Jeremi 25:31 - Bible azumeina

³¹ Delem mba nga d’i ngir kä d’a, ti i gak ti ndeza woi avun dabid’a handagad’id’a, kayam Ma didina nga mi le sariyad’a kandjaf suma, nga mi ka sariyad’a yam andjaf suma pet, mi tchi suma asa’atna ki mbigeu d’a fiyaka. Ma didina mi de na.

Jeremi 25:31 Kruisverwysings

Isai 33:3

Ata yima ang nga breîna, andjaf suma a nga ringâ. Ata yima ang tchol akulona, andjaf suma a nga ndjoî woyo.

Isai 34:2

Kayam Ma didina hurum mi zal yam andjaf suma pet, hur mam ma zal ma gugulu’â mi nga yam azigar mazina mi. Mi nga hurum á dabazi woyo, mba mi tchimizi woi ngingidjip mi.

Isai 34:8

Kayam ni bur ma hlatchugula hi Ma didinina, ni biza d’a a wurak nge nge pî yam sun nda tcho d’a mi lat ki Siyon-ndid’a.

Isai 66:16

Ni kakud’a ba, Ma didina nga mi ka sariya mamba, nga mi ngop suma pet ki mbigeu d’a fiyaka. Ablaud’a a mba bo abo Ma didina.

Jeremi 2:35

Hina pet pî, agi dagi ala: Ami ni suma bei zlad’a kamina. Ayî mama mi nga kami d’i. Gola! An nga ni kal ata yima ka sariyad’a ki sed’egiya, kayam agi dagi ala: Ami lami nga tcho d’i.

Jeremi 23:19

Jeremi mi dala: Gola! Babar ma ngolâ nga mi djïya. Nayî ma bibiliuna hi Ma didinina, mi nga mi sir yam suma asa’atna.

Jeremi 45:5

Ang nga halî ahle suma nglona kang ang zu? Ang halazi d’i, kayam an nga ni mba ki ndaka yam suma pet. Ata yima lara ma ang mba i kuana pet, an mba ni hang ari manga ni d’igi vama a hurumumï avun ayînina na. An Ma didina ni de na.

Ezekiyel 30:3

Kayam burâ mi ar go, burâ hi an Ma didinina mi ar go, ni bur ma d’ugula mbud’um nduvundina, ni yima ka sariyad’a yam andjaf sumina mi.

Ezekiyel 38:22

An mba ni kang sariyad’a kang ki tugud’ei d’a tcho d’a tchi matna ki mat ma tchid’a mi. An mba ni salo ma kûkûna kang ki mogei ma nglona, zlapa kakud’a ki sufred’a yam andjaf suma ablau suma a nga zlapa ki sed’engâ mi.

Wana ni mbaktumba hi Oze-d’a 12:2

Suma Efraim-ma a te ni simetna, a nga tit bugol simet ma abo ma yorogonina. Burâ ki burâ a de ni zla d’a kad’a, a nga hurum ahlena, a djin vunazi ki suma Asiri-na, a nga i ki mbulâ avo Ezipte mi.

Wana ni mbaktumba hi Oze-d’a 4:1

Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Joel 3:2

An mba ni tok andjaf suma dingâ pet, an mba ni izi kur hor ra Josafat-ta. Ata yi máma an mba ni kazi sariyad’a kazi yam ahle suma azi lazi mi man suma Israel suma an tazi djonina, yam ndjoîd’a a ndjoyôzi woi aduk andjaf sumid’a, yam ambas man nda azi b’rawat teid’a mi.

Mise 6:2

Agi ahuniyôna kandaga d’a ad’ut ta ge d’a ngingid’a, agi humugi zlad’a hi Ma didinid’a kayam Ma didina mi nga ki zlad’a ki sum mama, mi min b’ak zlad’a ki Israel-lâ.