Jeremi 27:7 - Bible azumeina

⁷ Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Jeremi 27:7 Kruisverwysings

Sawal la giled’a 37:13

Wani Salad’a nga mi san ad’umu, kayam mam we bur mam ma dabid’a nga mi mba.

Isai 13:1

Wana ni zla d’a sun nda Ma didina mi ndat tei ir Isai Amot goroma yam Babilon-nda:

Isai 21:9

Gol wani, an we sana mi djak kur pus ma akulumeina nga mi djïya, mi er ad’um akulo ala: Babilon ndi puk wa! Babilon ndi puk wa! Filei mat ma tcheta pepet mi wizek wa kä woi andaga gegeleng!

Jeremi 27:22

A mba yozi a izi Babilon, a mba ar sä kua gak bur ma an mba ni mba kazi ni hulongôzi ni mbazi ka hî na. An Ma didina ni de na.

Jeremi 34:1

Kid’a Nebukanezar amul ma Babilon-na ki azigar mama pet ki suma kur leud’a yam ambas sa mam te kata pet ki sum mama pet a nga dur ayîna ki Jerusalem ki suma kur azì ma nguyutna peta, Ma didina mi de mi Jeremi ala:

Jeremi 44:30

An mba ni he Faron Hofra amul ma Ezipte-na abo mam suma djangû suma a nga halam á tchid’ina d’igi an he Sedekiyas amul ma Juda-na abo Nebukanezar amul ma Babilon mam ma djangû ma nga mi halam á tchid’a adjeuna na mi.

Jeremi 46:13

Wana ni zla d’a Ma didina mi dat mi Jeremi kid’a Nebukanezar amul ma Babilon-na mi mba á dur ayîna ki Ezipte-nid’a: Mi dala:

Jeremi 52:31

Kur biza d’a dok hindi yam kid’iziya d’a bugol la a i ki Jojakin amul ma Juda-na magombid’a, Evil-Merodak mi kak amula yam suma Babilon-na. Kur biza d’a avok ka mi tamulid’a, kur bur ma dok mbà yam kid’iziyana kur til ma dogo yam mbàna hi biza ndatina, mi we hohowa Jojakin, mi ndumî woi kur dangeina.

Ezekiyel 30:24

An mba ni had’enga mamul ma Babilon-na, an mba ni hum mbigeu man nda fiyaka abomu, an mba ni kus bik Faron ndeyo. Mam mba mi zam tam d’igi sama lá matnina na avok amul ma Babilon-na.

Daniel 2:37

Amulâ, angî ma kal amuleina petna! Alo ma sä akulona mi tining amula, mi hang ad’enga ki sib’ika ki subura mi.

Daniel 4:22

Amulâ, agu máma ni angû! Ang mbut ngola, ang mbut ad’enga mi. Ngol manga ti i akulo gak ti do hur alona, yam mang nga ted’a ti i gak avun dabid’a handagad’id’a mi.

Habakuk 2:7

Suma godjined’a a mba tchol atogo zak ki sed’eng nguo zu? Suma zlad’a ki sed’engâ a mba tchol ki sed’eng mi d’uo zu? Ang mba mbut ni va mazi ma hurumba.

Habakuk 2:8

Kayam ang hurum andjaf suma ablaud’a heî, ad’uzi d’a ar pet wanda a mba hurumung ang mi. Ni kayam tchi d’a ang tchi sumid’a, ni kayam b’lak ka ang b’lak ambasa kazì ma ngolâ ki suma a nga kuruma mi d’a.

Vama ndum mbeina 14:8

Malaika ma mbàna mi mba blogomu, mi dala: Babilon nda ngola, ti puk wa, ti puk wa, ni d’a handjaf suma yam andagad’a pet süm mat ma tcho ma mizeunid’a.

Vama ndum mbeina 16:19

Azì ma ngolâ mi wal lei aduk hindi, azì ma nglona handjaf suma yam andagad’ina pet mi dris kä mi. Alona humam gum yam Babilon nda ngola, mi hat süm mama kur angala, ni süma hayî mam ma bibiliuna.