Jeremi 24:8 - Bible azumeina

⁸ Zlad’a yam tulum ma tcho ma mi ndak á ted’a d’uo na ba wana: An mba ni le ki Sedekiyas amul ma Juda-na ki mam suma sunda ki suma a ar avo Jerusalem suma a ar kur ambas sa wandina ki suma a nga kaka Ezipte-na ni hina dedege mi.

Jeremi 24:8 Kruisverwysings

1 Sunda Hamuleinid’a 3:15

Josiyas groma ba wana: Ma avo’â ni Johanan, ma mbàna ni Jojakim, ma hindina ni Sedekiyas, ma fid’ina ni Salum.

Jeremi 13:7

An hulong avun alum ma Efrat-na, an hal d’ik máma, an yomï ata yima an ngeyem kuana, an golom wani mi b’laga, mi ndak á le va d’uo d’a.

Jeremi 21:10

Kayam an nga ni mbut iran á le sulu’â mi suma kur azì ma wanina, nga ni ngalam mbei kakud’a. An mba sud’um mbi. An Ma didina ni de na.

Jeremi 24:2

Tulum ma kur gagalaga d’a tud’ina ni tulum ma djivina d’igi tulum ma mi ne avo’â na. Ma kur gagalaga d’a mbàd’ina ni tulum ma tcho ma mi ndak nga á ted’a d’uo na.

Jeremi 24:5

Wana ni zla d’a an Ma didina Alona hi Israel-lîna ni data: D’igi ang we tulum ma djivina ki irang na, an mba ni we suma Juda suma an mba ni yozi ni izi sä yam ambas sa Babilon-ndina djivid’a iran na mi.

Jeremi 37:10

Ladjï agi durugi ayîna ki azigar suma Babilon suma a nga durugi ayînina, ladjï arî suma agi dagazina go pî, nge nge pî kur zlub’u mamba mba mi hulong mi tchol mi ngal azì ma ngol ma wana woi kakud’a!

Jeremi 37:17

Amulâ Sedekiyas mi sun atam mi halamïya, mi djobom gumun avo hatam ala: Na ni zla d’a ding nga tcholï avun Ma didinid’a nga zu? Jeremi mi hulong dum ala: Â, nga! Jeremi mi dum kua ala: A mba hang abo amul ma Babilon-na.

Jeremi 43:1

Ata yima Jeremi mi dap zla d’a de d’a pet ta Ma didina Alo mazina mi dumzid’a ki zla d’a pet ta Ma didina Alo mazina mi hum vuna kat á dazizid’a petna,

Jeremi 44:1

Ma didina mi de zlad’a mi Jeremi yam Juif-fâ pet suma a nga kaka yam ambas sa Ezipte-d’a suma a nga kaka kur azì ma nglo ma Mikdol ki Tapanes ki Nof ki ma Patros-sâ, mi dala: