Jeremi 26:3 - Bible azumeina

³ Dam a mba huma, nge nge pî mba mi ar sun mam mba tchod’a woi kla. Hina wani, an mba ni ar tcho d’a an ngat kurun á lazizi yam sun mazi d’a asa’at ta azi lata woyo.

Jeremi 26:3 Kruisverwysings

1 Amuleina 21:27

Ata yima amulâ Ahap mi hum zla d’a ded’a hi Ma didinid’ina, mi hulong yam kä, mi haû baru mama woyo, mi tchuk baru ma ndjondjorona atamu, mi d’el tam bei te tena, nga mi tit ni ki baru ma ndjondjoro mama, mi bur ki kä mi, nga mi tit hina lalam.

1 Amuleina 21:29

Ang gola! Ahap mi ge wa yam kä avoronu. Kayamba mi ge yam kä d’a, an mba ni mba ndaka yam sum mama kur atchogoi mamba d’i, wani an mba ni mbat ni kur atchogoid’a hi goromid’a.

Jeremi 26:13

Ki tchetchemba, agi djogogi tit magid’a ki sun magi d’a led’a, agi humugi dela hi Ma didina Alo maginid’a mi. Hina wani, Ma didina mba mi ar tcho d’a mam ngat kurum á lagizid’a woyo.

Jeremi 26:19

Na ni Ezekiyas amul ma Juda-na ki suma Juda-na pet a tchum zu? Ezekiyas mi le nga mandara Ma didina d’uo zu? Mi tchen nga Ma didina ba, Ma didina mi ar nga tcho d’a mi ngat kurum á lazizid’a woi mi d’uo zu? Ei lei hî ni tei tcho d’a ngola d’uo zu?

Jeremi 36:3

Dam suma Juda-na a mba hum zla d’a tcho d’a an ngat kurun á lazizid’a tala a mba hulongî nge nge pî mba mi ar tit mam mba tchod’a, an mba ni vat hurun ndei yam tchila mazid’a ki tcho mazid’a zi ge d’a.

Jeremi 36:7

Dam tchen mazi d’a hud’a mba d’i i avok Ma didina, azi nge nge pî mba mi hulongî ar tit mam mba tchod’a woyo, kayam ayîna ki hur ma zala hi Ma didina ma mi zalam yam sum ndazinina mi kal ngola heî.

Ezekiyel 12:3

Ang gor sana, ang min ahle mang suma akoid’a kä ir suma a mba yozi magombina, ang nde woi ni irazi falei na. Ang nde woi ata yima ang nga kaka kuana á i ata yima dingâ kä woi irazi na. Dam azi mba wala azi nandjaf ma bei hum vuna kla.

Ezekiyel 18:21

Le sama asa’atna mi ar sun mam mba tcho d’a mi lata woi pet, le mi ngom gat manda ki d’ingêra ped’u ni, gagazi, mba mi kak karid’a, mba mi mit ti.

Wana ni mbaktumba hi Oze-d’a 11:9

An mba ni le d’igi hur man ma zal ma gugulu’â na d’i, an mba ni mba á b’lagagi agi suma Efraim-ma woi d’i. Kayam an nAlona, an nga ni sana d’i. An Ma bei tchod’a ni nga adigagiya, an nga ni mba ki hur man ma zala d’uo mi.

Joel 2:14

Dam mba mi ar ngop mam ndata woyo, mba mi lagi djivid’a. Ata yi máma agi mba mbagi ki he d’a hawa d’a afuta ki d’a süm guguzlud’a mi.

Jonas 4:2

Mi tchen Ma didina, mi dum ala: Ma didina, wana ni zla d’a an dat kurun kid’a an sä yam ambas mandid’a d’uo zu? Ni kayam ndata ba, an hal lovota atogo zak á ring Tarsis, kayam an we angî Alo ma djivi ma we hohowa suma, hurung nga mi zal atogo d’i, djivi manga kal ngola heî mi. Angî ma nga djok djib’er manga yam vama ang ngam kurung á led’ina.