Jeremi 25:35 - Bible azumeina

³⁵ Suma pola a mba fe lovota á ring ngi, suma avok tumiyônina a mba fe yima ngei tazina d’uo mi.

Jeremi 25:35 Kruisverwysings

Wana ni mbaktumba hi Job-pa 11:20

Wani suma asa’atna irazi mba d’i zal leyo, a mba fe yima ngei tazina d’i, hur mazi ma tinda ni matna mi.

Sawal la giled’a 142:4

Ata yima djib’er manda nga ata yat tuo na, ang nga we lovot manda. Lovot ta an nga ni tit kuad’a, a gun nga dauna kä avoronu.

Jeremi 11:11

Ni kayam ndata ba, Ma didina mi dala: Gola! An nga ni mba ki ndaka kaziya, ni ndak ka azi mba buzuk kei kurut tuo d’a. Azi mba tchi kanu, wani an mba ni humuzi d’i.

Jeremi 25:36

Agi humugi tchina hi suma polina ki wulula hi suma avok tumiyônina, kayam Ma didina mi b’lagazi ful mazi ma te hatna woi da’.

Jeremi 32:4

Sedekiyas amul ma Juda-na mba mi sut tei abo suma Babilon-na d’uo, a mba hum abo amul ma Babilon-na, mba mi wumu, mba mi dum zlad’a woi avunam mbambak.

Jeremi 34:3

Ang mba sut abom mbi, wani a mba vang kad’enga, a mba hang abomu. Ang mba we ir amul ma Babilon-na, mba mi dang zlad’a avunang ngei mbambak, ang mba i Babilon.

Jeremi 37:17

Amulâ Sedekiyas mi sun atam mi halamïya, mi djobom gumun avo hatam ala: Na ni zla d’a ding nga tcholï avun Ma didinid’a nga zu? Jeremi mi hulong dum ala: Â, nga! Jeremi mi dum kua ala: A mba hang abo amul ma Babilon-na.

Jeremi 38:18

Wani le ang nde d’ugol nga suma nglo suma hamul ma Babilon-nina d’uo ni, a mba hazì ma ngol ma wana abo suma Babilon-na, a mba ngalam mbei kakud’a, ang mba sut abozi d’uo mi.

Jeremi 38:23

Amiyôngâ pet ki grong suma andjofâ, suma Babilon-na a mba yoziya. Ang tang mba sut abozi d’i. Amul ma Babilon-na mba mi vangû, mba mi ngal azì ma ngol ma wana woi kakud’a mi.

Jeremi 48:44

Ma didina mi de kua ala: Sama mi ring abo mandarîna mba mi nde kur zula. Ma djagï akulo woi kur zulina, abeid’a mba d’i vum mi, kayam an nga ni mba ki biza d’a ndaka yam azì ma Mowap-ma.

Ezekiyel 17:15

Wani amul máma mi tchol huneîd’a ki sed’emu, mi sun Ezipte ala a humï akulumeina ki suma ablaud’a. Sama mi le hina na, mba mi i avogovok mba mi sut tei zu? Ata yima mi but vun ma djinda woina, mba mi sut tam zu?

Ezekiyel 17:18

Amul máma mba mi sut tam mbei d’i, kayam mi gol gun tad’a is, mi but vun ma djinda kä woi ni bugol la mi hle vunam dad’a.

Daniel 5:30

Kur andjege ndata, a tchi Baltazar amul ma Babilon-na woyo.

Amos 2:14

Sama mi ring heîna mba mi fe lovota á ringâ d’i, ma ad’engâ mba mi fe lovota á le va kad’eng mamba d’i, ma dur ayîna heîna mba fe lovota á sut tam mbuo mi.