Jeremi 23:29 - Bible azumeina

²⁹ Zla manda ni d’igi akud’a na, ti ni d’igi marto d’a ad’eng nga ti to ahinad’a woid’a na mi d’uo zu? An Ma didina ni de na!

Jeremi 23:29 Kruisverwysings

Jeremi 20:9

Le an dala: An min dang zlang ngei d’uo, an min de zlad’a ki simiyêng nguo d’angû ni, gol wani, hurun nga mi ngalan d’igi akud’a na, ti nga d’i ngalan aduk asogonu, an kau á vad’u, an ndak á ve tan nduo mi.

Jeremi 5:14

Ni kayam ndata ba, Ma didin ma ad’engêm kal petna mi dala: Kayamba azi de hina d’a, an nga ni tin zla man nda d’igi akud’a na d’a avunang ang Jeremi. Sum ndazina a mba mbut ni d’igi aguna na mi. Aku ndata mba d’i ngalazi woyo!

Wana ni mbaktumba hi Oze-d’a 6:5

Kayam ndata, an nga ni zut suma djok vuna á togiya, an nga ni tchagi ki zla d’a de d’a avunanda. Sariya manda mba d’i ndeï woi d’igi b’o d’a faleid’a na.

Wana ni Zla d’a Djivi d’a Luc mi b’irita 24:32

Azi de tazi ala: Kid’a nga mi de zlad’a ki sed’ei kur lovotid’a, ata yima nga mi ve ad’ud’a kur mbaktumba hAlonid’ina, tei lei djivid’a d’uo zu?

Jean 6:63

Ni Muzu’â hAlonina ba, mi he arid’a mi suma; hliuna ndak á le va d’i. Zla d’a de d’a an dagizid’a ni Muzu’â karid’a.

Sunda hi suma a sunuzinid’a 2:3

A we vana d’igi sin akud’a na mba kaziya, mi b’rau kak yam nge nge pî adigaziya.

Sunda hi suma a sunuzinid’a 2:37

Kid’a azi hum zla ndatid’a, zlad’a vaziya, a de mi Pierre azi ki suma hiu suma a sunuzina ala: B’oziyomina, ami lami ni nana ge?

2 Korente-na 2:16

Ir suma a nga ba woina, ami ni his ma tcho ma tchi matna. Ir suma a nga fe sutina, ami ni his ma djivi ma sut sumina. Sama ndak á le sun ndata ni nge?

Hebre-na 4:12

Kayam zlad’a hAlonid’a narid’a, ti nga d’i le sunda. Te matna kal mbigeu d’a fiyak ka siyat mbàd’a. Nga d’i te gak ti wal tad’a ki muzu’â, gak ti wal ir aso’â kandjulora mi. Ti nga d’i ka sariyad’a yam djib’era hi sana d’a mi ngat kurum krovod’a.

Vama ndum mbeina 11:5

Le sana mi min á lazi tchod’a ni, akud’a mba d’i nde woi avunazi á b’lak mazi suma djangûna. Sama hal á lazi vana, a mba tchum mbei hina mi.