Jeremi 23:5 - Bible azumeina

⁵ Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Jeremi 23:5 Kruisverwysings

2 Samuel 23:3

Alona hi Israel-lîna mi de, ahinad’a hi Israel-lîd’a ti dan ala: Sama nga mi te yamba aduk suma ki d’ingêrina, nga mi te yamba kur mandarâ hAlonina,

Sawal la giled’a 45:4

Ma ad’eng ma dur ayîna, ang djin mbigeu mang nga fiyaka furungû. Ti ta’î subur manga ki haheî manga mi.

Sawal la giled’a 80:15

Alo ma ad’engêng kal petna, ang mbud’ï irangû, ang golï akulo, ang we, ang mbeï we hohowa guguzlu ndata.

Sawal la giled’a 99:4

Ar azi gileng ang amul ma min d’ingêrina. Ni ang ba, tin d’ingêra ki sariya d’a ka d’a irata aduk andjafa hi Jakob-ma mi.

Isai 33:5

Ma didina ni ma suma a nga hum ngolina, kayam yam ma kaka mi sä nakulo, mi oî Siyon ki d’ingêra ki gagazid’a mi.

Isai 4:2

Kur bur máma agu ma hud’ura hi Ma didinina mba mi deî mba mi mbut vama hud’a, vama subura mi. Ahle suma a vut yam andagad’ina, a mba wile ki djifâ yam Israel suma a arâ.

Isai 42:6

An Ma didina ni yangî yam d’ingêra, an nga ni vang abong akulo, an nga ni ndjunungû, an nga ni tining á djin vunang ki suma pet á mbut b’od’a handjaf sumid’a,

Isai 45:24

A mba de kan ala: Nata Ma didina tu ba, ang fe d’ingêra kad’enga. Suma pet suma a mba dur ayîna ki sed’ena a mba mbeï geven ki zulona.

Isai 52:13

Ma didina mi dala: Azong mana mba mi i avogovogo, mba mi subur tamu, mba mi hle yam akulo, a mba hum ngola mi.

Isai 53:10

Ma didina tam lum djivid’a á tom ki ndaka. Bugol la mi he tam vama ngat buzuna yam tchod’id’a, mba mi we andjavamu, burum mba mi i avogovogo, mba mi i ki minda hi Ma didinid’a avogovok mi.

Isai 53:2

Mi wul avoromî d’igi agu ma mi deî awilina na, d’igi agu ma mi deî yam andaga d’a sod’ina na mi. Mi nga ki djif foze mi wile tala ei golomu d’a d’i, iram mbi nga djivid’a á togei irei kam á gola d’uo mi.

Isai 9:5

Kayam mba d’i vud’i gorâ, Alona mba mi hei gorâ. Mba mi tinim á te yamba, mba mi yum ala Ma suma a le atchap kama, Ma de d’alâ, Alo ma ad’engêm kal petna, Abu d’a didinda, Amulâ hi halasina.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 22:15

Na ni ang nga tamula ni kayamba ang min agu sedrena heîd’a zu? Abung mi te mi tche mi d’uo zu? Wani mi ka sariya d’a d’ingêra, mi le sun nda irata mi. Ni kayam ndata ba, mi kak ki djivid’a.

Jeremi 22:3

Ma didina mi dala: Ar agi kagi sariya d’a d’ingêra, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Ar agi lagi angeina d’oze ma hokuyod’a d’oze ta modonod’a tchod’a d’i, ar agi lagi murud’umba d’i, ar agi tchagi suma bei zlad’a kazi ba na kä ata yima wana d’uo mi.

Jeremi 22:30

Mi dala: Ar a b’ir sa máma d’igi sama bei grona na, ni sama mi fe nga djivid’a kur kak mamba d’uo na. Andjavam tu pî mba mi fe lovota á kak yam zlam mba amula hi David-ta d’i, tu pî mba mi fe lovota á te leud’a yam azì ma Juda-na d’uo mi.

Jeremi 23:6

Kur atchogoi mamba mba mi sut suma Juda-na. Israel-lâ a mba kak ki halasa, a mba yum ala: Ma didina ni d’ingêr meid’a.

Jeremi 29:11

Ma didina mi dala: An we nga hur ma an ngam kagina. Ni nga hur ma halasâ, nga ni ndaka d’i, á hagi vama djivi ma nga mi mba ma agi mba tinigi hurugi kama.

Jeremi 30:3

An Ma didina nga ni dangû, burâ nga mi mba, ni bur ma an mba ni hulongî man suma Israel-lâ ki man suma Juda-na woi kur magombina, an mba ni hulong ni mbazi ka hî yam ambas sa an hat mabuyozi ngolod’a, azi mba kak kat kua.

Jeremi 30:9

Wani a mba le sunda mi an Ma didina Alo mazina, a mba le sunda mi David ma an mba ni tinim amula tua na mi.

Jeremi 31:27

Ma didina mi dala: Gola! Burâ nga mi mba an mba ni zar suma ki d’uwarâ kur azì ma Israel-lâ kur azì ma Juda-na d’igi sana mi zar awuna kur asinena na.

Ezekiyel 21:27

Vama tagam lovota yam Jerusalem-ma mi nga ved’a abom ma ndjufâ. Mba mi he vuna mi suma tchi suma á tchi wulula, á min vama to gulumuna kä woina, á ndjar vama to gulumuna avun agre’â, á mbu andagad’a akulo ad’u azina, á ka azigar suma ayîna woi dudup mi.

Ezekiyel 34:16

An mba ni hal suma a vit teina, an mba ni hulongî suma a ba woina, an mba ni djin mbuleina hi suma a fe dakina, an mba ni had’enga mi suma tugud’eid’a. Wani suma d’orâ ki suma ad’engâ, an mba ni tchazi woyo, an mba ni polozi pol la d’ingêra.

Ezekiyel 34:29

An mba ni vazi asine ma simiyêm nde yinina, meid’a mba d’i tchazi kur ambasa d’uo d’a, andjaf suma dingâ a mba kragazi ngula d’uo mi.

Ezekiyel 45:8

Hina wani, amulei mana a mba kak kur andaga mazid’a tata, a mba tamula yam sum mana kad’enga d’uo d’a, a mba ar andaga d’a a hat mandjaf suma Israel-lâ á kaka kuad’a.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Mise 5:3

Gor ma a vud’um máma mba mi polozi kad’enga hi Ma didinid’a ki ngola hi Ma didina Alo mamid’a. Azi mba kak ki halasa, kayam suma a suburum gak avun dabid’a handagad’id’a.

Zakari 3:8

Ang ma ngol ma ngat buzuna Josue, ang ki ndrong suma nga kaka avorong wana, agi humugiya, agi sumala ni vama taka yam sut ta nga d’i mbad’a na. An nga ni mba kazong man ma a yum ala Agu ma hud’ura na.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Matiye 2:2

A djop ala: Amulâ hi Juif-fâ ma a vud’uma, mi nga ni lara ge? Ami wamï tchitchiu mamba abo ma yorogona, ami mba á kud’uromu.

Jean 1:45

Filip mi fe Natanayel, mi dum ala: Ami fami wa ma Moise mi b’irim zlam kur gatina, ni ma suma djok vun Alona a b’ir kama. Mam mi Jesus ma Nazarat-na, Josef goroma.

Jean 1:49

Natanayel mi hulong dum ala: Ma hat suma, angî Alona Goroma, angî amulâ hi Israel-lîna.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

Hebre-na 8:8

Wani Alona mi tin zlad’a yam sum mama d’igi mi de kur mbaktum mamba na ala: Ma didina mi dala: Gola! Burâ nga mi mba. Kur bur máma an mba ni djin vunan djin nda awilid’a ki Israel-lâ ki suma Juda-na mi.

Vama ndum mbeina 19:11

An we akulod’a ti mal leyo, akulum ma hapma mi nde woi kuru. Ma nga kama a yum ala Ma d’engzeng ma gagazina. Nga mi ka sariyad’a, nga mi dur ayî ma d’ingêrâ mi.