Jeremi 27:9 - Bible azumeina

⁹ Ar agi humugi magi suma djok vuna, magi suma a nga de zlad’a yam vama nga mi mbana, magi suma a nga dagi zlad’a hadïd’ina, magi suma a nga dagi zlad’a yam ahle suma akulo kur d’ugulina, d’oze magi suma mbut suma a nga dagi ala: Agi mba lagi sunda mamul ma Babilon-na d’uo na d’i.

Jeremi 27:9 Kruisverwysings

Buzuk ka Abud’a 22:18

Mbeî agi tchagi suma djop fileina woyo.

Buzuk ka Abud’a 7:11

Wani Faron mi yï suma ned’a ki suma mbuta ki suma kuma suma Ezipte-na. A lahle mazi suma mbuta mi.

Zla d’a d’ogolâ 19:27

Gorona, le hat ta ang nga had’ata ti walang ngei dei ki wed’a ni, ang humut ti.

Isai 8:19

Suma hiuna a nga dala: Agi tchenegi suma a nga djop ki suma azuleinina ki suma a nga de zlad’a yam vama nga mi mbana suma a nga kud’us tazi d’oze a de zlad’a kä kuruzi krovona. A de kua ala: Suma a ndak á djop alo mazina d’oze á djop suma azuleina yam suma a nga ki irazina d’uo zu? Le a dagi hina ni,

Jeremi 14:14

Ma didina mi hulong dan ala: Suma djok vun suma a nga djogogi vuna ki simiyên wana a ni suma ka zlad’a. An sunuzi nga d’i, an hazi nga vun ndi, an dazi nga zla d’uo ko. Azi djogogi ni zla d’a ka d’a nde tat irazi woid’a ki zla d’a djopa ki filei ma hawa ya’â ki mbut ir ra kuruzi krovod’a mi.

Jeremi 23:16

Ma didin ma ad’engêm kal petna mi dala: Ar agi humugi zla d’a suma djok vun ndazina a nga djogogizid’a d’i. Azi dagi ni zla d’a hawa yaka, azi dagi ni vama nde tam mbei irazi kur djib’er mazid’ina, nga ni zla d’a ndeï avunan an-nda d’i.

Jeremi 23:25

Ma didina mi dala: An hum zla d’a suma djok vun ndazina a nga djogota. A nga djok vun ma ka zlad’a ala: Adïd’a dan na, adïd’a dan na.

Jeremi 23:32

An nga ni ngop suma djok vun suma a nga djok vun adï d’a ka zlad’a mi suma suma a nga vit sum mana woi ki zla mazi d’a kad’a ki lop ir mazid’ina. Wani an sunuzi nga d’i, ni hazi nga vun ndi, azi ndak á le vama djivi yam sum mana tu d’i. An Ma didina ni de na!

Jeremi 29:8

Ma didin ma ad’engêm kal petna, Alona hi Israel-lîna, mi de kua ala: Ar suma djok vun suma a nga adigagina ki suma a nga de zlad’a yam vama nga mi mbana a vid’igi woi d’i, ar agi tinigi humagi yam suma a nga vagi ad’u adïd’ina d’uo mi.

Ezekiyel 21:29

Ni kayam ndata ba, an Salad’a Ma didina ni dala: Agi nga gan human ki tcho magid’a á ndagi ad’u tcho magid’a woi abu, á tagagi tcho magid’a woi ki sun magid’a woi pet ala agi ni suma tchona. Ni kayam ndata ba, ma djangûna mba mi yogiya.

Daniel 4:7

Ata yima suma mbuta, suma kumana, suma a djop ki suma azuleina ki suma a djop ki tchitchiud’a a mbana, an vazi ad’ud’a yam adï d’a danda, wani azi ndak nga á vandji ad’ut tei d’i.

Mise 3:7

Suma wahle suma a nga mbana a mba mbut zulona, suma djop fileina a mba mang ngeyo, a mba tin abozi avunaziya, kayamba Alona mi hulongôzi nga humba d’uo d’a.

Zakari 10:2

Filei ma agi nga djoboma nga mi dagi ni zla d’a kad’a, suma djopa, ahle suma a nde tazi irazina, nahle suma hawa ya’â. Adï d’a azi vagizi ad’uta, ni zla d’a hawa yaka mi. B’leng hur ma azi nga b’lengêgi ki hurugina, ni mbut ira. Kayam ndata, azi nga kur hohoud’a d’igi d’uwar ma salam ma pola nga d’uo na na.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Sunda hi suma a sunuzinid’a 8:11

Azi humumu, kayam mi kak ngola ki sed’eziya. A nga le atchap yam sun mam mba mbuta.

Efes-sâ 5:6

Ar sana mi lobogi ki zla d’a de d’a hawa yaka d’i. Ni kayam ahle ndazina ba, ayîna hAlonina nga mi mba yam suma bei humum vunam ba na.

Gat ta a hat á mbàd’id’a 13:2

le vama taka d’oze vama yoyou ma mi dagi kam máma mi ndaga, mi le ba, mi dagi ala agi i zlabagi kalo ma ding ma agi wum nga yagi tu d’uo na, agi kud’uromu ni,

Gat ta a hat á mbàd’id’a 18:14

Andjaf suma agi nga digizi woi avorogi wana: Ni suma a nga hum vun suma a nga djop ki tchitchiud’ina, d’oze suma djop fileina. Wani Ma didina Alo magina mi hagi nga lovota á lahle ndazina d’i.

Josue 13:22

Aduk suma Israel-lâ a tchazi ki mbigeu d’a fiyakina, ma djopa Baläm Beyor goroma mi nga adigazi mi.

Vama ndum mbeina 18:23

Sa dok mi we b’od’a hi lalamba kurung nguo d’a, dok mi hum dela hazong ma vatcha d’a weid’a ki dela hi gor wei d’a ve mandjufîd’a d’uo mi. Mang suma mbut abozina ni suma ad’eng suma yam andagad’ina. Ni ki kuma mangâ ba, ang lop ki suma pet.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.

Vama ndum mbeina 9:21

Sum ndazina a mbut nga huruzi yam tchi mat mazina ki kum mazi ma ved’a ki mizeu mazina d’oze kul mazid’a d’i.