Jeremi 25:10 - Bible azumeina

¹⁰ An mba ni tchi sawal la aîd’a, sawal la furîd’a, sawala hi gor azong ma tel atchad’a awilina, sawala hi gor wei d’a a telet awilid’a, tchina hahina d’a lutna ki b’od’a hi lalamba woi pet adigaziya.

Jeremi 25:10 Kruisverwysings

Ester 3:13

A sun mbaktumba abo suma sunda yam ambas sa amulâ nga mi te kata pet ala: A i b’lak Juif-fâ woyo, a tchazi woyo, a dabazi woi pet, nala, azungeîna, momorogeina, kemba karopma kur bur ma tuna, nala, kur bur ma dogo yam hindina hi til ma dogo yam mbà ma a yum ala Adar-râ, ar a hurumuzi ahligiyezi mi.

Ester 7:4

Kayam ami ki sum mana a guzumi ni woi á b’lagami á tchami woyo, á lud’ud’umi woi mi. Le a guzumi woi ná mbud’umi magumeina go ni, an mba ni de zla d’i. Wani ma djangû mamina mba mi fe lovota á wuragang yam b’lak mamid’a d’i.

Ester 8:11

Amulâ mi he vuna kur mbaktum ndata mi Juif suma a nga kaka kur azì ma ngol ma lara ge petna ala a tok tazi ata yima tuna, a dur yam taziya, a dap suma d’oze a b’lak suma d’oze a tchi suma kur ambas sa lara ge pet suma a mba yo ahle suma sïna abozi á duruzina zlapa ki grozina kamiyôzina, a hurumuzi ahligiyezi mi.

Isai 47:2

Ndak hle gor ahinana, ndak lut afuta. Ndak yo baru d’a zlupa kaka woyo, ndak yo vun baru maka akulo, ar vun guguvak keyo, ndak djak aluma.

Jeremi 16:9

Kayam an Ma didin ma ad’engên kal petna, Alona hi Israel-lîna, ni dala: Kur atchogoi magid’a an mba ni d’el sawal la aîd’a, sawal la furîd’a, sawala hi gor azong ma tel atchad’ina ki sawala hi gor wei d’a a telet awilid’a kur yima wana kä iragi na!

Jeremi 48:33

Furîd’a ki hur ma hapma a ndjoî woi kur asine ma wul guguzlud’a, kur ambas sa Mowap-pa. An ni sid’am süm guguzlud’a woi kur yima a mired’em kuana, a mba miret guguzlud’a ki furîd’a d’uo d’a. A mba humï del la ayîna, nga ni del la furîd’a d’uo d’a.

Jeremi 7:34

An mba ni seng vun suma kur azì ma nglo ma Juda-na ki vun suma ir palum mba Jerusalem-mbina. A mba hum del sawal la furîd’a d’oze sawal la hur ma hapma d’oze sawala hi gor azong ma vatchad’a awilina d’oze sawala hi gor wei d’a teleta d’uo mi, kayam ambasa mba d’i b’lak keyo.

Hor ma tchina 5:15

Furî nga kurumi d’uo d’a, lü mamina mi mbut ni hor ma ged’a.

Ezekiyel 26:13

An mba ni d’el sawal la ablau d’a a hlat kur aziyagid’a, a mba hum del ading magina tchina avo hatagi d’uo d’a.

Wana ni mbaktumba hi Oze-d’a 2:11

Kayam ndata, an mba ni hulong ni ve geme mana woi abot ata yima zed’a, ni ve süm guguzlu manda woi ata yima duta, an mba ni yo tumus tumiyô mana ki baru man nda luluîd’a suma a zlubut ki gandila matina woi atad’u.