Jeremi 24:2 - Bible azumeina

² Tulum ma kur gagalaga d’a tud’ina ni tulum ma djivina d’igi tulum ma mi ne avo’â na. Ma kur gagalaga d’a mbàd’ina ni tulum ma tcho ma mi ndak nga á ted’a d’uo na.

Jeremi 24:2 Kruisverwysings

Isai 5:4

Vama ar ma an bei lum mi guguzlu mandina ni me ge? An tin hurun ala mba d’i vud’un ni vut ta djivid’a ba, ni kayam me ba, ti vud’un vut ta tchod’a zang nge?

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Jeremi 29:17

Ma didin ma ad’engêm kal petna mi dala: Gola! An nga ni sun ayî ma durâ ki baktarad’a ki tugud’ei d’a tcho d’a tchi matna kaziya, an mba ni mbud’uzi d’igi tulum ma tchim ma tcho ma sana mi ndak á tum mbuo na na.

Wana ni mbaktumba hi Oze-d’a 9:10

Ma didina mi dala: An fe Israel-lâ nabagei hur fulâ d’igi guguzlud’a na, an wabuyozi ngolo ni d’igi vud’a tulum ma mi ne avo’â na, wani a i bugol alo ma a yum ala Bäl-Peyor-râ, a tin tazi irat vat mi va mazi ma ndjendjed’a, a mbut ndjendjed’a d’igi va mazi ma huruzi vuma na.

Mise 7:1

Ni zla d’a hohoud’a kanu! An mbut ni d’igi sama mi tchi helena balum sumina na, d’igi sama mi tchi helena balum guguzlu d’a a dud’ut teid’a na, nga ni fe vud’a guguzlud’a á ted’a d’i, nga ni fe vud’a tulum ma awili ma an minima d’uo mi.

Nahum 3:12

Yi mang ma ad’eng ma ngunguna mba mi mbut ni d’igi vud’a tulum ma mi ne na na. Ata yima a gazama, mi ndeï kä avun sama mi min á tuma.

Ndumba 18:13

Ahle suma navok kur asine suma a mba handji mi an Ma didinina, a mba arî mangâ. Sama lara ma avo hatang ma yed’etna, mi ndak á taziya.

Matiye 5:13

Jesus mi had’azi kua ala: Agi ni d’igi ndjuvuna hi suma yam andagad’ina na. Le ndjuvuna ayâm pat teyo ni, a mba minim ni ki me ge? Mi ndak á le va d’i, wani a komzi ni woyo; suma a mba mired’em kä kaseziya.