Jeremi 25:27 - Bible azumeina

²⁷ Ang i dazi ala: Ma didin ma ad’engêm kal petna, Alona hi Israel-lîna, mi dala: Agi tchagiya, agi gurud’ugiya, agi vinigiya, agi pugugi kä bei ndak á tchologi akulo abo tchi d’a suma an mba ni sunuzï atagina a mba tchagid’a.

Jeremi 25:27 Kruisverwysings

Isai 51:21

Ndak Jerusalem mba hohoud’a, ndak ka gurut nga ni ki süm guguzlud’a d’uo d’a, ndak huma.

Isai 63:6

Kur ayî mana an miret suma kä kasenu, an gurud’uzi woi kayî man ma bibiliuna, an vozi buzuwazi kä woi andaga mi.

Jeremi 12:12

Suma b’lak yina a nga djï yam ahuniyô suma fuyogei suma va nga kazi d’uo na, kayam mbigeu d’a fiyaka hi Ma didinid’a nga d’i kizak suma kur ambasina, tinï ad’ud’a avun ambasa abo hî dei gak nde woi avun ambasa abo hî. Sama kak ki halasina nga tu d’i.

Jeremi 13:13

ata yi máma ang hulong dazi ala: Ma didina mi dala: Gola! An mba ni gurut suma a nga kaka kur ambas ndatina ki süm máma, zlapa kamulei suma a nga kaka yam zlam mba amula hi David-tina ki suma ngat buzuna ki suma djok vuna ki suma Jerusalem-ma pet mi.

Jeremi 22:10

Agi suma Juda-na, agi tchigi yam sama mitna d’i, agi yorogi tagi kam mbuo mi, wani agi tchigi ni yam sama mi i yinina, kayam nga mi hulongî d’i, mba mi hulong á we ambas sa a vud’um kura d’uo d’a.

Jeremi 25:16

Ar azi tchumu. A hle titigir, a mbut lilid’a abo tchi d’a suma an mba ni sunuzi atazina a mba tchazid’a!

Jeremi 46:10

Wani bur máma ni burâ hi an Salad’a Ma didin ma ad’engên kal petna. Ni bur ma an mba ni sä atchugulun ki man suma djangûnina. Mbigeu d’a fiyaka mba d’i kizak suma gak ti ndak vat ndak, mba d’i tchazi buzuwazi mi, kayam an Salad’a Ma didin ma ad’engên kal petna, ni ngad’azi ni d’igi vama ngat buzuna na yam ambas sa abo ma norâ d’a avun alum ma Efrat-nid’a.

Jeremi 46:14

Agi tchagi wal zla ndata mi Ezipte-na, ar a tagat tei mi suma Mikdol-lâ, mi suma Memfis-sâ, mi suma Tapanes-sâ mi. Agi dazi ala: Agi tchologi akulo minigi tagiya, kayam ayî ma durâ mi nguyugi wa d’uhl!

Jeremi 50:35

Ma didina mi dala: Ar a dur suma Babilon-na, ar a dur suma a nga kaka kur aziyazi ma ngolîna, mazi suma nglona ki mazi suma ned’a mi!

Jeremi 51:39

Fata d’od’oka lazid’a, an mba ni lazi te ma luna, an mba ni gurud’uzi woi ki süma, kayam azi le furîd’a. Bugola, a mba bur sen ma ki irazi fafatna, a mba zlit akulo d’uo d’a! An Ma didina ni de na.

Jeremi 51:57

An mba ni gurut mat suma nglona, mat suma ned’a, mat suma te yamba, mat suma nglo suma ka sariyad’a ki grang matna. Sum ndazina a mba bur sen ma ki irazi fafatna, a mba zlit akulo d’uo d’a. An amul ma simiyên ala Ma didin ma ad’engên kal petna na ni de na.

Hor ma tchina 4:21

Ndak gor weid’a Edom, ndak ka nga kaka yam andaga d’a Us-sid’a, ndak ayâ, ndak le furîd’a. Wani kop ma sariyad’a nga mi mba kagu. Ndak mba d’i gurut kiya, ndak mba d’i ar gandilad’a.

Amos 8:14

Suma a nga gun tazi kalo ma ka zla ma Samari suma a nga dala: Dan! Ar alo mangâ va mi lum mbuo, d’oze, Ar alo ma Berseba-na va mi lum mbuo mi na, a mba puk kä, a mba tchol akulo bugol luo d’a.

Nahum 3:11

Ang azì ma ngol ma Ninif-fâ, ang mba gurut d’igi suma a gurut ki sümina na, ang mba ngeya, ang mba ngei tang abo mang suma djangûna mi.

Habakuk 2:16

Wani ang tang zulona mba mi lang kal subura. Ang tang tchë, ar gandilad’a. Ma didina mba mi gad’ang kayî mama, subur manga mba d’i mbut zulona.

Gat ta a hat á mbàd’id’a 32:42

Yeû manda mba d’i tchor buzuna, mbigeu man nda fiyaka mba d’i b’lak hliwa suma woyo. Suma nglo suma avok suma dur ayînina, sa mba mi sut tu d’i. Suma a duruzi mbuleinina d’oze suma a yozi magombina, an mba ni tchazi woi pet.

Vama ndum mbeina 14:10

mam tamba mba mi tche süm ma ala nayîna hAlona ma mam vom kur kop mam ma ayînina. Suma pet suma a le hina na, a mba fe ndaka aduk aku d’a sufred’a avok malaikana hAlonina, avok Gor timina mi.