Jeremi 23:21 - Bible azumeina

²¹ Ma didina mi dala: An sun nga suma djok vun ndazina d’i, wani azi nga ringâ; an dazi nga zla tu d’i, wani azi nga djok vuna mi suma.

Jeremi 23:21 Kruisverwysings

Isai 6:8

An hum del Ma didina mi dala: Ni nge ba, an sunum ge? Ni nge ba, mba mi i ki zla mamid’a woi abu ge? An hulong dum ala: An wana! Ang sununu!

Jeremi 14:14

Ma didina mi hulong dan ala: Suma djok vun suma a nga djogogi vuna ki simiyên wana a ni suma ka zlad’a. An sunuzi nga d’i, an hazi nga vun ndi, an dazi nga zla d’uo ko. Azi djogogi ni zla d’a ka d’a nde tat irazi woid’a ki zla d’a djopa ki filei ma hawa ya’â ki mbut ir ra kuruzi krovod’a mi.

Jeremi 23:32

An nga ni ngop suma djok vun suma a nga djok vun adï d’a ka zlad’a mi suma suma a nga vit sum mana woi ki zla mazi d’a kad’a ki lop ir mazid’ina. Wani an sunuzi nga d’i, ni hazi nga vun ndi, azi ndak á le vama djivi yam sum mana tu d’i. An Ma didina ni de na!

Jeremi 27:14

Ar agi humugi zla d’a suma djok vun suma a nga dagi ala: Agi mba lagi sunda mamul ma Babilon-na d’uo na d’i, kayam vun ma azi nga djogogizina ni zla d’a kad’a.

Jeremi 27:15

Ma didina mi de kua ala: An sunuzï nga d’i. Azi nga djo’î vun ma ka zlad’a ki simiyênu. Le agi humuziya ni, an mba ni digigi woyo. Agi mba dabagi woi ki suma djok vun suma a nga djogogi vuna ndazina mi.

Jeremi 28:15

Ma djok vun Alona Jeremi mi de mi ma djok vuna Hananiya kua ala: Hananiya, ang huma! Ma didina mi sunungî nga d’i, wani ang nga zut suma á tin huruzi yam zla d’a kad’a.

Jeremi 29:31

Ang sun de mi suma a yozi magombina pet ala: Ma didina mi de yam Semaya ma Nehelam-ma ala: Semaya mi djogogi vuna ni bei an sunum ba, mi zud’ugi á tinigi hurugi yam zla d’a kad’a.

Jeremi 29:8

Ma didin ma ad’engêm kal petna, Alona hi Israel-lîna, mi de kua ala: Ar suma djok vun suma a nga adigagina ki suma a nga de zlad’a yam vama nga mi mbana a vid’igi woi d’i, ar agi tinigi humagi yam suma a nga vagi ad’u adïd’ina d’uo mi.

Jeremi 29:9

Ma didina mi dala: Azi nga djogogi vun ma ka zlad’a ki simiyênu, wani an sunuzi nga d’i.

Jean 20:21

Jesus mi dazi kua ala: An gagi depa. D’igi Abun mi sununï na, an sunugi na mi.

Sunda hi suma a sunuzinid’a 13:4

Muzuk ma bei tchod’a ba na, mi sun Barnabas azi ki Saul. A i kur Selusi, a hle batod’a, a i kur til la Sipre-d’a.

Romê-na 10:15

Le a sun suma d’uo ni, a mba tchi wala ni nana ge? D’igi mbaktumba hAlonid’a ti de na ala: Suma a mba ki Zla d’a Djivid’ina djivid’a kaziya.