Jeremi 25:11 - Bible azumeina

¹¹ Ambas ndata ki zla tat pet mba d’i mbut ni djona, suma a mba le atchap kad’u, andjaf sum ndazina a mba le sunda mamul ma Babilon-na gak bizad’a dok kid’iziya.

Jeremi 25:11 Kruisverwysings

2 Sunda Hamuleinid’a 36:20

Nebukanezar mi yo suma a sut tei avun ayînina, mi i ki sed’ezi Babilon, mi mbud’uzi magumei mama ki magumeina hi gromina mi gak a mba kur atchogoi d’a amul ma Perse-na mi mba á te leud’id’a.

Isai 5:6

An mba ni arat ti b’lak keyo, sa mba mi tchawat abot tei d’i, sa mba mi lat barat tuo mi. Kekerezeuna kaweid’a a mba deî adigad’u. An mba ni he vuna mi d’ugula ar ti salona kat ti.

Jeremi 25:12

Ma didina mi de kua ala: Wani fata biza d’a dok kid’iziyad’a ndaka, an mba ni mba ni ngop amul ma Babilon-na ki sum mama yam tcho mazid’a, an mba ni b’lak ambas mazi d’a Babilon-nda woyo, an mba ni mbud’ut djona gak didin.

Jeremi 25:38

Ma didina mi ar yam ma kaka woi d’igi azlona mi ar domi mama woi na, ambasa ti mbut djona, ti b’lak kei abo ayî ma durâ, abo ayî mam ma bibiliuna.

Jeremi 27:22

A mba yozi a izi Babilon, a mba ar sä kua gak bur ma an mba ni mba kazi ni hulongôzi ni mbazi ka hî na. An Ma didina ni de na.

Jeremi 27:7

Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Jeremi 28:14

Jeremi mi de kua ala: Ma didin ma ad’engêm kal petna, Alona hi Israel-lîna, mi dala: An nga ni ge djuk ma kaweina kel andjaf suma wana pet. A mba le sunda mi Nebukanezar amul ma Babilon-na. An mba ni hum azurei suma abageina abom mi.

Jeremi 29:10

Gola! Ma didina mi dala: Fata biza d’a dok kid’iziya d’a ngat yam Babilon-nda ndaka, an mba ni mba á d’ugiya, an mba ni ndak vun zla d’a djivi d’a an hlagi vunan kata, an mba ni mbagi ka hî.

Jeremi 4:26

An gola, asine ma tub’ad’a mi mbut wa hur fulâ; azì mam ma nglona pet mi to kä woi avok Ma didina abo ayî mam ma bibiliuna.

Jeremi 4:27

Ma didina mi de kua ala: Ambasa ki zla tat pet nga d’i mbut djona, wani an mba ni b’lagat tei ki zla tat pet ti.

Jeremi 43:10

Ang de mi Juif-fâ ala: Ma didin ma ad’engêm kal petna, Alona hi Israel-lîna, mi dala: Gola! An mba ni sun ni halï Nebukanezar amul ma Babilon-na azong mana, an mba ni tin zlam mam mba amula yam ahuniyô suma an ngeyezi kä wana, mam mba mi bar tapi mama kazi mi.

Jeremi 44:22

Ma didina mi ndak á ve tam yam asa’at ta agi lata ki sun nda ndjendje d’a agi lata d’uo mi. Ni kayam ndata ba, ambas magid’a ti mbut vama b’laka, vama atchapma, vama a golom isâ bei fe sama kaka kurâ gak ini wana.

Ezekiyel 12:19

Ang de mi suma kur ambas sa wandina ala: Salad’a Ma didina mi de mi suma a nga kaka Jerusalem yam andaga d’a Israel-lina ala: A mba te te mazina ni ki tcha d’a tatad’a, a mba tche mbiyo mazina ni ki hohoud’a, kayam ambas mazid’a mba d’i ar djona, ahle suma kurutna pet a mba dap pei yam murud’umba hi suma nga kurutna.

Ezekiyel 29:11

Asem sa d’oze asem ambur mba mi tchila kua d’i, sa mba mi kak kur ri gak biza d’a dok fid’i.

Ezekiyel 6:14

An mba ni hlabon kan akulo á ngoboziya, an mba ni mbut ambas mazid’a djona, an mba ni mbud’ut fula tinï ad’ud’a hur ful ma abo ma sutna dei gak mba ata azì ma ngol na Ribla-na. A mba wala an ni Ma didina.

Daniel 9:2

an Daniel ni gol kur mbaktum mba a tinit irat vata. Ata yi máma an wäd’u zla d’a Ma didina mi dat mi mam ma djok vuna Jeremi ala: Jerusalem mba d’i ar djona gak bizad’a dok kid’iziya d’a.

Sunda hi suma hi Levi-nid’a 26:32

An tanda mba ni b’lak ambas magid’a woyo; magi suma djangû suma a mba kak kurâ, a mba le atchap kad’u.

Mise 7:13

Andagad’a handjaf suma dingîd’a mba d’i mbut djona yam suma a nga kaka kurutna, yam sun mazi d’a le d’a tchod’a.

Zakari 1:12

Ata yi máma malaika máma mi dala: Ma didin ma ad’engêng kal petna, ni mindja ba, ang mba we hohowa suma Jerusalem-ma ki suma kur azì ma nglo ma Juda suma ang hurung zal kazi gak bizad’a dok kid’iziyana ge?

Zakari 7:5

Ang de mi suma yam ambas sa wandina ki suma ngat buzuna mi ala: Ata yima agi nga tchigi d’elegi tagi bei te tena kur til ma vahlâ kur til ma kid’iziyana gak ini biza d’a dok kid’iziyana, ná lan tan djivid’a zu?