Jeremi 25:15 - Bible azumeina

¹⁵ Ma didina Alona hi Israel-lîna mi dan ala: Ang ve kop ma süm guguzlud’a ma ayî mana nga oîd’a kurâ, ang hum mandjaf ma lara ma an nga ni sunung atazina á tched’a.

Jeremi 25:15 Kruisverwysings

Wana ni mbaktumba hi Job-pa 21:20

Ni mam tamba ba, mi gol ndak mamba ki iramu, ni mam tamba ba, mi tche ayîna hi Ma ad’engêm kal petnina mi.

Sawal la giled’a 11:6

Ma didina nga mi yagï gordjona kakud’a ki sufred’a yam suma asa’atna, nga mi gad’azi ki babar ma bibi’â; wana ni b’rau d’a mi ngazizi kazid’a.

Sawal la giled’a 60:3

Alo mamina, ang arami woyo, ang b’rawami woi yayak, ang hurung zal kamiya, wani ki tchetchemba, ang hulongômi blangâmina.

Sawal la giled’a 75:8

Kayam Alona ni ma ka sariyad’a; nga mi ge sana yam kä, nga mi hle sana yam akulo mi.

Sawal la giled’a 75:9

Ma didina mi nga ki kop ma nga oîd’a kayî mamina abomu. Ayî mama ni d’igi süm ma teteng ma a gizeyêm kahle suma ayînina na. Mi vom mi suma asa’at suma yam andagad’ina pet; a tchum mbei ki damndjagam pet.

Isai 14:26

Wana ni nga hur ma Ma didina mi ngam yam suma yam andagad’a petna, wana nabom ma mi zim akulo yam andjaf suma petna mi.

Isai 34:2

Kayam Ma didina hurum mi zal yam andjaf suma pet, hur mam ma zal ma gugulu’â mi nga yam azigar mazina mi. Mi nga hurum á dabazi woyo, mba mi tchimizi woi ngingidjip mi.

Isai 51:17

Ndak Jerusalem, ndak ka Ma didina mi hak kop ma ayî mama ndak tchum mbei ki hargak mamba pet mi vid’ik yak kei d’igi süm ma ayîna nga mi vit yam suma woi na d’a, ndak zlit akulo, ndak zlit akulo, ndak tchol akulo.

Isai 51:22

Gola! Salad’a Ma didina Alo mak ma nga mi ndjun yam sum mamina, mi dala: Gola! An nga ni hle kop ma süm ma mi vid’ik yak keina woi abogu. Ndak dok tche ayî man ma kur kopmina bugol luo d’a.

Isai 51:23

An mba ni hum mbei abo suma a lak ndakina, suma a dak ala: Ndak klup huruk kä, ami tchilami kagu na. Ata yi máma ndak mbut huyogok ni d’igi andagad’a na, d’oze d’igi ir palumba na á tit kagu.

Jeremi 1:5

An wangî avok ka bei an kolong kur asung ba d’a; avok ka bei ang ndeï woi kur asung ba d’a, an tining irang vangû, an tining man ma djok vuna mandjaf suma.

Jeremi 36:2

Ang hle mbaktum mba d’ut ta hawad’a, ang b’ir zla d’a pet ta an dangzi adjeu yam Israel-lâ yam suma Juda-na yam andjafâ pet tinï ad’ud’a kur bur ma an dang zlad’a kur atchogoid’a hi Josiyas-sa dei gak inid’a.

Jeremi 43:11

Mam mba mi mba, mba mi dur ambas sa Ezipte-d’a. Suma a ngazi matna kazina a mba bo, suma a ngazi magomba kazina a mba i magomba, suma a ngazi mbigeu d’a fiyaka kazina a mba tchazi ki mbigeu d’a fiyaka mi.

Jeremi 45:5

Ang nga halî ahle suma nglona kang ang zu? Ang halazi d’i, kayam an nga ni mba ki ndaka yam suma pet. Ata yima lara ma ang mba i kuana pet, an mba ni hang ari manga ni d’igi vama a hurumumï avun ayînina na. An Ma didina ni de na.

Jeremi 46:1

Wana ni zla d’a Ma didina mi dat mi ma djok vun Alona Jeremi yam andjaf sumid’a:

Jeremi 48:26

Agi gurud’ugi azì ma Mowap-ma woi ki süma kayam mi hle yam akulo avok Ma didina. Ar mi bulul kä aduk vin mama, ar mi mbut vama sanda hi sumina.

Jeremi 49:12

Ma didina mi dala: Suma an ka sariyad’a kazi ala arazi a tche kop máma d’uo na, a mba tchum mbeî! Agiya, a mba aragi bei ngopa zu? A mba aragi bei ngopa d’i. Agi mba tchum mbeî.

Jeremi 51:7

Adjeu Babilon ni kop ma lor ma mi nga ved’a abo Ma didinina, ni ma mi gurut suma yam andaga woi petna. Andjaf suma a tche süm guguzlu mata. Ni kayam ndata ba, andjaf suma yazi d’i b’lak ki wana!

Ezekiyel 23:32

Salad’a Ma didina mi dala: Ndak mba tche ki kopma hi wiyeka ma hurum zula kä yuruk ma vunam mbei bubud’ina. Ndak mba d’i mbut ni vama sanda ki vama lasa, kayam kop máma mi oî woi tchid’it.

Ezekiyel 23:33

Ndak mba d’i ka guruta ki süma ki ndaka. Ni kop ma b’laka, ni kop ma mandarâ, ni kopma hi wiyeka Samari-na.

Ezekiyel 29:12

An mba ni mbut ambas sa Ezipte-d’a djona kal ambas sa ding nga teteng nga ar djonid’a, azì mat ma nglona mba mi ar djona kal azì ma nglo ma teteng ma ar djonina gak biza d’a dok fid’i, an mba ni djoî Ezipte-na woi aduk andjaf suma dingâ, an mba ni digizi woi kur ambasa teteng mi.

Ezekiyel 36:5

An Salad’a Ma didina ni dala: Gagazi, kur hur ma zal man ma gugulu’â ki yungôr mana an nga ni de zlad’a mandjaf suma dingâ ki suma Edom-ma pet suma a mbut ambas manda mazid’a ki furî mazi d’a kuruzid’a ki gol is mazid’a tala a hurumut ahligiyed’u d’a.

Abdiyas 1:16

Agi Israel-lâ, agi tchagiya wa kur kop man ma ayîna yam ahina man nda a tinit irat vata. Andjaf suma dingâ a mba tchumî hina baba, azi mba tchum gak a gurut kiya. Bugola, azi mba dap pei ki irazi fafat.

Habakuk 2:16

Wani ang tang zulona mba mi lang kal subura. Ang tang tchë, ar gandilad’a. Ma didina mba mi gad’ang kayî mama, subur manga mba d’i mbut zulona.

Vama ndum mbeina 14:10

mam tamba mba mi tche süm ma ala nayîna hAlona ma mam vom kur kop mam ma ayînina. Suma pet suma a le hina na, a mba fe ndaka aduk aku d’a sufred’a avok malaikana hAlonina, avok Gor timina mi.

Vama ndum mbeina 14:19

Ata yi máma, malaikana mi tin mbaragum mamba yam andagad’a, mi ngat vud’a guguzlu d’a yam andagad’id’a, mi tchugut kur zul la miret guguzlu d’ala nayî ma ngolâ hAlonina d’a.