Jeremi 24:1 - Bible azumeina

¹ Bugol la Nebukanezar amul ma Babilon-na mi yo Jekoniya Jojakim goroma amul ma Juda-na ki suma nglona ki suma d’alâ ki suma tchafa avo Jerusalem mi i ki sed’ezi Babilon-nda, Ma didina mi tagan gogologei suma mbà suma tuluma nga kuruzina. A nga tinda kä avok gong nga kud’ora hi Ma didinid’a.

Jeremi 24:1 Kruisverwysings

2 Amuleina 24:10

Kur atchogoi ndata, azigarâ hi Nebukanezar amul ma Babilon-na ki mazi suma nglona a mba ata Jerusalem, a nguyud’u.

2 Sunda Hamuleinid’a 36:10

Kid’a a mba kur biza d’a awilid’id’a, Nebukanezar mi vum mi i ki sed’em avo Babilon zlapa kahle suma guzuzi kal tegles suma a le ki sunda kur gong nga kud’ora hi Ma didinid’ina, mi tin wiyema Sedekiyas amula yam suma Juda-na ki suma Jerusalem-ma mi.

Isai 13:1

Wana ni zla d’a sun nda Ma didina mi ndat tei ir Isai Amot goroma yam Babilon-nda:

Jeremi 13:19

Kayam azì ma nglo ma abo ma sutna a dugum wa vunam akulo, sama malam mbeina mi nga d’i, kayam suma Juda-na pet a yoziya, a yozi wa magomba ki zla tazi pet.

Jeremi 27:20

Nahle suma Nebukanezar amul ma Babilon-na mi yozi nga d’uo kid’a mi ve Jekoniya Jojakim goroma amul ma Juda-na ki suma nglo suma Juda-na pet avo Jerusalem mi izi magomba Babilon-nda.

Jeremi 28:4

Ma didina mi de kua ala: An mba ni hulongî Jekoniya Jojakim goroma amul ma Juda-na ki suma pet suma a yozi ka hî avo Juda a i ki sed’ezi Babilon-na ka hî, kayam an nga ni kus dju’â hamul ma Babilon-nina woyo.

Jeremi 29:1

Wana ni mbaktum mba ma djok vun Alona Jeremi mi b’irit avo Jerusalem mi sunut mi suma nglona, suma ngat buzuna, suma djok vuna ki suma pet suma Nebukanezar mi yozi avo Jerusalem mi izi magomba Babilon-na.

Jeremi 29:2

Mi sun mbaktum ndata ni bugol la amulâ Jekoniya kasum ki suma sunda ki suma nglo suma Juda-na ki suma Jerusalem-ma ki suma d’alâ ki suma tchafa a ar Jerusalem dad’a.

Jeremi 37:1

Nebukanezar amul ma Babilon-na mi tin Sedekiyas Josiyas goroma amula yam ambas sa Juda-d’a balum Jekoniya Jojakim goroma.

Ezekiyel 17:4

Mi kam abom ma sä akulo deina, mi pir mi i ki sed’em yam ambas sa suma a nga mbut abozi kuad’a, mi pum kä hur azì ma ngol ma suma a nga gus ahlena woi kuana.

Ezekiyel 19:9

A tanam ki kawei ma vunam gundina, a gum kur kes ma kaweina, a im mamul ma Babilon-na, a im kur gong nga dangei d’a ad’eng nga ngungud’a, kayambala a humum delem tchina yam ahuniyô suma Israel-lâ d’uo d’angû d’a.

Amos 3:7

Gagazi, Salad’a Ma didina nga mi le va gumun bei mi tagam mbei mazungeî mam suma djok vuna d’i.

Amos 7:1

Wana ni vama Salad’a Ma didina mi tagandji ata yima vana nde tam mbei irana: Ata yima asuna nga mi tin ad’ud’a á d’ufâ bugol ma a ngad’am ma amulîna, mi le djera.

Amos 7:4

Salad’a Ma didina mi ndan vama dingâ iran ndei kua. Mi yakud’a á ka sariyad’a. Ti ngal zul la ngol la yiyika, ti ngal asinena woi mi.

Amos 7:7

Salad’a Ma didina mi ndan vama dingâ iran ndei kua. Ma didina mi nga tchola yam gulumuna ki plom ma d’op gongâ abomu.

Zakari 1:20

Bugola, Ma didina mi tagan suma tchafa fid’i.

Zakari 3:1

Ma didina mi tagan ma ngol ma ngat buzuna Josue ma nga tchola avok malaikana hi Ma didinina. Seitan mi nga tchola yam Josue bigam mba ndjufa á vum ki zlad’a.