Jeremi 25:16 - Bible azumeina

¹⁶ Ar azi tchumu. A hle titigir, a mbut lilid’a abo tchi d’a suma an mba ni sunuzi atazina a mba tchazid’a!

Jeremi 25:16 Kruisverwysings

Jeremi 13:12

Ma didina mi dala: Ang i dazi ala: Ma didina Alona hi Israel-lîna mi dala: Agolongeîna pet a mba oî ki süm guguzlud’a. Le azi hulong dang ala: Ami wami nga ala agolongeîna a mba oî ki süm guguzlud’a d’uo zi ge ni,

Jeremi 13:14

An mba ni tchuguzi ata tazi huneîd’a, abuyod’a ki grod’a abo tazi tu. An mba ni wazi hohowozi d’i, an mba ni keng sa woi tu d’i, an mba ni hat hurun kazi d’i, vama mba mi d’elen á dabazi woina nga d’uo mi. An Ma didina ni de na!

Jeremi 25:27

Ang i dazi ala: Ma didin ma ad’engêm kal petna, Alona hi Israel-lîna, mi dala: Agi tchagiya, agi gurud’ugiya, agi vinigiya, agi pugugi kä bei ndak á tchologi akulo abo tchi d’a suma an mba ni sunuzï atagina a mba tchagid’a.

Jeremi 45:5

Ang nga halî ahle suma nglona kang ang zu? Ang halazi d’i, kayam an nga ni mba ki ndaka yam suma pet. Ata yima lara ma ang mba i kuana pet, an mba ni hang ari manga ni d’igi vama a hurumumï avun ayînina na. An Ma didina ni de na.

Jeremi 48:26

Agi gurud’ugi azì ma Mowap-ma woi ki süma kayam mi hle yam akulo avok Ma didina. Ar mi bulul kä aduk vin mama, ar mi mbut vama sanda hi sumina.

Jeremi 51:39

Fata d’od’oka lazid’a, an mba ni lazi te ma luna, an mba ni gurud’uzi woi ki süma, kayam azi le furîd’a. Bugola, a mba bur sen ma ki irazi fafatna, a mba zlit akulo d’uo d’a! An Ma didina ni de na.

Jeremi 51:7

Adjeu Babilon ni kop ma lor ma mi nga ved’a abo Ma didinina, ni ma mi gurut suma yam andaga woi petna. Andjaf suma a tche süm guguzlu mata. Ni kayam ndata ba, andjaf suma yazi d’i b’lak ki wana!

Hor ma tchina 3:15

Mi hobon kahlap ma aglarâ, mi han ahle suma azleîna á tched’a.

Hor ma tchina 4:21

Ndak gor weid’a Edom, ndak ka nga kaka yam andaga d’a Us-sid’a, ndak ayâ, ndak le furîd’a. Wani kop ma sariyad’a nga mi mba kagu. Ndak mba d’i gurut kiya, ndak mba d’i ar gandilad’a.

Abdiyas 1:16

Agi Israel-lâ, agi tchagiya wa kur kop man ma ayîna yam ahina man nda a tinit irat vata. Andjaf suma dingâ a mba tchumî hina baba, azi mba tchum gak a gurut kiya. Bugola, azi mba dap pei ki irazi fafat.

Nahum 3:11

Ang azì ma ngol ma Ninif-fâ, ang mba gurut d’igi suma a gurut ki sümina na, ang mba ngeya, ang mba ngei tang abo mang suma djangûna mi.

Vama ndum mbeina 14:10

mam tamba mba mi tche süm ma ala nayîna hAlona ma mam vom kur kop mam ma ayînina. Suma pet suma a le hina na, a mba fe ndaka aduk aku d’a sufred’a avok malaikana hAlonina, avok Gor timina mi.

Vama ndum mbeina 14:8

Malaika ma mbàna mi mba blogomu, mi dala: Babilon nda ngola, ti puk wa, ti puk wa, ni d’a handjaf suma yam andagad’a pet süm mat ma tcho ma mizeunid’a.

Vama ndum mbeina 18:3

Kayam andjaf suma yam andagad’ina pet a tche süm mat ma tcho ma mizeuna. Amulei suma yam andagad’ina a le mizeuna ki sed’ed’u, suma mbut abozi suma yam andagad’ina a mbut suma ndjondjoîna ki djivi mata.