda-na, agi tchigi yam sama mitna d’i, agi yorogi tagi kam mbuo mi, wani agi tchigi ni yam sama mi i yinina, kayam nga mi hulongî d’i, mba mi hulong á we ambas sa a vud’um kura d’uo d’a.

Jeremi 22:24

Ma didina mi dala: Ang i de mi Jekoniya Jojakim goroma amul ma Juda-na ala: An gun tan ki an Ma bei matna ba na. Ang ladjï ni d’igi ngangam ma nga ata abon ma ndjufîna hina pî, an mba ni pad’ang ngeyo.

Jeremi 24:1

Bugol la Nebukanezar amul ma Babilon-na mi yo Jekoniya Jojakim goroma amul ma Juda-na ki suma nglona ki suma d’alâ ki suma tchafa avo Jerusalem mi i ki sed’ezi Babilon-nda, Ma didina mi tagan gogologei suma mbà suma tuluma nga kuruzina. A nga tinda kä avok gong nga kud’ora hi Ma didinid’a.

Jeremi 24:5

Wana ni zla d’a an Ma didina Alona hi Israel-lîna ni data: D’igi ang we tulum ma djivina ki irang na, an mba ni we suma Juda suma an mba ni yozi ni izi sä yam ambas sa Babilon-ndina djivid’a iran na mi.

Jeremi 27:8

Ma didina mi dala: Le andjaf suma ding ngoze leu d’a ding nga suma a min le sunda mi Nebukanezar ruo a min ala a ge djuk ma mi hazizina kelezi d’uo mi ni, an mba ni ngobozi kayî ma durâ ki baktarad’a ki tugud’ei d’a tcho d’a tchi matna, an mba ni humzi abom á dabazi woyo.

Jeremi 28:10

Ata yi máma ma djok vuna Hananiya mi hle dju’â woi kel ma djok vun Alona Jeremi, mi kuzum mbeyo.

Jeremi 28:2

Ma didin ma ad’engêm kal petna, Alona hi Israel-lîna, mi dala: An kus dju’â hamul ma Babilon-nina woyo!

Jeremi 29:1

Wana ni mbaktum mba ma djok vun Alona Jeremi mi b’irit avo Jerusalem mi sunut mi suma nglona, suma ngat buzuna, suma djok vuna ki suma pet suma Nebukanezar mi yozi avo Jerusalem mi izi magomba Babilon-na.

Jeremi 29:2

Mi sun mbaktum ndata ni bugol la amulâ Jekoniya kasum ki suma sunda ki suma nglo suma Juda-na ki suma Jerusalem-ma ki suma d’alâ ki suma tchafa a ar Jerusalem dad’a.

Jeremi 30:8

Ma didin ma ad’engêm kal petna mi dala: Fata yina ndaka, an mba ni kus djuk ma anek ma a gazizi kelezina woyo, an mba ni tchalam ziyom mbei mi. Ata yi máma andjaf ma ding mba mi lazi magomba d’uo d’a.

Sunda hi suma hi Levi-nid’a 26:13

An ni Ma didina Alo magi ma buzugugï woi kur ambas sa Ezipte-d’ina tala agi kagagi magumei mazina d’uo d’a. An kus djuk ma kelegina woyo, an aragi agi tid’igi yagi akulo herengîleng.

Nahum 1:13

Ki tchetchemba, an nga ni kus djuk mazina woi kelegi á tchugugi akulo ad’u ad’enga hi magi suma djangûnid’a, an nga ni tchalagi erdje ma a djinigi ki na woi mi.