Jeremi 27:22 - Bible azumeina

²² A mba yozi a izi Babilon, a mba ar sä kua gak bur ma an mba ni mba kazi ni hulongôzi ni mbazi ka hî na. An Ma didina ni de na.

Jeremi 27:22 Kruisverwysings

2 Amuleina 25:13

Suma Babilon-na a kus kawei ma murguli ma mbà ma hleu ma kur gong nga kud’ora hi Ma didinid’ina ki kawei ma hleu ma ad’um kä na ki hal ma ngol ma kawei ma hleuna suma a nga kur gong ndatina woyo, a i ki sed’ezi Babilon pet.

2 Sunda Hamuleinid’a 36:21

Ahle ndazina a le ná ndak vun zla d’a Ma didina mi dat avun ma djogom vunama Jeremi-d’a, kayam mi dala: Ambasa mba d’i ar djona gak bizad’a dok kid’iziya, gak ti dap yima ngattchi á tuk tat á ndak vun biza d’a ndat fe nga tuk tad’a kua d’uo d’a mi.

Esdras 1:11

Ahle suma a lazi ki lora ki kawei ma hapmina, azi pet ni 5400. Sesebasar mi tcholï ki sed’ezi Babilon zlapa ki suma Nebukanezar mi yozi mi izi sä Babilon-na, mi hulongôzï Jerusalem.

Esdras 7:19

Ang tchuk ahle suma a hangzina kä avok Alo ma nga Jerusalem-ma á le ki sun gong nga kud’ora hAlo mangîd’id’a.

Esdras 7:9

Mi tcholï Babilon á i Jerusalem mî kur bur ma tuna hi til ma avo’â, mi mba Jerusalem mî kur bur ma tuna hi til ma vahlâ, kayam Alo mam ma djivina iram nga tinda kamu.

Zla d’a d’ogolâ 21:30

Ned’a d’oze wad’ud’a d’oze d’alâ ma kak djangûna ki minda hi Ma didinid’ina nga d’i.

Jeremi 20:5

An mba ni he ndjondjoî d’a kur azì mámid’a pet kahle suma azi fazina pet kahle mazi suma guzuzi kal teglesâ zlapa ki ndjondjoîd’a hamuleinid’a pet abo mazi suma djangûna. A mba hurumuziya, a mba yozi a i ki sed’ezi Babilon.

Jeremi 27:21

Ma didin ma ad’engêm kal petna, Alona hi Israel-lîna, mi de yam ahle suma a ar kur gong mam mba kud’orina kahle suma a ar kur azì ma amula hamul ma Juda-na ki suma kur Jerusalem-ma ala:

Jeremi 27:7

Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Jeremi 29:10

Gola! Ma didina mi dala: Fata biza d’a dok kid’iziya d’a ngat yam Babilon-nda ndaka, an mba ni mba á d’ugiya, an mba ni ndak vun zla d’a djivi d’a an hlagi vunan kata, an mba ni mbagi ka hî.

Jeremi 32:5

Amul ma Babilon-na mba mi i ki Sedekiyas Babilon, mba mi kak sä kua gak bur ma an mba ni duma. Le agi durugi ayîna ki suma Babilon-na pî, agi mba kuzuzi d’uo ge?

Jeremi 34:2

An Ma didina Alona hi Israel-lîna nga ni dangû, ang i de mi Sedekiyas amul ma Juda-na ala: Ma didina mi dala: Gola! An nga ni hazì ma ngol ma wana abo amul ma Babilon-na. Mba mi ngalam mbei kakud’a.

Jeremi 34:3

Ang mba sut abom mbi, wani a mba vang kad’enga, a mba hang abomu. Ang mba we ir amul ma Babilon-na, mba mi dang zlad’a avunang ngei mbambak, ang mba i Babilon.

Jeremi 34:5

Ang mba mit ni ki halasa. A mba ngal mbul ma his ma afufuîna kang d’igi a ngalam yam abuyong ngolo amulei suma tamula avorongâ na, a mba tching ala: Alë, salamina! A mba le na kayam an Ma didina ni de zla ndata woi da’.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Daniel 9:2

an Daniel ni gol kur mbaktum mba a tinit irat vata. Ata yi máma an wäd’u zla d’a Ma didina mi dat mi mam ma djok vuna Jeremi ala: Jerusalem mba d’i ar djona gak bizad’a dok kid’iziya d’a.