Jeremi 25:34 - Bible azumeina

³⁴ Agi suma pola, agi tchagi wulula, agi suma avok tumiyônina, agi bululugi kä aduk butna. Kayam bur ma a ngad’agi kuana, d’oze bur ma a ndjoyôgi woi kuana mi mba wa, kayam an mba ni togi woyo, agi mba galalagi woi d’igi dei ma guzum kal teglesâ na.

Jeremi 25:34 Kruisverwysings

2 Sunda Hamuleinid’a 36:10

Kid’a a mba kur biza d’a awilid’id’a, Nebukanezar mi vum mi i ki sed’em avo Babilon zlapa kahle suma guzuzi kal tegles suma a le ki sunda kur gong nga kud’ora hi Ma didinid’ina, mi tin wiyema Sedekiyas amula yam suma Juda-na ki suma Jerusalem-ma mi.

Sawal la giled’a 2:9

Ang mba gad’azi ki totogo d’a kaweina, ang mba tozi woi d’igi dei ma sana minima na.

Isai 10:12

Wani fata Salad’a mi ndak vun sun mamba pet yam ahina d’a Siyon-nda ki d’a Jerusalem-mbid’a, mba mi ngop amul ma Asiri-na yam hur mam ma ngolâ, yam yam mam mba ad’enga mi.

Isai 2:16

ki bato d’a nglo d’a Tarsis-sa pet, ki bato d’a djif fa suma a minita pet mi.

Isai 30:14

A mba tom mbei d’igi sama min deina mi tom mbei kikizek bei fe anduruna á yo kakud’a kur givina d’oze á gul ki mbina golong ba na.

Isai 33:1

Ni zla d’a hohoud’a yam ang ma b’lak suma dingâ bei sa mi b’lagang ang ba na, yam ang ma nga mbut ir suma dingâ bei sa mi mbud’ung ang irang ba na. Fata abong dap á b’lak suma dingîd’a, a mba b’lagang ang mi. Fata ang ar bei mbut ir sumid’a, a mba mbud’ung ang irang mi.

Isai 34:6

Mbigeu mamba ti nga tchora ki buzuwazi d’igi buzuwa gro tumiyôna ki buzuwa mbekmberena suma a ngad’azi buzunina na, mbuluzi nga b’ala atat d’igi mbul ma yam b’orozom gamlânina na mi. Kayam Ma didina mi ngat buzuna kur azì ma ngol ma Bosra-na kur ambas sa Edom-mba. Ni mat ma tchi ma tcho ma kal lei nde na.

Isai 34:7

Avünda kamuzleina kamuzlei digilina a mba puk kä ki sed’eziya, andagad’a ti mba d’i ka guruta abo buzuna, andaga d’a gugud’upa ti mba d’i ras ki mbulâ mi.

Jeremi 18:22

Fata ang mba kades azigarâ kazi dumuzi á duruzid’a, ar a hum tchi ma hohoud’a avo hataziya, kayam azi djugot zula kä avoron á vanu, a ngei nga dauna kä gumun avoron mi.

Jeremi 22:28

Suma a mba djop tazi ala: Wana ni Jekoniya dei ma to woi ma suma a golom is ma sa nga mi minim mbuo na d’uo zu? Ni kayam me ba, a tchuguzi abu woi kandjavam ge? Ni kayam me ba, a digizi sä woi kur ambas sa azi wat nga d’uo d’a ge?

Jeremi 23:1

Ma didina mi dala: Ni zla d’a hohoud’a yam suma pol suma tcho suma a nga pol tumiyô mana a nga b’lagazi woi a nga ndjoyôzi woina.

Jeremi 25:12

Ma didina mi de kua ala: Wani fata biza d’a dok kid’iziyad’a ndaka, an mba ni mba ni ngop amul ma Babilon-na ki sum mama yam tcho mazid’a, an mba ni b’lak ambas mazi d’a Babilon-nda woyo, an mba ni mbud’ut djona gak didin.

Jeremi 25:23

An hum mi suma Dedan-na, mi suma Tema-na, mi suma Bus-sâ ki suma pet suma a nga wel tumus sa dudumazid’a woi abo tutuna mi.

Jeremi 25:36

Agi humugi tchina hi suma polina ki wulula hi suma avok tumiyônina, kayam Ma didina mi b’lagazi ful mazi ma te hatna woi da’.

Jeremi 27:7

Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Jeremi 3:19

An Ma didina ni dala: Ni nana ba, an min tchugugi aduk grona, ni hagi ambas sa djivid’a, ni hagi djo ma djivi ma kal teglesâ aduk suma kur duniyad’ina ge? An djib’er ala agi mba yan ala Abugiya, agi mba walagi woi ki sed’en nduo.

Jeremi 48:26

Agi gurud’ugi azì ma Mowap-ma woi ki süma kayam mi hle yam akulo avok Ma didina. Ar mi bulul kä aduk vin mama, ar mi mbut vama sanda hi sumina.

Jeremi 48:38

Ma didina mi dala: Kur azì ma Mowap ma lara ki ir palum mamba pet ni tchi ma hohoud’a vam tu, kayam an ni to azì ma Mowap-ma woi d’igi dei ma sana hurum vum mbuo na na.

Jeremi 50:27

Agi yogi amuzlei mazi suma digilina, agi igi ata yima ngata, agi tchazi woi pet. Ni zla d’a hohoud’a kaziya, kayam bur mazina mba wa, ni yima an ngam kazi á ngopina.

Jeremi 6:26

Ma didina mi dala: Ndak gor weid’a hi sum manid’a, ndak tchuk baru d’a dodora atagu, ndak bulul kä aduk butna, ndak tchi horâ d’igi atchad’a ti tchi hora gorot ma abot tuna na, ndak tchi tchi ma hat hurâ, kayam ma b’lak yina nga mi mba kak dumuzi.

Hor ma tchina 4:21

Ndak gor weid’a Edom, ndak ka nga kaka yam andaga d’a Us-sid’a, ndak ayâ, ndak le furîd’a. Wani kop ma sariyad’a nga mi mba kagu. Ndak mba d’i gurut kiya, ndak mba d’i ar gandilad’a.

Ezekiyel 34:20

Ni kayam ndata ba, an Salad’a Ma didina ni dala: An mba ni ka sariyad’a aduk tumiyô suma d’orâ ki suma itna.

Daniel 11:8

Mba mi yo alo ma tchet ma kur ambasina zlapa kahle suma sun suma lor suma kal teglesâ ki kawei mazi ma hapma suma a tinizi irazi vazi malo mazinina hurumba, mba mi i ki sed’ezi Ezipte. A mba ar bei dur ayîna bizad’a tcha.

Wana ni mbaktumba hi Oze-d’a 8:8

Israel-lâ a b’lak wa woyo. Ki tchetchemba, azi nga aduk andjaf suma ni d’igi dei ma sa nga mi minim mbuo na na.

Amos 5:11

Agi nga mired’egi ma kid’aka kä kasegiya, agi nga yom geme mama ki mbut ira. Ni kayam ndata ba, agi nga minigi azì ma djivina kahina d’a tcheta, wani agi mba kagagi kur ri, agi nga pagi guguzlu d’a djivid’a, wani agi mba tchat sümut ti.

Zakari 10:3

An hurun nga mi zal yam suma pol suma ding suma a nga yi tazi ala azi ni suma pol sum mana na. An mba ni mba á ngoboziya. Gagazi, an Ma didin ma ad’engên kal petna nga ni dala: An mba ni ngom d’uwar man suma Juda-na, an mba ni i ki sed’ezi ata yima durâ d’igi akulum ma subura na.

Zakari 11:3

Agi humugi siwela hi suma polid’a, kayam djif mazina mi b’lak kei da’, agi humugi siwela hi gro azlonid’a, kayam agu d’a ndindik ka avun alum ma Jurdê-nid’a ti dap pei da’.

Jacques 5:5

Agi kagagi wa yam andagad’a ka hî ki duzîd’a ki furîd’a kur d’od’oka hi hliwigid’a, agi d’orogi wa yam bur ma ngata.