Jeremi 23:9 - Bible azumeina

⁹ Wana ni zla d’a Jeremi mi dat yam suma djok vunid’a: Hurun b’lak kurun krovo, asogon pet nga mi zlaga. An mbut ni d’igi sama mi gurut ki sümina na, d’igi sama mi hle titigir abo süm guguzlud’ina na yam Ma didina, yam zla mam mba yed’eta mi.

Jeremi 23:9 Kruisverwysings

Sawal la giled’a 60:3

Alo mamina, ang arami woyo, ang b’rawami woi yayak, ang hurung zal kamiya, wani ki tchetchemba, ang hulongômi blangâmina.

Sawal la giled’a 69:20

Ang we ngul la azi nga ngulunda, ang we mbut ta azi nga mbud’un zulonid’a, ang we mang nga azi nga mangân ndeid’a, ang we man suma djangûna pet mi.

Isai 28:1

Wana ni zla d’a hohoud’a yam azì ma ngol ma Samari ma hle tam d’igi avaval la subur ra d’a suma Efraim suma a gurut ki sümina a kulubut kazina d’a. Nazì ma akulo yam yima nding ma avun hor ra tub’ad’a. Ni ma djif mama nga mi ngal wiwilik yam mam suma a nga gurut ki süma d’igi b’o d’a yak keid’a na na.

Isai 29:9

Agi tchologi ndjö, agi lagi atchap, agi dugugi iragiya, agi mbud’ugi suma duka, agi nga gurud’ugiya, wani bei tchagi süm guguzlud’a ba! Agi hlagi titigir, wani bei tchagi süm ma ayîna ba!

Isai 51:21

Ndak Jerusalem mba hohoud’a, ndak ka gurut nga ni ki süm guguzlud’a d’uo d’a, ndak huma.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Jeremi 20:9

Le an dala: An min dang zlang ngei d’uo, an min de zlad’a ki simiyêng nguo d’angû ni, gol wani, hurun nga mi ngalan d’igi akud’a na, ti nga d’i ngalan aduk asogonu, an kau á vad’u, an ndak á ve tan nduo mi.

Jeremi 36:16

Kid’a azi hum zla ndata peta, a nde gol ir tazi ki mandarâ, a de mi Baruk ala: Ami i dami zla ndata mamulâ pet.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Jeremi 8:18

Jeremi mi dala: Hurun b’lak kurun kakazeî, wani kuma ma b’lengên huruna nga d’i.

Jeremi 9:1

Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.

Hor ma tchina 3:15

Mi hobon kahlap ma aglarâ, mi han ahle suma azleîna á tched’a.

Ezekiyel 13:3

Salad’a Ma didina mi dala: Ni zla d’a hohoud’a yam suma djok vun suma lili suma a nga tit bugol djib’er mazid’a bei we va ba na.

Ezekiyel 9:4

Mi dum ala: Ang i kur azì ma ngol ma Jerusalem-ma pet, ang b’ir vama taka avor suma a nga hat huruzi suma a nga tchi yam ndjendje d’a lara ge pet ta suma a nga lat kurumba.

Ezekiyel 9:6

Agi tchagi suma woi pet, nala, momorogeina, gro azungeîna, gro arop suma bei a ngaf kandjofâ ba na, kemba karopma mi. Wani agi dogi suma a nga ki vama taka avorozina d’i. Agi tinigi ad’ud’a ni kur yima an tinim iram vama. Azi tin ad’ud’a ni yam suma nglo suma a nga kaka kä avun gong man nda kud’orina.

Daniel 8:27

An Daniel djib’eren ti b’lak ngola, ni mbut tugud’eid’a burâ tcha. Bugol la an mbut gangrangid’a, an ve sunda hamulîd’a led’a. Wani an kak ki djib’era yam vama nde tam mbei iran máma, kayam an wum nga ad’um mbi.

Habakuk 3:16

An hum hina, wani vunadigan ndi pad’a. Kid’a an hum siwel ndatid’a, vunan nde zlaka, tan ndi tchuk susub’ok, asen mi nde zlaka kikib’i mi. An ni kak tchugot á djup bur ma ndak ma ang Alona mba ka sariyad’a yam suma a mba mba á lami tchod’ina.

Romê-na 7:9

Adjeu d’a gata ti nga kan nduo d’a, an nga karid’a. Wani ata yima vun ma hed’a hi gatina mi mbana, tchod’a ti mbut arid’a,