Jeremi 26:2 - Bible azumeina

² An Ma didina nga ni dangû, ang i tchol kur gulumuna hi gong man nda kud’orina, ang de mi suma kur azì ma nglo ma Juda-na suma a nga mba á grif kä kur gong mandina zla d’a pet ta an nga ni hang vuna kat á dazizid’a. Ang ar zla kä tu d’i.

Jeremi 26:2 Kruisverwysings

Jeremi 1:17

Wani ang Jeremi, ang djin d’i’â furungû, ang tchol akulo, ang i dazi woi yam ahlena pet suma an mba ni hang vuna kazina. Ar ang zlak avorozi tala an zlagang avoroziya d’a d’i.

Jeremi 1:7

Wani Ma didina mi dan ala: Ar ang dala angî gogorâ d’i. Kayam ang mba i ata suma pet suma an mba ni sunung atazina, ang mba dazi woi yam ahle suma an mba ni hang vuna kazina pet mi.

Jeremi 19:14

Kid’a Jeremi mi tcholï Tofet ata yima Ma didina mi sunum kua á djok vuna mi mbad’a, mi i tchol kur gulumuna hi gong nga kud’ora hi Ma didinid’a, mi de mi suma ata yi mámina ala:

Jeremi 23:28

Ma didina mi dala: Ma djok vun ma adïd’a duma, ar mi ve nad’u adï mamba hol! Wani ma mi nga ki zla mandina, ar mi dat tei ata lovod’od’u! Ar agi ndjagagi asuna ki ir awuna d’i!

Jeremi 25:2

Ata yi máma Jeremi mi de zla ndata mi suma Juda-na ki suma a nga kaka Jerusalem-ma pet ala:

Jeremi 28:5

Ata yi máma ma djok vun Alona Jeremi mi hulong zla d’a ded’a mi ma djok vuna Hananiya avok suma ngat buzuna, avok ablau suma pet suma a nga kur gong nga kud’ora hi Ma didinid’ina.

Jeremi 36:10

Baruk mi ndum zlad’a hi Jeremi d’a mi b’irit kur mbaktum mba d’utid’a avok suma kur gong nga kud’ora hi Ma didinid’a, kur gonga hi Gemariya Safan ma b’ir mbaktumba goroma, kur atrang nga akulo ndinga avun Agrek ma Awilina hi gong nga kud’orina mi.

Jeremi 42:4

Ma djok vun Alona Jeremi mi dazi ala: An huma! Gola! An nga ni tchen Ma didina Alo magina d’igi agi dagi na. An mba ni dagi woi bei ni ngeyegi zla d’a pet ta Ma didina mba mi hulongôgizi ded’id’a kä ba.

Jeremi 7:2

Ang i tchol avun agre’â hi gong mandina, ang dazi zla d’a wanda ala: Agi suma Juda-na pet suma nga kalagi avun agrek ma wana á grif kä avok Ma didinina, agi humugi zla mamba.

Jeremi 7:27

Ang Jeremi, le ang i dazi zla ndata hina pet pî, azi mba humung ngi. Le ang yazi pî, azi mba hulongông humba d’uo mi.

Ezekiyel 3:10

Mi dan kua ala: Ang gor sana, ang tin humang hum zla d’a an nga ni dangzid’a pet, ang vat kurungû.

Ezekiyel 33:7

Ang gor sana, an tining ma ndjola yam Israel-lâ. Ang mba hum zla d’a ndavunanda, ang mba gazi humazi yam zla d’a tcholï atanda mi.

Ezekiyel 40:4

Sa máma mi dan ala: Ang gor sana, ang mal irang ki humang ngeyo, ang gol tang djivi yam ahlena pet suma an nga ni tagangzina, kayam a mbang ka hî ná gola. Bugola, ang i väd’u ahle ndazina woi pet mi Israel-lâ.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Wana ni Zla d’a Djivi d’a Luc mi b’irita 19:47

Nga mi hat suma kur gong nga kud’ora hAlonid’a teteu. Nglo suma ngat buzuna azi ki suma hat gata ki suma nglona hi sumina a nga halam á tchid’a.

Jean 18:20

Jesus mi hulong dum ala: An nga ni de zlad’a woi mi suma duniyad’a mbambak, an nga ni hat teteu kur gongîyo magi suma toka, kur gong nga kud’ora hAlonid’a mi, ata yima Juif-fâ a nga toka kuana, an de nga zla d’a ngeid’a d’uo mi.

Jean 8:2

Ki yorogo tcholola, mi hulong kur gong nga kud’ora hAlonid’a. Suma pet a mbeï gevemu, mi kak kä, nga mi had’aziya.

Sunda hi suma a sunuzinid’a 20:20

Agi wagiya, an ar nga bei dagi ahle suma ala ni djivid’a kagiya na d’i. An had’agi avok suma pet, hur azina hur azina mi.

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

Sunda hi suma a sunuzinid’a 5:25

Sana tu mi mba, mi dazi ala: Agi gologiya! Suma agi tchuguzi dangeinina a sä tchola kur gong nga kud’ora hAlonid’a, a nga hat suma.

Sunda hi suma a sunuzinid’a 5:42

Bur ma lara pî, azi nga kur gong nga kud’ora hAlonid’a d’oze kur azina hi sumina, a ar nga bei hat suma d’oze bei tchi wal Zla d’a Djivid’a hi Jesus Christ-sa d’uo mi.

Gat ta a hat á mbàd’id’a 12:32

Agi tid’igi yam vun ma he ma an hagizina, agi ngomogiziya, agi tinigi vama ding kam kua d’uo mi na, agi pad’agi va woi kua d’uo mi.

Gat ta a hat á mbàd’id’a 12:5

Wani agi i kud’uromî ata yima mam mba mi manam aduk andjavagi á tin simiyêm á kak kuana hol.

Gat ta a hat á mbàd’id’a 4:2

Agi tinigi zla d’a ding yam vun ma he ma an hagizina d’i, agi pad’agi va woi kua d’uo mi, wani agi tid’igi yam vun ma hed’a hi Ma didina Alo maginina d’igi an hagizi na.

Josue 8:35

Josue mi ndum zla d’a Moise mi he vuna kata woi avok ablaud’a hi Israel-lîd’a, aropma ki kemba kangoyogei suma a nga kaka adigazina pet bei mi ar zla kä tu ba.

Vama ndum mbeina 22:19

Le sama nga mi pat zla d’a a djogot vunat tei kur mbaktum ndatid’a woyo ni, Alona mba mi d’elem bei te vud’agu ma he arid’ina, mba mi d’elem bei kal kur azì ma ngolâ hAlonina, d’igi a b’ir kur mbaktum ndata na mi.