Jeremi 23:3 - Bible azumeina

³ An mba ni togï tumiyô mana ad’uzi d’a ara kur ambas sa lara ge d’a an digizi woi kuad’a, an mba ni togozi kur kangâ mazina; a mba vut ablaud’a, a mba zul ndjondjoî mi.

Jeremi 23:3 Kruisverwysings

Sawal la giled’a 106:47

Ma didina Alo mamina, ar ang sud’umiya! Ar ang togomi woi aduk andjaf suma kayambala ami gileng simiyêng ma bei tchod’a, ami kagami ki furîd’a á suburung mi d’a.

Jeremi 16:15

Wani a mba gun tazi nala: An gun tan ki Ma didin ma bei matna ma buzugï Israel-lâ woi kur ambas sa abo ma norîd’a, kur ambas sa lara ge pet ta mam ndjoyôzi woi kuad’a! An mba ni mbazi yam andaga d’a an hat mabuyozi ngolod’a.

Jeremi 29:14

Ma didina mi dala: An mba ni tak tan ndei iragiya, an mba ni buzugugï woi kur magomba, an mba ni togogi woi aduk andjaf suma pet ata yima lara ma an ndjoyôgi woi kuana, an mba ni hulongôgï ka hî ata yima an yogi ni igi magomba woi kuana. An Ma didina ni de na.

Jeremi 30:10

Ma didina mi dala: Agi suma hi Jakob-ma, azungeî mana, agi lagi mandar ri. Agi suma hi Israel-lîna, agi zlagagi d’i! Gola! An mba ni sud’ugï woi kur andaga d’a deid’a, an mba ni sut andjavagi woi kur ambas sa a yozi magomba kuad’a. Agi suma hi Jakob-ma, agi mba hulongôgïya, agi mba kagagi ki halasa ki tchugota bei va mi mbud’ugi mandar ba!

Jeremi 30:3

An Ma didina nga ni dangû, burâ nga mi mba, ni bur ma an mba ni hulongî man suma Israel-lâ ki man suma Juda-na woi kur magombina, an mba ni hulong ni mbazi ka hî yam ambas sa an hat mabuyozi ngolod’a, azi mba kak kat kua.

Jeremi 31:7

Kayam Ma didina mi dala: Agi hlagi sawal la furîd’a yam suma hi Jakob-ma, agi hlagi sawala yam andjaf ma ngol ma kal teglesâ, agi eregi ad’ugi akulo, agi gilegiziya, agi dagi woi ala: Ma didina, ang sut mang suma Israel-lâ ad’uzi d’a ara.

Jeremi 31:8

Gola! An nga ni hulongî ki sed’ezi abo ma norâ, an mba ni togozi avun dabid’a handagad’id’a. Suma duka ki suma dileîd’a, arop suma wirâ ki suma huruzi nga tazi á vutina, ki zla tazi pet a mba tok tok ka ngola ka hî.

Jeremi 32:37

Gola! An mba ni togozï kur ambas sa lara ge pet ta an digizi woi kur kayî mana ki hur man ma zal ma gugulu’îd’a, an mba ni hulong mbazi ka hî kur yima wana, an mba ni kagazi kur bei va mi lazi ba.

Jeremi 46:27

Ma didina mi dala: Agi suma hi Jakob-ma azungeî mana, agi lagi mandar ri! Agi suma hi Israel-lîna, agi zlagagi d’i! Gola! An mba ni sud’ugï woi kur andaga d’a deid’a, an mba ni sut andjavagi woi kur ambas sa a yozi magomba kuad’a. Agi suma hi Jakob-ma, agi mba hulongôgïya, agi mba kagagi ki halasa ki tchugota bei va mi mbud’ugi mandar ba!

Jeremi 50:19

An mba ni hulongî Israel-lâ kur kangâ mazina. Azi mba te hatna akulo yam ahina d’a Karmel-la ki d’a Basan-nda, a mba hop ki hatna akulo yam ahina d’a Efraim-mba ki d’a Galät-ta mi.

Jeremi 8:3

Andjaf suma a mba ar aduk andjaf suma asa’at suma an mba ni ndjoyôzi woi ata yima lara ge petna, a mba dala azi bo pî ni hotei kal la azi kak ki irazi d’a. An Ma didin ma ad’engên kal petna ni de na.

Ezekiyel 11:17

Ni kayam ndata ba, ang i dazi ala: Salad’a Ma didina mi dala: An mba ni togogï aduk suma, an mba ni yogï kur ambas sa an ndjoyôgi woi kuad’a, an mba ni hagi andagad’a hi Israel-lîd’a.

Ezekiyel 36:11

An mba ni zul suma ki d’uwarâ kagiya. Azi mba zula, a mba vut grona ablaud’a. An mba ni kak suma kagi d’igi avok na, an mba ni lagi djivid’a kal la avoka. Hina wani, agi mba wagi ala an ni Ma didina.

Ezekiyel 36:24

An mba ni yogï woi aduk andjaf suma dingâ, an mba ni togogï yam ambas sa agi b’rawagi woi kuad’a pet. An mba ni hulongôgï yam andaga magid’a.

Ezekiyel 36:37

Gola! Salad’a Ma didina mi dala: An mba ni ar lovota mi Israel-lâ a mba yan á ndjunda, an mba ni hulongôzi humba, an mba ni zuluzi d’igi d’uwarâ na mi.

Sunda hi suma hi Levi-nid’a 26:9

An mba ni djib’er kagiya, an mba ni aragi agi vud’ugiya, agi mba zulugiya. An mba ni tchol yam vun ma djin ma an djinim ki sed’egina mi.

Mise 2:12

Ma didina mi dala: Agi andjafâ hi Jakob-ma, an mba ni togogï ki zla tagi pet, an mba ni togogi agi Israel-lâ ad’ugi d’a ara. An mba ni togogi d’igi a tok tumiyôna kur kangâ mazina na, d’igi a tok d’uwarâ ata yam ma te hatna na. Agi mba togogi ni tok ka ablau d’a vuna kat gandjaud’a.

Mise 7:12

Kur bur máma sum magina a mba tcholï Asiri ki Ezipte, a mba tcholï avun alum ma Nil-lâ, avun alum ma Efrat-na, avun alum ma ngolâ, yam ahuniyôna mi, a mba mba gevegiya.