Jeremi 25:22 - Bible azumeina

²² An hum mamulei suma Tir-râ pet, mamulei suma Sidon-na pet kamulei suma a nga kaka yam tila sä abo alum ma ngolâ abo hî na mi.

Jeremi 25:22 Kruisverwysings

Isai 23:1

Wana ni zla d’a a dat yam azì ma Tir-rîd’a: Agi suma kur bato d’a Tarsis-sa, agi tchigiya, kayam a b’lagat tei da’. Azì nga d’uo mi na, vun agrek ma kal kuana mi nga d’uo mi. Zla ndata a humud’ï ni yam til la Kitim-mba.

Isai 23:15

Kur bur máma a mba mar yam Tir gak bizad’a dok kid’iziya, ndak yam atchogoid’a hamulîd’a tu. Kur dabid’a hi biza d’a dok kid’iziya ndatid’a, ti mba d’i mbut ni d’igi atcha d’a gaulang nga a dat zlat kur sawalid’a na ala:

Isai 23:4

Agi suma Sidon suma kur azì ma ad’eng ma ngungu ma avun alum ma ngolîna, ar zulona mi lagiya, kayam alum ma ngolâ mi dala: Ndak ka vut tan nga d’i, an vut nga gor ri, an wul nga gro andjof foze gro arop puo mi.

Jeremi 27:3

ang sun suma wana mamul ma Edom-ma, mamul ma Mowap-ma, mamul ma Amon-na, mamul ma Tir-râ kamul ma Sidon-na abo suma sun suma azi sunuzi Jerusalem gen Sedekiyas amul ma Juda-nina.

Jeremi 31:10

Agi andjaf suma, agi humugi zlad’a hi Ma didinid’a, agi i dagi zla ndata woi mi suma a nga kaka yam tila ata yima dedeinina, agi dazi ala: Ma didin ma mi ndjoî Israel-lâ woina, nga mi togozïya, nga mi ngomozi d’igi ma pola mi ngom tumiyô mama na.

Jeremi 47:4

Kayam bur ma a b’lak suma Filistê-na woi petna mi mba wa. A mba fe sama ndjun Tir ki Sidon-na d’uo d’a, kayam an Ma didina nga ni b’lak suma Filistê suma a arâ woyo. Azi ni suma a tcholï kur til la Kaftor-ra a mba kak kuana.

Ezekiyel 27:27

Ndjondjoî manga, fe manga, ahle mang suma mbut abongâ, mang suma a le sunda kur batod’ina, mang suma a djang batod’ina, mang suma a nga dup ir batod’ina, mang suma a mbut abozi ki sed’engâ, mang suma a dur ayî suma a nga kurungâ, ki suma ablau suma a nga kurungâ pet, a mba tchuk kä kur alum ma nglona d’ad’ar, kur bur ma ang hlup kä na.

Ezekiyel 28:1

Ma didina mi dan ala:

Ezekiyel 28:20

Ma didina mi dala:

Ezekiyel 28:21

Ang gor sana, ang mbut irang yam azì ma ngol ma Sidon-na, ang djogom vuna.

Ezekiyel 29:18

Ang gor sana, Nebukanezar amul ma Babilon-na mi le sun nda ndaka mi azigar mama, a dur suma Tir-râ, yazi d’i dap tora woi pepet, hîhîngâzi mi dap foka woi pepet. Wani mam mboze azigar mama a fe nga wurak yam dur ma azi dur ki suma Tir-rîna d’i.

Ezekiyel 32:30

Gola! Suma nglo suma abo ma norâ pet ki suma Sidon-na pet a nga kua, ni suma a i kä azulei ki suma a tchazina. Azi ni grang suma a mbut suma mandarâ adjeuna pî, ki tchetchemba, suma bei ngat bayâ ndazina a i wa azulei ki zulona, zlapa ki suma ding suma a tchazi avun ayînina.

Ezekiyel 39:6

An mba ni gakud’a yam Magok, yam suma a nga kaka kur tila ki halasina mi. Ata yi máma sum ndazina a mba wala an ni Ma didina.